24 oktyabr 2017, Çərşənbə
Ana Səhifə - REPORTAJ - Tək ananın əldən gedən tək ümidi - Şəhid Əlizaman İslamovun acı HƏYAT HEKAYƏTİ - FOTOLAR
Tək ananın əldən gedən tək ümidi - Şəhid Əlizaman İslamovun acı HƏYAT HEKAYƏTİ - FOTOLAR +
25.10.2016, 10:35

Vətəni qibləgah edən şəhidlər – XXXX

 

İlk dəfə evləri başlarına uçurulanda balaca Əlizamanın 11 yaşı var idi. 2008-ci ildə anası borc-xərclə  Zabrat kəndindəki təzə aldığı torpaq sahəsində bir otaq tikib, oğlu ilə bu damın altına yığışmaq istəyirdi. Əlinə düşəni daşa, quma verib bura gətirirdi. Fikri var idi ki, 1-2 həftəyə  oğlunu da yanına alıb, qohum-əqraba qapısından, kirayələrdən yığışsınlar... Həmin günlərdə 11 yaşlı Əlizaman dərsədən çıxan kimi qaçıb, həvəslə bu həyətə gələr, tikilməkdə olan evlərinə baxırdı. Günlərin birində isə gəlib gördü ki, həyətlərinə gələn traktor  xortumu ilə onların evini uçurur… Anasının, özünün min bir əziyyətlə tikib başa gətirdikləri birotaqlı evi tanımadığı  kişilər uçurdular…  bircə dəqiqənin içərisində iki kimsəsiz insanın əziyyətini yerlə-yeksan etdilər. Uşağın qorxudan, dəhşətdən gözləri böyümüşdü o zaman… başını götürüb bu qərib yollarla üzü aşağı qaçmışdı ki, anasını xəbərdar eləsin, desin ki, evimizi başımıza uçurdular… İlk dəfə balaca Əlzamanın arzuları onda- çilik-çilk olmuşdu…


Sonra anası Hürnisə Kərimova  gəlmişdi…  Məlum olmuşdu ki, bu bəxtsiz ailənin evini başına Ramana kəndinin bələdiyyəsi uçurub…  Bir az keçəndən sonra da məlum olmuşdu ki, sən demə heç Ramana kənd bələdiyyəsinin bu torpağa girməyə haqqı yox imiş. Torpaq  Zabrat kənd bələdiyyəsinin ixtiyarındadır. İki baş-başa gələn qoluzorlu məmurun qudurğanlığının, mübahisəsinin sonu bir kimsəsiz qadının evinin uçurulmasıyla sonuclanmışdı. Sonra Azərbaycanın yazılmamış “qaydalarına” uyğun şəkildə, Hürnisə Kərimova yenidən lazımi adamlarla lazımı razılığa gəlib,  həmin yerdəcə, yeni evini tikməyə başladı… 
Torpaq da Zabrat kənd bələdiyyəsinin ərazisinə keçirildi. Evinin üstünə daş-qoya qoya oğlunu da  18 yaşına çatdırdı. 


Modern.az saytı “Aprel şəhidləri” silsiləsindən növbəti yazını təqdim edir…

Hürnisə Kərimovanın bəxti elə əvvəldən gətirməmişdi. Fərruxla ailə qurub Bakının Zabrat kəndinəki evlərinə gəlin gələndən, oğlan evi bu gəlini sevmədi, qəbul etmədi. Sonra da söz-söhbətdən  boğaza yığılan Fərrux içkiyə qurşandı. Beləcə günlərini çətinliklə keçirdi. 1997-ci ilin iyun ayının 12-də dünyaya gələn oğlunun sevinci də ailədə mehribanlıq yarada bilmədi. Hürnisə isə dözdü… Dözdü ki, el –obadan ayıbdır, dözdü ki, axırı yaxşı olar… Dözdü ki, oğlunu atalı böyütsün.  Axırı isə görünmürdü.

