27 may 2017, Şənbə
Ana Səhifə - MÜSAHİBƏ - Koreyanın Bakıdakı səfiri: “Koreyalılar Azərbaycan xalqı ilə qohumdurlar” - MÜSAHİBƏ
Koreyanın Bakıdakı səfiri: “Koreyalılar Azərbaycan xalqı ilə qohumdurlar” - MÜSAHİBƏ +
17.11.2016, 16:38

Parlament Jurnalistləri Birliyi (PJB) Azərbaycandakı xarici ölkə səfirləri ilə görüşlərə start verdi.

 

Qeyd edək ki, belə görüşlər çərçivəsində səfirlərlə silsilə müsahibələr təşkil olunacaq. Geniş müsahibələrin məqsədi səfirliklərin fəaliyyətinin Azərbaycan ictimaiyyətinə çatdırılmasıdır. Belə görüşlərdə məqsəd həmçinin Azərbaycan gerçəkilklərini səfirin dəstəyi ilə onun ölkəsinin mediasına çatdırmaqdan ibarətdir.

 

Beləliklə, ilk belə görüş Koreya Respublikasının Azərbaycandakı fövqəladə və səlahiyyətli səfiri Kim Çanq-gyu ilə baş tutdu. Modern.az saytı Səfir Kim Çanq-gyu ilə müsahibəni təqdim edir.

 

- Cənab səfir, Koreya-Azərbaycan diplomatik əlaqələrinin bugünkü durmunu necə qiymətləndirirsiniz?

 

 -1992-ci ildə iki ölkə arasında diplomatik münasibətlər qurulandan bəri əməkdaşlıq siyasi sahədə aktiv şəkildə inkişaf etdirilmişdir. Bu dövrdə bir çox  dövlət və hökumət rəsmiləri ölkəyə qarşılıqlı səfərlər etmişdir. Bunlardan üçü prezidentlərin səfərləri, ikisi baş nazirlərin səfərləri olub. Hər il hökümətlərarası iqtisadi kommisiyanın iclasları və siyasi dialoqlar həyata keçirilir. Ancaq ikitərəfli əməkdaşlığın mövcud potensialını nəzərə alaraq indiyə qədər əldə etdiyimiz nailiyyətlərlə qane olmamalıyıq. Birlikdə çalışaraq əməkdaşlığımızı daha da dərinləşdirməliyik.

Səfirlik olaraq da bu əməkdaşlığı inkişaf etdirmək üçün iqtisadiyyatın 5 əsas sahəsinə fokuslanaraq fəaliyyətini davam etdirir. İki ölkə arasındakı arasındakı əməkdaşlığı inkişaf etdirməkdə diplomatların əsas vəzifəsi əməkdaşlıq mühitini yaratmaqdır. Əməkdaşlıq siyasəti nə qədər uğurlu olsa da mühit uyğun olmasa real nəticələr götürmək çətindir. Səhiyyə, İnformasiya Texnologiyaları, neft kimya sənayesi, nəqliyyat və turizmin də daxil olduğu bu 5 sahədə uğur üçün belə münit şərait və mühitin olduğuna inanıram. İki ölkə dil yaxınlığını əsas götürərək mədəni əmədaşlığa da xüsusi fikir verməlidir. Mədəni əmədaşlıq və qarşılıqlı anlaşmanın iqtisadi əməkdaşlıq üçün də bir növ zəmin yaradacağına inanıram. Konsulluq və viza məsələlərindəki sadələşdirilmə də vacibdir və bu sadələşdirilməyə dəstək olaraq birbaşa reyslərin açılması əməkdaşlığa böyük təkan verəcəyinə inanıram. Diplomatik fəaliyyətimizi belə çoxyönlü və sistemli şəkildə inkişaf etdirməklə ölklərə arasındakı əməkdaşlığa töhvə verəcəyimizdən əminəm.

 

- Koreyanın inkişaf etmiş iqtisadiyyatı var və bu baxımdan bir çox uğurlar qazanıb. Bu uğurların əsasında nə dayanır?


