“2016-cı ilin fevral ayının bələdiyyələrlə bağlı hesabatı bizə təqdim olunub. Bununla əlaqədar materiallar verilib. Tam rəqəmlərlə nə qədər bələdiyyənin cinayətə cəlb olunmasını deyə bilməyəcəm. Çünki statistik rəqəmlərdir”.
Bunu Modern.az-a açıqlamasında Milli Məclisi Regional məsələlər komitəsinin üzvü Tahir Rzayev bələdiyyələrlə bağlı danışarkən deyib.
Deputat bildirib ki, bələdiyyələrlə bağlı yaxşı mənada irəliləyiş var.
“Onu əlavə edə bilərəm ki, son illər bələdiyyələrin cəzalandırılması halları azalıb. Bu da çox yaxşı haldır. Maarifləndirmə tədbirləri nəticəsində bələdiyyələrə daha savadlı kadrlar cəlb edilib deyə cəzaların da sayı azalıb. Güman ki, 2017-ci ilin yanvar ayında bələdiyyələrin hesabatını bizə təqdim edəcəklər. Bbiz də fevral ayında müzakirə edəcəyik.
Adətən bələdiyyələrin cinayət məsuliyyətinə cəlb edilməsi barədə hesabatı fevral ayında ədliyyə nazirinin müavini Vilayət Zahirov özü təqdim edir. Ümid edirik ki, növbəti hesabatda da bələdiyyələrin işində nöqsanlar az aşkarlanacaq”
Namidə BİNGÖL