2006-ci ilin bir günündə evdə yenə qırğın-qiyamət düşdü. Balasını qucağına götürüb, qaçdı Zabratdakı  ər evindən. Bir az qoltuqlarda yaşadı, sonra məhkəmə  ana və azyaşlı oğlunun  İslamovlar ailəsinə məxsus evdə yaşaması üçün qərar çıxardı və ailəni  boşadı.  
Hürnisə  deyir ki,  oğlunu çox çətinliklə böyütdü. Ev sahiblərinin mal-heyvan üçün alıb gətirdikləri quru çörəkdən  hamı yatandan sonra gizlində götürüb suda isladar və səhərlər oğlunu yedirərmiş. Beləcə 2008-ci ilə kimi həmin həyətdə yaşaya  bildilər. Günlərin bir günü içib gəlmiş Fərrux yenə də qadını döyməyə, dalaşmağa başladı, iş o yerə gəldi ki, bıçaq götürüb oğlunun başını kəsmək istədi. Hürnisənin haraya gələn bacıları onları Fərruxun əlindən alıb, birdəfəlik bu həyətdən çıxardılar.

       


Əlizaman İslamov 75 saylı məktəbin 9-cu sinfini başa vurandan sonra Maştağadakı  aşpazlıq  məktəbini bitirir. 1 ay  peşəsü üzrə işləyəndən sonra, anası oğluna məsləhət görür ki, əsgərlik vaxtı yaxınlaşır, bir az istirahət etsin.


Hərbi xidmətə getməzdən 3-4 gün əvvəl Hürnisə oğlunun boynunu qucaqlayıb, ötüb-keçən küsüləri unutmasını istəyir. Oğlundan xahiş edir ki, gedib atası ilə, nənə-babası ilə görüşüb, xeyir-dua alsın. Əlizaman da elə bil bu sözə bənd imiş. 3 gün ərzində 4 dəfə doğulduğu, böyüdüyü həyətə gedir, ancaq  üzünə qapı açmırlar, qapıya çıxanlar da min bəhanə ilə usagı  həyətə buraxmırlar. Gah deyirlər ki, baba xəstədir, gah deyirlər ki, nənə xəstədir.
Əlizaman qayıdıb, başına gələnləri anasına danışır. Anası yenə mərdliyindən dönmür. Onu atasının işlədiyi yerə göndərir, deyir “bala, sən get atanla görüş, halallaş”…
Oğlan atasının iş yerinə gedir… Ata gizlənir. Hürnisə məcbur qalıb, Fərruxun dostuna zəng vurur ki, uşaq atası ilə görüşmək istəyir… yenə görüş alınmır…
Zorla məhəbbət olmur ki… ata istəmədi… Əlizaman kör- peşiman qalıb həmin o payız günlərində evə gəldi. Elə Payız kimi dolmuşdu. Ana səhəri gün, oktyabrın  20-də axşamüstü oğlunu  Dəmiryolu vağzalına aparıb əsgərliyə yola saldı. Əlizaman qatara minən kimi, keçib  perronda qapının dalında gizləndi… Hamını atası yola salırdı, onu isə anası və xalaları… Sınmışdı, yamanca sınmışdı Əlizaman… Gözləri ata yolu çəkdi… Qatar yerindən tərpənənə qədər  hələ  ümidi var idi, elə bilirdi ki, atası gələcək…


Qatar yola düşdü… Bir ananın gözü qoşa bulağa dönsə də, qəlbində vüqar baş qaldırdı. Hürnisə fikirləşdi ki, oğlu kişilik məktəbini keçib gələndən sonra, günü-güzəranı da yaxşılaşacaq… Əl-ələ, baş-başa verib  evlərini tikəcəklər… Eh… o qədər arzuları var idi ki… Həm özünün, həm oğlunun.