- Koreya iqtisadiyyatının sənayeləşmə dövrünün başlanğıcı hesab edilən 1962-ci ildə Koreyada adambaşına düşəm ümumdaxili məhsul 62 dollar idi. Bu rəqəmdə son 50 ildə 450 dəfə artım olmuş və 27,633 dollara qədər qalxmışdır. Belə yüksək göstərici və artım uzaqgörən və güclü liderliklə bərabər koreya xalqının çalışqanlığı və əqidə möhkəmliyi ilə mümkün olmuşdur. Dövlət başçısının liderliyi altında dövlət rəsmilərinin şəffat iqtisadi siyasəti uğurla həyata keçirilmiş və təhsilli xalqımızın işitirakı və əməksevərliyi ilə bu siyasət öz bəhrəsini vermişdir. Bu dövrdə siyasətin əsas istiqamətlərini ixracyönümlü iqtisadi siyasət, sistemli və effektiv iqitisadi inkişaf planı, yüksək səviyyəli təhsil, təşəbbüskar və çalışqan işçi mədəniyyətinin təqlidi təşkil edirdi.

- Koreya yüksək texnoloji imkanlarına görə tanış ölkədir. Həmçinin, hər zaman Seul Olimpiadasını xatırlayırıq. Bu günlərdə Seulda baş verən kütləvi aksiya bizi narahat etdi. Bəzi məlumatlara görə, aksiyada 1 milyona yaxın insan iştirak edib. Cənab səfir öz ölkəsində baş verənlərə görə narahatdırmı? Hadisələrin məntiqi sonluğu olaraq hakimiyyət dəyişikliyi baş verə bilərmi?


- Koreyada 1 milyondan artıq insanın aksiya keçirməsi mənim fikrimcə Koreyada demokratiyanın nə qədər inkişaf etdiyini göstərir. Bu demokratiyanın sübutudur. Koreyada siyasi, iqtisadi və digər sahələrdə dövlət sistematik olaraq qurulub. Bu sistematik uyğunluğa əsasən siz dediyiniz aksiyalar olsa da, partiyalar arasında münaqişələr olsa da bunlar dövlətin işinə təsir göstərmir. Dövlət öz aktiv fəaliyyətini davam etdirir. Belə aksiyalar Koreyada birinci dəfə deyil. Bu qarşıdurmalar, aksiyalar ölkənin inkişafına dəstək olmaqla öz həll yolunu tapmış və insanların adi həyatına çox da təsirini göstərməmişdir. Bizdə siyasi mühitdəki problemlərin olması təbiidir. Sistematik olaraq dövlət idarəçiliyi, hökumət tərəfindən problemlərin həlli əsasdır. İndiki dövrə qədər də Koreya təcrübəsi göstərir ki, iqtisadi, siyasi, mədəni sahədə olsun hər hansı belə problem zaman ərzində həll olunur və bu həll yolu da dövlətin inkişafına müsbət yöndə təsir edir.


- Koreya-Azərbaycan iqtisadi münasibətləri barədə də məlumat verməyinizi xahiş edirik. Koreya-Azərbaycan ticarətinin dövriyyəsi nə qədərdir? Neftin qiymətinin aşağı düşməsindən sonra dünyada baş verən iqtisadi-maliyyə böhranın Azərbaycan-Koreya arasında ticarət dövriyyəsinə təsirləri nə dərəcədədir?


-
Azərbaycan ilə Koreya arasındakı iqtisadi münasibətlər neftin qiyməti düşməmişdən əvvəl daha yüksək səviyyədə  idi. Bu münasibətlərdə Koreyanın Azərbaycanda investisiya qoyuluşu da yüksək idi. Bununla əlaqədar olaraq da 2014-ci ildə qoyulan investisiya ilə hazırkı dövr arasında fərq həddən artıq çoxdur. Azərbaycanla ticarət dövriyyəsi 2014-cü ildə 270 milyon dollar olsa da, 2015-ci ildə azalma müşahidə olunmuş və bu rəqəm 126 milyon dollara düşüb. Neftin qiymətinin ticarət dövriyyəsinə təsir etməsi bizi də narahat edir. İqtisadi əməkdaşlığın bazası sağlam olmadığına görə ticarət dövriyyəsinin də 40 faizə yaxın aşağı düşməsindən narahat oluruq. Əsaslı iqtisadi münasibətlərin olması şərtdir. Mən də iki ölkə arasında əsaslı iqtisadi əməkdaşlığı əldə etmək üçün çalışıram. Müxtəlif sahələrin inkişafına fikir verirəm. İki ölkə arasındakı münasibətlər indikindən daha yaxınlaşmalıdır. Çünki, bizim əməkdaşlığa çox böyük potensialımız var. İnvestisiya qoyuluşu artırılmalı və fərqli sahələrdə investisiya qoyulmalıdır.  


