Türkiyənin 6 əyalətində terrorçu İŞİD qruplaşmasına qarşı keçirilən əməliyyat nəticəsində 81 nəfər tutulub. Modern.az-ın Türkiyə KİV-nə istinadən verdiyi xəbərə görə, tutulanların 21-i qruplaşmanı idarə edənlərdir.
Məlumata görə, əməliyyatı İstanbul Təhlükəsizlik İdarəsi Terrorçuluğa qarşı mübarizə şöbəsinin əməkdaşları keçiriblər.
Antiterror tədbiri Türkiyənin İstanbul, Qaziantep, Şanlıurfa, Kırklareli, Ədirnə və Ərzurum əyalətlərində gerçəkləşdirilib.
Tutulanların 20-si 18 yaşdan kiçik, 60-ı isə xarici ölkə vətəndaşıdır.
Ağa AKİFOĞLU