Hürnisə oğlu əsgər gedəndən sonra üç dəfə ona baş çəkdi. Ancaq ürəyində bir narahatlıq var idi. Aidiyyatı  dövlət orqanlarına məktub yazıb, oğlunun tək övlad olmasını nəzərə alıb,  ön cəbhəyə göndərilməməsini xahiş etmişdi. Ananın məktubunun cavabını çox gözlətməmişdilər. Hətta cavab gəlmişdi ki, “…oğlunuzun tək övlad olmasını nəzərə alaraq, arxa bölmələrdə xidmət etməsi üçün qanun çərçivəsində baxılacaq”.   
Bu məktubu alandan sonra bir az arxayınlaşmışdı. Necə olsa da  rəsmi məktub oğlunun xidmət etdiyi hərbi hissənin komandiri tərəfindən imzalanmışdı. Axırıncı dəfə Hürnisə oğlunun yanına  21 martda getdi. Qazandığı pulundan  balası üçün min bir nemətdən yığıb bayramlıq bağlama hazırladı, sevdiyi yeməkləri bişirdi,  yol tədarükünü tutub, səhər o başdan gedib  Əlizamana çatdırdı özünü.  Süfrə açıldı, başqa əsgər dostlarını da süfrəyə dəvət etdi. Sonra ana-bala oturub dərdləşdilər. Oğlunun gözündə-üzündə gizli kədəri sezdi. Nə illah elədisə Əlizaman anasına bir söz demədi. Ayrılıq zamanı çatanda, doyunca anasına sarıldı, bağrına basdı anasını: “Ana özünü qoru, özündən muğayat ol” dedi,  nədənsə özünü saxlaya bilməyib ağladı, kövrəldi.
“Ana, səndən heç doymuram axı..”,- deyib bir də bağrına basdı Hürnisəni…


Hürnisə Kərimova oğlundan  son dəfə belə ayrıldı. Son dəfə sinəsinə, üzünə-gözünə oğlunun qəmli çöhrəsini, göz yaşlarını yığıb gəldi.

         
Analara əyan olur balaları ağrayanda, darda olanda. Aprelin 2-si qarışıq yuxu gördü. Oğlu onu imdada çağırırdı. Ağlayırdı. Hövlnak yuxudan oyandı…

     
Azərbaycan Ordusu öz sərhədlərini qorumaq və ərazilərini düşməndən xilas etmək üçün işğalçı Ermənistan Ordusunun növbəti hücumunun qarşısını  alarkən həmin döyüşlərdə  bir çox vətən oğulları ilə bərabər, Əlizaman İslamov da şəhid oldu…


Onsuz da bir qapqara dünyası var idi Hürnisənin. Elə bil ki, Tanrı onu əzablara sinə gərmək üçün yaratmışdı… Anaya o xəbər necə gəldi, necə verildi… Hürnisənin son ümidi, tək oğlu, gələcəyi, arzuları… dünyası çilik-çilik oldu… həmin andan  həyat dayandı sanki onun üçün…




Amma sınmadı dizində qüvvə tapdı. Oğlunun tabutunu Lənkəranda, özünün doğulduğu Çilə kəndində dəfn edilməsinə qərar verdi. Əlzamanı da eli-obası, Lənkəran şəhəri üçrəngli Azərbaycan bayraqları ilə əsl Vətən qəhrəmanı kimi qarşıladı. Tabutu çiyinlərdən yerə düşmədi. 19 yaşlı  Əlizaman İslamovun tabutuna bükülmüş Azərbaycan bayrağını isə dayısına verdilər. Beləcə Vətən torpağına əmanət etdilər Əlizaman İslamovu. Vətən bir oğlu ilə də öyündü. Bir oğul da Vətən torpağına qarışdı.


O gündən sonra, dünyası dağılmış Hürnisə ana özünə yer tapmır.  Hərbi hissədən  ona oğlunun  bir əsgər papağını da gətirib verdilər. Həmin papağın içərisində öz əlləri ilə “Anama yadigar qalsın”  yazıb Əlizaman. Anasına son məktubudur.