- Bəs hazırkı iqtisadi-maliyyə böhranın Sizin ölkənizə təsiri hansı səviyyədədir?


- Koreya ixrac yönümlü iqtisadiyyata malik olduğundan neft qiymətinin düşməsi öz təsirini göstərib. Xüsusən Koreyanın ixracının 58%i inkişaf etməkdə olan ölklərdə gəmiqayırma, tikinti və ağır sənaeyənin payına düşdüyündən idxalda eniş müşahidə olunmağı normaldır. Neft və kimya sənayesi sahəsində ixrac 30% azalıb. Ancaq Koreya iqtisadiyyatının əsasları sağlam və hərtərəfli olduğundan bu azalmanın təsiri güclü olmayıb. Koreyanın ümumi ixracı isə 2014-cü ildə 572 milyard 665 milyon ABŞ dollarından bir az aşağı düşərək 526 milyard 901 milyon ABŞ dollarına düşüb, bu isə ən çox ixrac edən ölkələr sırasında dünyada 6-cı yer deməkdir.


- Koreyanın Azərbaycana yatırdığı investitisiyanın həcmi nə qədərdir? Nüfuzlu Koreya şirkətləri Azərbaycanda hansı sahələrə investitisiya qoymaqda daha maraqlıdırlar?


- Hazırki dövrə qədər Koreyanın Azərbaycana investisiya qoyuluşu təxminən 50 milyon dollara yaxın olub. Amma bu hal hazırda yüksək bir rəqəm deyil. Ancaq bildiyiniz kimi, Azərbaycanda iqtisadiyyatın diversifikasıyası prosesi yeridilməyə başlanılıb. Bu proses çərçivəsində Azərbaycanla ən çox əməkdaşlıq edəcək ölkənin Koreya olduğunu düşünürəm. Koreya iqtisadiyyatı öz gücünə görə dünyada 11-ci yerdədir və bütün sahələrdə rəqabətə davamlıdır. Azərbaycan da öz növbəsində müstəqillik qazanandan bəri iqtisadi sahədə böyük nailiyyətlər əldə edib və mənim fikrimcə iki ölkə öz güclərini birləşdirib birgə fəaliyyətə davam etsə hər iki tərəf böyük xeyir götürə bilər. İqtisadiyyatın diversfikasiyasına dəstək olması üçün Koreya tərəfindən 5 sahəni əsas götürmüşəm. İqtisadi əməkdaşlığa dəstək olmaq üçün Azərbaycandakı iqtisadi mühiti, əməkdaşlığın yaranacağı mühitləri araşdırmalıyam. Əgər bu mühit əməkdaşlığa yararlı bir mühit deyilsə, nə qədər investisiya qoyulsa da, proyektlər olsa da onların fəaliyyətində uğur əldə etmək mümkün olmaz. Azərbaycanla Koreya arasında əməkdaşlıq mühitini araşdırmaq mənə ona görə asandır ki, bundan əvvəl bir neçə post-sovet ölkələrində fəaliyyətdə olmuşam. Bu fəaliyyətimin nəticəsidir ki, Azərbaycanda da hal hazırda iqtisadiyyatda, təhsildə insan resurslarının çox olduğunu və bunun uyğun olaraq iqtisadi əməkdaşlıq üçün potensialın böyük olduğunu düşünürəm. Bu potensialı nəzərə alaraq əsas 5 sahənin - səhiyyə, informasiya  texnologiyalar sahəsi, nəqliyyat sahəsi, neft kimya sahəsi və turizm sahəsi olması qənaətindəyəm. Koreya səhiyyə sahəsindəki inkişafına görə dünyada ilk yerlərdən birini tutur. Koreyanın təcrübəsinin Azərbaycana gətirilməsi ilə Azərbaycanda da səhiyyənin səviyyəsinin yüksəldilməsinə çox yaxşı təsiri olacaq.  Azərbaycanda Koreya təcrübəsindən istifadə etməklə əsas plan odur ki, bir tibbi kompleksin yaradılmasıdır. Əgər belə bir kompleks yaradılarsa bundan həm Azərbaycan xalqı, həmdə iqtisadiyyatı xeyir götürə bilər. Bunun nəticəsində Azərbaycan regionun səhiyyə mərkəzinə çevrilə bilər. Azərbaycanla əməkdaşlığın artırılmasında ən böyük istəyim odur ki, qohum xalqın da iqtisadiyyatı Koreyada olduğu kimi inkişaf etsin. Öz iqtisadi gələcəklərini özləri həll edə bilsinlər və iqtisadiyyatın ən yüksək səviyyəsinə yüksəlsinlər. Sadaladığım sahələrdə Koreya təcrübəsi Azərbaycana çox vacibdir. Koreya tarixi ipək yolunun şərqdəki son nöqytəsi olaraq Azərbaycanla ticarət və nəqliyyatın da bu yol üzrə bərpasında maraqlıdır. Nəqliyyatın və yolun açılması biznes və insanların gediş-gəlişini təmin edəcəkdir.  

