Azərbaycan Dillər Universitetinə yeni mətbuat katibi təyin edilib. Modern.az saytının məlumatına görə, bu, jurnalist Araz Ağayevdir.
Xəbəri onun özü də təsdiqləyib:
“26 oktyabr 2016-cı il tarixli müvafiq əmrə əsasən, Azərbaycan Dillər Universitetinin İnformasiya Departamentinin müdiri vəzifəsinə təyin olunmuşam. Jurnalistlərlə yenidən əməkdaşlıq etməkdən məmnunluq duyuram. Əminəm ki, təmsil etdiyim ali təhsil müəssisəsinin fəaliyyətinin ictimaiyyətə çatdırılması istiqamətində əməkdaşlığımız faydalı olacaq. Bu yolda sizin hər birinizdən dəstək gözləyirəm. Eyni zamanda bildirirəm ki, Azərbaycan Dillər Universitetinin fəaliyyətinə dair bütün suallarınızı hər zaman cavablandırmağa hazırıq”.
Qeyd edək ki, Araz Ağayev bu təyinatadək “Kaspi” qəzetində çalışırdı.
Daha əvvəllər isə A.Ağayev Azərbaycan Dövlət Neft Şirkətinin “Azəriqaz” İstehsalat Birliyində mətbuat xidmətinin rəhbəri vəzifəsində çalışıb.
Modern.az