İndi Hürnisə bu yarıtıkılı evində başını itirib, axı bu evdə yaşamaq üçün oğlu ilə o qədər arzular qurmuşdu.  Axı Əlizaman ona demişdi ki, “ana gəlib, evi tikib qurtaracağam… səni daha əziyyət çəkməyə qoymayacağam…”. İndi dörd qara  divarlardır, bir də TƏK TƏNHA, kimsəsiz  ANA. Gecə -gündüz bu  qara divarların arasında sanki ulayır,


Haray getdi dəm əldən
Qaldım yenə qəmlərdə.
Gedir dünyalar getsin,
Getməsin balam əldən…
Haray təklik əlindən…


Hürnisə aidiyyatı  orqanlardan, cavabdeh insanlardan oğlunun həlak olandan sonrakı şəklini  istəyir ki, baxıb inansın ki, ölən onun  oğludur. Çünki, narahatdır, oğlu yuxusuna gəlib, ondan imdad diləyir. Hürnisə deyir ki, hərbi xidmətini başa vurub altı aydan sonra qayıdacaqdı oğlu . “Altı ay da gözləyəcəyəm, oğlum yenə də gəlməsə, onda səhralara düşüb balamı axtaracam…” deyib gözlərinin 7 aydır ki, qurumayan yaşını yenə selə döndərib  tökür Hürnisə…



Aida Eyvazlı

 

 


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Ermənistanda rusiyalı əsgər xidmət yoldaşını öldürüb
24.10.2017, 00:57

Ermənistanda rusiyalı əsgər xidmət yoldaşını öldürüb

Bərdənin su təchizatında problem yarandı
24.10.2017, 00:43

Bərdənin su təchizatında problem yarandı

Ölkədə seysmik vəziyyətin fon səviyyəsi 8-9 baldır - Video
24.10.2017, 00:17

Ölkədə seysmik vəziyyətin fon səviyyəsi 8-9 baldır - Video

İlin ən yaxşı məşqçisi Zidan oldu
24.10.2017, 00:01

İlin ən yaxşı məşqçisi Zidan oldu

Gürcüstanda azərbaycanlı qətlə yetirildi
23.10.2017, 23:46

Gürcüstanda azərbaycanlı qətlə yetirildi

Bakıda xarici qonaqlara xüsusi taksilər xidmət göstərəcək
23.10.2017, 23:26

Bakıda xarici qonaqlara xüsusi taksilər xidmət göstərəcək

Ankara Böyükşəhər Bələdiyyəsinin sədri istefa verir
23.10.2017, 23:07

Ankara Böyükşəhər Bələdiyyəsinin sədri istefa verir

Yağın ardınca pendir də bahalaşdı - VİDEO
23.10.2017, 22:48

Yağın ardınca pendir də bahalaşdı - VİDEO

Cənubi Qafqaz dünyanın ən hərbiləşdirilmiş bölgələrindən biridir
23.10.2017, 22:31

Cənubi Qafqaz dünyanın ən hərbiləşdirilmiş bölgələrindən biridir

Ukrayna prezidentinə sui-qəsd ...
23.10.2017, 22:17

Ukrayna prezidentinə sui-qəsd ...

ABŞ-ın dövlət katibi Bağdada gəldi
23.10.2017, 22:01

ABŞ-ın dövlət katibi Bağdada gəldi

Pan-Afrika Parlamentinin prezidenti Heydər Əliyev Mərkəzində oldu
23.10.2017, 21:46

Pan-Afrika Parlamentinin prezidenti Heydər Əliyev Mərkəzində oldu

İşğal olunmuş torpaqda İŞĞALÇINI MƏĞLUB ETMƏK HƏQİQƏTİ...
23.10.2017, 21:31

İşğal olunmuş torpaqda İŞĞALÇINI MƏĞLUB ETMƏK HƏQİQƏTİ...