Azərbaycan Koreya üçün turizm potensialı və kənd təsərrüfatı məhsulları (xüsusilə meyvə) ilə maraqlı ola bilər. Azərbaycanın turizm potensialını nəzərə alaraq əməkdaşlıq üçün böyük potensial olduğuna inanıram.  Turizm üçün nəqliyyat, viza siyasəti və s. kimi infrasturukturların gücləndirilməsi ilə əməkdaşlığın yüksək səviyyəyə çatacağına inanıram. Son olaraq neft kimya sənayesində də əməkdaşlıq üçün böyük potensial görürəm.

 
Hazırda Azərbaycanda fəaliyyət göstərən şirkətlərdən “Samsung Engineering” şirkəti, Halla Korporasiyası, Samsung Elektroniks, LG Elektroniks və digər 20-ə yaxın şirkəti göstərmək olar.

Bundan əlavə Koreya hökuməti Azərbaycanda birdəfəlik yardım proyektlərini həyata keçirmək üçün bu günə qədər 56 milyon dollarlıq vəsait ayırıb. Bunlardan Elektron Hökumət Təlim Mərkəzi (3,7 milyon ABŞ dolları), Naxçıvan Dövlət Universiteti üçün Elektron Təhsil Şəbəkəsi və Rəqəmsal Miltimedia İnfrastrukturu (3,5 milyon ABŞ dolları) Kürdəxanı qəsəbəsində su təchizatı və kanalizasiya sistemi yaradılması (26 milyon dollar) proyektlərini misal göstərmək olar.

Uzun müddətli aşağı faizli kredit proqramı  çərçivəsində isə (EDCF proyekti) Pirşahıda çirkab su təmizləyici qurğuların inşası layihəsinə 435 min ABŞ dolları, Təhsil Nazirliyi ilə birgə Peşə Hazırlığı Məktəbinin tikintisi üçün  220 min ABŞ dolları kredit ayırılıb.  

 


- SOCAR-la  Cənubi Koreyanın "Samsung Engineering Co. Ltd." şirkəti arasında SOCAR-ın vasitəçili ilə Sumqayıtda Karbamid Zavodu tikilir. Bu zavod haqqında məlumat verə bilərsiniz?


- Ötən həftə zavodun tikildiyi ərazidə inşaat işləri ilə tanış olduq. Hal hazırda zavodun tikintisinin 70 faizi həyata keçirilib. 2018-ci ilin əvvəllərində artıq tikintinin tam başa çatması planlaşdırılır. Bu “Samsung”un Azərbaycanda böyük bir layihəsidir. Bu layihənin çox uğurla həyata keçiriləcəyinə inanıram. İzləyin və görün deyirəm. Fəaliyyətləri indi də uğurla davam etməkdədir. Koreya tikinti şirkətləri kontraktda qeyd olunan zamanda işlərini təhvil verməklə daha çox tanınırlar. Həmçinin də arada yaranan problemləri də tez bir zamanda həll etdikləri üçün fərqlənirlər. “Samsung” da bu şirkətlərdən biridir. “Samsung”dakı fabrikin tikintisində də biraz maliyyə problemləri olsa da onların hamsının öhtəsindən gəlinib və tikinti uğurla davam etdirilməkdədir. Koreya şirkətləri Azərbaycanda ucuz qiymətə yüksək keyfiyyətli işləri ilə seçilirlər.

 

- Azərbaycan ilə Cənubi Koreya arasında turizm sahəsinin inkişafı istiqamətində hansı işlər görülür? İki ölkə arasında viza rejiminin sadələşdirilməsi ilə bağlı hansısa addımlar atılacaqmı?

