Rusiyanın iqtisadi inkişaf naziri Aleksey Ulyukayev saxlanılıb. Modern.az saytı Rusiya KİV-lərinə istinadən xəbər verir ki, ona qarşı rüşvətalma ittihamı ilə cinayət işi qaldırılıb.
Xəbərdə deyilir ki, Aleksey Ulyukayev 2016-cı il noyabrın 14-də “Rosneft” şirkətindən 2 milyon dollar məbləğində rüşvət almaqda ittiham olunur.
Qeyd olunur ki, nazir bu pulun müqabilində “Rosneft”ə onun “Başneft” şirkətinin dövlət səhmlərini alması üçün müsbət rəy verib.
Noyabrın 15-də Rusiya Federasiyasının İstintaq Komitəsinin xüsusilə mühüm işlər idarəsi tərəfindən Aleksey Ulyukayevə qarşı cinayət işi açılıb. Artıq onu həbs ediblər.
Modern.az