Futbol üzrə Azərbaycan milli komandası 2018-ci il Dünya çempionatının seçmə mərhələsində növbəti oyununu keçirir. Modern.az saytı xəbər verir ki, milli komandamız Belfast şəhərində Şimali İrlandiya yığmasının qonağıdır. İlk 3 oyundan sonra 7 xalla qrupda 2-ci yerdə olan Robert Prosineçkinin komandası bu dəfə də meydana qələbə üçün çıxıb.
Amma oyunun 27-ci dəqiqəsində rəqib komanda hesabı açıb. Oyunun 40-cı dəqiqəsində isə komandamız qapısında ikinci qolu görüb.
İkinci hissədə Şimali İrlandiya yığması daha iki dəfə fərqlənib. Oyunun 66-cı və 83-cü dəqiqələrində qapımızda top gördük. Beləliklə, oyun 4:0 hesabı ilə irlandların qələbəsi ilə yekunlaşıb. Bununla da komandamız turnir cədvəlindəki yerini Şimali İrlandiya verib.
| 1. | Almaniya | 4 | 4 | 0 | 0 | 16:0 | 12 |
| 2. | Şimali İrlandiya | 4 | 2 | 1 | 1 | 8:2 | 7 |
| 3. | Azərbaycan | 4 | 2 | 1 | 1 | 2:4 | 7 |
| 4. | Çexiya | 4 | 1 | 2 | 1 | 3:4 | 5 |
| 5. | Norveç | 4 | 1 | 0 | 3 | 5:7 | 3 |
| 6. | San Marino | 4 | 0 | 0 | 4 | 9:9 | 0 |
Modern.az