 

- İki ölkə arasında müxtəlif sahələrdə inkişafdan danışdım. Təbii ki, turizm ən vacib sahələrdən biridir. Gərək insanlar bir-birini görsünlər, tanısınlar ki, iki ölkə arasında əlaqələr buna uyğun olaraq inkişaf etdirilsin. Turizm sahəsində əsas rol oynayan təbii ki, viza siyasətinin sadələşdirilməsi idi. Viza verilməsinin sadələşməsi sahəsində bəzi dəyişikliklər edilib. Bu ilin əvvəlindən başlayaraq Koreya vətəndaşları üçün Azərbaycanda Hava Limanında birdəfəlik giriş vizası tətbiq olunmağa başlanılmışdır. Buna cavab olaraq da Koreya hökuməti də Azərbaycan vətəndaşlarına viza verilməsini sadələşdirdi. Əvvəllər Koreya vizası 5 gün ərzində verilirdi, indi isə birdəfəlik qısa müddətli vizalar yalnız bir iş gününə verilir. Koreya vətəndaşlarının Azərbaycana gəliş gedişinin asanlaşdırılmasına görə çox minnətdarıq. Bu proseduraların gələcəkdə daha da asanlaşdırılacağına inanıram.

Turizmin inkişafına dəstək verən başqa bir məsələ nəqliyyatdır. Azərbaycan və Koreya arasında birdəfəlik təyyarə səfərləri olmamağı turizmin inkişafına mane olur. Birbaşa reyslərin açılması ilə bağlı bizim səfirliyimiz AZAL ilə görüşlər təşkil edib. Hal-hazırdakı statistikaya görə, Azərbaycana gələn koreyalıların sayı 4000 nəfərə yaxın olur. Mənim fikrimcə turizmin inkişafı üçün bu çox zəif göstəricidir. Əgər birbaşa reyslər açılarsa Azərbaycana gələn koreyalıların sayı bir neçə dəfə artar. Koreyalılar çox səyahət edən xalq olaraq da tanınırlar. İl ərzində 20 milyona yaxın koreyalı ölkədən xaricə turizm məqsədi ilə səfərlər edib. Azərbaycanın ətrafındakı Türkiyəyə koreyalı turistlərin daha çox getməsi müşahidə edilir. 1 il ərzində Xorvatiyaya 35 mindən çox koreyalı turist səyahət edib.

 



- Azərbaycanın 20 faiz ərazisi Ermənistan tərəfindən işğalı altındadır. 20 ildən çoxdur ki aparılan sülh danışıqları öz nəticəsini verməyib. Bəs Koreyanın Ermənistan-Azərbaycan, Dağlıq Qarabağ münaqişəsinin həlli ilə bağlı mövqeyi nədən ibarətdir?

 

- Koreyanın belə bir təcrübəsi olduğuna görə Azərbaycanda da müharibənin nəticəsində torpaqlarını itirmiş köçkünlərin ağrılarını çox yaxşı başa düşürük. Qaçqın və məcburi köçkünlərin tez bir zamanda öz torpaqlarına geri qayıtmasını arzu edirik. Səfirliyimizin qaçqın və məcburi  köçkünlərlə bağlı tədbirləri olub. Beyləqanda qaçqın və məcburi köçkünlərə bağlı tədbirlər keçirmişik. Hər dəfə onların həyatı ilə maraqlananda mən də pis oluram. Və Azərbaycan xalqını çox yaxşı başa düşürəm. Qaçqın və məcburi köçkünlərə dəstək dedikdə səfirliyimiz tərəfindən onlara tibbi yardım göstərilir, müayinə olunur. Rəsm müsabiqəsi təşkil olunur. Həmçinin məcburi köçkün ailələrinin evlərinə ziyarət olunur. Onlarla söhbətlər aparılır. Səfirliyimiz bu fəaliyyətləri bir neçə ildir davam etdirir. Bununla da Koreya hökuməti Dağlıq Qarabağ  münaqişəsində Azərbaycanın yanında olduğunu və münaqişənin həlli üçün maraqlı olduğunu göstərir. Sadəcə olaraq dəstək tipli tədbirlərdən əlavə infrastruktur cəhətdən məcburi köçkünlərin həyatının yaxşılaşdırılması üçün addımlar atır. Bu il də Byeləqanda məskunlaşmış Xocavəndlilər və Biləsuvarda məskunlaşmış Cəbrayıllılar üçün belə dəstək tədbirimiz oldu. Koreya Respublikası olaraq Dağlıq Qarabağ münaqişəsinin tez bir zamanda ərazi bütövlüyü və suverenlik kimi beynəlxalq hüquq normalarına əsasan sülh yolu elə həllinə ümid edirik.