Gürcüstanda Azərbaycan vətəndaşı həbs edildi - Rəsmi
23.10.2017, 21:13

Gürcüstanda Azərbaycan vətəndaşı həbs edildi - Rəsmi

Çeçenistanda silahlı insident: 4 ölü
23.10.2017, 20:57

Çeçenistanda silahlı insident: 4 ölü

Müsavatçılar Bakı Şəhər İcra Hakimiyyətinin qarşısına toplaşacaq
23.10.2017, 20:43

Müsavatçılar Bakı Şəhər İcra Hakimiyyətinin qarşısına toplaşacaq

Gürcüstanın baş naziri Bakıya gəlir
23.10.2017, 20:29

Gürcüstanın baş naziri Bakıya gəlir

İtaliyada meşə yanğınları səbəbindən əhalinin təxliyyəsinə başlanılıb
23.10.2017, 20:16

İtaliyada meşə yanğınları səbəbindən əhalinin təxliyyəsinə başlanılıb

Ermənistan ordusunun daha 3 hərbi qulluqçusu fərarilik edib
23.10.2017, 20:02

Ermənistan ordusunun daha 3 hərbi qulluqçusu fərarilik edib

"Çudo Peçka”nın 27 əməkdaşı dindirilib
23.10.2017, 19:51

"Çudo Peçka”nın 27 əməkdaşı dindirilib

Penitensiar Xidmətin üç əməkdaşı istintaqa cəlb edilib
23.10.2017, 18:55

Penitensiar Xidmətin üç əməkdaşı istintaqa cəlb edilib

Avropa Birliyi Ermənistanın təxribatları barədə məlumatlandırılıb
23.10.2017, 18:40

Avropa Birliyi Ermənistanın təxribatları barədə məlumatlandırılıb

Sabahdan güclü geomaqnit qasırğası başlayır
23.10.2017, 18:31

Sabahdan güclü geomaqnit qasırğası başlayır

Şəkidə yol tikintisinə 4,8 milyon manat ayrıldı
23.10.2017, 18:16

Şəkidə yol tikintisinə 4,8 milyon manat ayrıldı

Rəsulzadənin ailəsi ilə SON GÖRÜŞÜ...
23.10.2017, 18:11

Rəsulzadənin ailəsi ilə SON GÖRÜŞÜ...

Abel Məhəmmərovdan birinci kurs tələbələrinə çağırış
23.10.2017, 18:05

Abel Məhəmmərovdan birinci kurs tələbələrinə çağırış

Kamal Abdulla BMT nümayəndəsi ilə görüşüb
23.10.2017, 17:49

Kamal Abdulla BMT nümayəndəsi ilə görüşüb

Növbəti 3 gündə güclü geomaqnit həyəcanlaşması gözlənilir
23.10.2017, 17:44

Növbəti 3 gündə güclü geomaqnit həyəcanlaşması gözlənilir

Manat və dolların sabahkı məzənnəsi
23.10.2017, 17:22

Manat və dolların sabahkı məzənnəsi

İraq kürdləri Bağdaddan sülh istədi
23.10.2017, 17:20

İraq kürdləri Bağdaddan sülh istədi

Uşaqların dini mərasimlərə aparılması rəsmən QADAĞAN OLUNUR  
23.10.2017, 17:17

Uşaqların dini mərasimlərə aparılması rəsmən QADAĞAN OLUNUR  

Tovuzda usta iş yerində "laqonda" ilə əlini doğradı
23.10.2017, 17:15

Tovuzda usta iş yerində "laqonda" ilə əlini doğradı

Cocuq Mərcanlının günəşli payızı - REPORTAJ
23.10.2017, 17:09

Cocuq Mərcanlının günəşli payızı - REPORTAJ

Cəlilabadda məktəbə 2 nəfər direktorluq edir - QALMAQAL
23.10.2017, 17:06

Cəlilabadda məktəbə 2 nəfər direktorluq edir - QALMAQAL

Hadı Rəcəbli üslubu
23.10.2017, 17:06

Hadı Rəcəbli üslubu

ARXİV
SORĞU
Hansı kommunal xidmətin işindən razısınız?
“Azəriqaz”(4.88%)
“Azərişıq”(24.8%)
“Azərsu”(9.02%)
“Azəristiliktəchizat”(3.00%)
Heç biri(58.2%)