 

- Diplomat kimi mövqeyinizi açıqladınız. Bəs Qarabağ məsələsində şəxsi mövqeyiniz necədir?

 

- Əvvəlcə  dediyim fikirlərin çoxu şəxsi fikirlərimdi. Azərbaycanın çətinliklərini çox yaxşı başa düşürəm. Bu problemlər şəxsən məni narahat edir. Azərbaycanın münaqişədəki rolunu dəstəkləyirəm.

 

- Azərbaycan kimi sizin ölkəniz də müharibə vəziyyətindədir. Şimali Koreya ilə münaqişə vəziyyətindəsiniz. Ölkənizdə Şimali Koreya arasında baş vermiş bu münaqişənin həlli yolunu nədə görürsünüz?

 - Bir ölkənin uğurlu və uğursuz ölkə olduğunu  təyin etmək üçün əhalinin nə qədər xoşbəxt olduğuna, iqtisadiyyatın inkişafına baxırlar. Şimali Koreyada  iqtisadi inkişaf yaxşı dərəcədə deyil. Ümumdaxili məhsulu öz statistikalarında 2000 dollar göstərsələr də bunun 1000 dollar olduğu müəyyən olunur. Siyasi cəhətdən qeyri-sabitlik var. Aldığımız informasiyaya görə ildə 30-a yaxın dövlət rəsmisi edam olunur, artilleriyaya qoyulub atılır. Həmçinin Şimali Koreyanın adi vətəndaşları da oradan qaçmaq üçün cəhd edirlər. Cənubi Koreyada 30 mindən çox Şimaldan immiqrant yaşayır. Bu da onu göstərir ki, Şimali Koreya dövlət quruculuğunda nailiyyət əldə edə bilməyib. Şimali Koreya ilə Cənubi Koreya müqayisə olunmayacaq dərəcədə fərqlənir. Hərbi sahədə də Cənubi Koreya yüksək səviyyədə inkişaf edib. Hər sahədə Şimali Koreya Cənubi Koreyadan geridə qalıb. Şimali Koreya Cənubi Koreyaya meydan oxumağı bacarmaq üçün nüvə silahından istidfadə edir. Bu il iki dəfə nüvə testi ediblər. 20-yə yaxın hərbi təlim keçiblər. Şimali Koreyanın əsas məqsədi nüvə silahına sahib olmaqdır. Şimali Koreyanın nüvə silahına sahib olması təkcə Cənubi Koreya üçün, region üçün deyil, bütün dünya üçün təhlükə yarada bilər. Siyasi sabitliyin olmaması, sistem olaraq ölkə quruculuğunun reallaşmaması nüvə silahına sahib olmuş bir ölkənin daha təhlükəli addım atacağını göstərir. Başqa ölkələrlə müharibədə istifadə edə bilərlər və ya başqa ölkələrə sata bilərlər.  Bu kimi qeyri-leqal fəaliyyətləri həyata keçirə bilərlər. Bu da region üçün böyük təhlükə yaradır. Şimali Koreyanın nüvə silahına sahib olması təbii olaraq məcbur edəcək ki, ətrafdakı ölkələr də nüvə silahına sahib olsunlar. Bu da insanlıq üçün, beynəlxalq cəmiyyət üçün böyük təhlükə yaradır. Gələcək təhlükənin qarşısı indidən alınmalıdır. Bizim kimi diplomatların fəaliyyəti onlar üçün vacib olmalıdır. Münaqişənin tək həlli yolu sülh olmalıdır. Bunun üçün  dünyada beynəlxalq standartlara uyğun olaraq nüvə təkmilləşdirilməsinin qarşısı alınmalıdır. Beynəlxalq cəmiyyətin də bunda rol oynaması vacibdir. Bunun üçün ölkəmiz BMT Təhlükəsizlik Şurası ilə əməkdaşlıq etməklə birlikdə  Şimali Koreyaya qarşı təyziqləri artırır. Ancaq Şimal öz hərəkətlərindən əl çəkmir. Sülh yolu ilə məsələnin həllinin digər yolu da beynəlxalq cəmiyyətin Şimali Koreyaya sanksiyalar qoymasıdır. Onları məcbur etsinlər ki, nüvə silahından əl çəksinlər. Danışıqların  bir yolu da iqtisadi sanksiyalardır. Ekspertlərin belə bir rəyi var ki, Şimali Koreyanın təbii sərvətləri azdır. İqtisadi sansksiyalar bütün ölkələr tərəfindən tətbiq olunsa 6 ayın içində Şimali Koreyanın nüvə silahından əl çəkmədən başqa  bir çarəsi qalmaya bilər. İqtisadi Sanksiyalar tətbiq olunsa Şimali Koreya nüvə silahından əl çəkər.  Azərbaycan Şimali Koreyadan uzaq bir ölkədir deyə belə qəbul oluna bilər ki, Şimali Koreyanın nüvə silahı əldə etməsi Azərbaycana heç bir təsir etməyə bilər. Lakin bu, Azərbaycan daxil olmaqla bütün dünyaya təhlükə ola bilər.

 



- Səfirlik tərəfindən Koreyanı Azərbaycanda tanıtdırmaq istiqamətində hansı işlər görülür?

 

- Bu il mədəni tədbirlərimizdən Tekvando üzrə Səfirlik Kubokunu, Koreya Mətbəxi Festivalını, Koreya haqqında viktorinanı, Koreya KinoFestivalını, Koreya İncəsənət Müsabiqəsini, Koreya dili üzrə Nitq Müsabiqəsini və s. misal göstərmək olar.

Gələn il ölkələrimiz arasında diplomatik münasibətlərin qurulmasının 25 illik yubileyi ilə əlaqədar olaraq Koreya parkının salınması, Koreyaşünaslıq Mərkəzinin yaradılması, Altay mədəniyyəti ilə bağlı elmi konfransın təşkili, Koreya yeməkləri festivalı, Tekvondo yarışı, Kayakım (koreya milli musiqisi) - Muğam birgə konsertinin təşkili və digər vacib tədbirlərin həyata keçirilməsi nəzərdə tutulur.

 

- Azərbaycanla Koreya arasında mədəni münasibətlərin inkişafı istiqamətində hansı addımlar atılır? Yeri gəlmişkən Azərbaycan və Koreya mədəni dəyərləri arasında oxşar cəhətlər hansılardır?

 - Azərbaycan və Koreya  bildiyiniz kimi Altay ailəsinin üzvüdülər. Dil, mədəniyyət cəhətdən qohumluqları var. Azərbaycan və Koreya arasında dil yaxınlığı ilə birlikdə folklorunda, adət-ənənələrində də oxşar cəhətlər çoxdur. Bizim Koreyada belə bir ailə adəti var ki, kitab olur və o kitabda ailənin kökləri qeyd olunur. Bizim ailənin kitabında ailəmizin köklərinin türk xalqları ilə qohumluğunun sübutu vardır. Hal-hazırda qəbul olun fikirlərdən biri də ondan ibarətdir ki, koreyalılar Altay dağlarının ətəklərindən gəlib və türk xalqları ilə qohumluqları vardır. Bu qohumluğu əsas götürərək, Azərbaycan ilə Koreya arasında əməkdaşlıq digər ölkələr kimi yox, xüsusi qohumluğa əsaslanan əməkdaşlığın olmağını istəyirəm. İki ölkə arasındakı qohumluq münasibətləri haqqında xalqın xəbərinin olması, ölkədə bunun  qəbul olunması Mərkəzi Asiyada, Türkiyədə daha çox yayılıb. Onlar bilirlər ki, Koreya ilə türk xalqları qohumdur. Bu yaxınlıq münasibətləri haqqında Azərbaycanda nisbətən məlumatsızlıq var və bunun da hər iki ölkədə aradan qaldırılması həm Azərbaycan, həm də Koreyanın xeyrinə olacağına inanıram.

Mədəni sahədə əmakdaşlıq ölkələr arasında anlaşmanın artması və münaqişələrin həllində çox vacibdir. Diplomatiyanın əsasında da mədəni ünsürlər əsas götürülməlidir. Müasir diplomatiyada da mədəniyyət diplomatiyası və icitmai diplomatiya anlayışı qəbul edilməyə başlamışdır. Altay qohumluğunu paylaşan Azərbaycan və Koreya arasında da bu diplomatiyanın tətbiqinin çox vacib və səmərəli olacağına inanıram.

Azərbaycan və Koreyanın ancaq dil yaxınlığı deyil, mədəni dəyər və adətlərində də yaxınlıq müşahidə edilə bilər. Yerdə oturmaq, cəmiyyətin və ətrafın xeyri üçün hərəkət etmək və daha da oxşar ünsürləri tapmaq çox da çətin deyil. Bu oxşarlıqlar əsas görtürülərək bütün sahələrdə əməkdaşlığın inkişaf etdirilməsi çox vacibdir.

 

- Ölkələrimiz arasında təhsil sahəsində əməkdaşlıq hansı səviyyədədir? Koreyada nə qədər azərbaycanlı tələbə təhsil alır?


- Azərbaycan ilə Koreya arasında təhsil sahəsində əməkdaşlıq yüksək səviyyədədir. Hazırda Koreyada 70-dən artıq azərbaycanlı tələbə təhsil alır. Bu tələbələr adətən Koreya Dövlət təqaüd proqramı, tələbə mübadiləsi proqramı və digər proqramlarla Koreyada təhsil alırlar. Tələbələrin Koreyada yüksək göstəricilərlər təhsil aldıqlarını bilirəm, təhsillərini bitirdikdən sonra Koreyada işləyən yaxud Azərbaycana geri dönərək iki ölkə arasında əməkdaşlığa töhvə verdiklərini də deyə bilərəm. Azərbaycanlılar Koreyada yüksək göstəricilərlə təhsil alırlar. Mənim fikrimcə bu da dil yaxınlığımız ilə bağlıdır. Azərbaycanla Koreya arasındakı dil qohumluğu və mədəni oxşarlıqlar Azərbaycanlıların dil öyrənməyini asanlaşdırır. Buna uyğun olaraq da dili yaxşı öyrənib təhsil alırlar. Mən Azərbaycanla birlikdə Gürcüstanda da Koreyanın səlahiyyətli səfiriyəm. Azərbaycanlılarla birlikdə gürcülər də Koreyada təhsil alırlar, dil öyrənirlər. Ancaq gürcülər Azərbaycanlılar qədər uğurlu olmurlar. Azərbaycanlılar qısa müddətdə Koreya dilinə sahiblənirlər. Onların Azərbaycana paxıllığı tutur. Azərbaycanlı tələbələr Koreyada televiziya proqramlarında iştirak edirlər. Bu da Azərbaycanın Koreyada tanınmasına səbəb olur. Bakı Dövlət Universitetində “Koreyaşünaslıq” ixtisası üzrə təhsil alan bir tələbə Koreya haqqında Viktarinaya qatılıb. Fərqli ölkələrdən gələn tələbələr Koreya haqqında biliklərini sınayırlar. Bu müsabiqədə 1-ci yeri Azərbaycanlı tələbə tutdu və televiziyada yayımlandı. Koreyanın milli idman növü olan taekvando da azərbaycanlıların uğurlar əldə etməsinin şahidi olmuşuq. Bunların hamısı Azərbaycanla Koreya arasında münasibətlərin inkişafına səbəb olur.

 

- Koreyada təhsil alan azərbaycanlı tələbələr ölkənin həyatında rol oynaya bilirlərmi?

 

- 2009-cu ildən Koreyada yaşayan tələbələr BUTA Azərbaycan Koreya Tələbə təşkilatını yaradıblar. Onlar Koreyada Azərbaycan mədəniyyətinin tanıdılması üçün Azərbaycanın Koreyadakı səfirliyi ilə birgə aktiv şəkildə fəaliyyət göstərirlər.

 


 

Qafar Ağayev

 

 


Şərh yaz

Bu kateqoriyadan olan xəbərlər
SON XƏBƏR
27.05.2017, 21:24

Mingəçevirdə oğul anasını qətlə yetirdi

27.05.2017, 21:08

Türkiyədə güclü zəlzələ olub

27.05.2017, 20:55

Masallıda məktəblilərin davası ölümlə nəticələndi

27.05.2017, 20:43

Media qurumunun rəhbəri barəsində həbs qərarı verildi

27.05.2017, 20:26

Ermənistanda gömrük rəisi həbs edilib

27.05.2017, 20:16

Dolu Tovuza ciddi ziyan vurdu

27.05.2017, 20:02

Ağcabədidə 4 metr uzunluğu olan gürzə öldürülüb

27.05.2017, 19:30

“Moody’s”: ABB-nin xarici kreditorları restrukturizasiya planını təsdiqləyəcək

27.05.2017, 17:55

Ötən il  təqaüd alan yaşlı və gənc yazıçıların sayı BİLİNDİ

27.05.2017, 17:46

Müdafiə Nazirliyi snayperlərin atış bacarıqlarını YOXLAYIR

27.05.2017, 17:29

Ərdoğan alman deputatlara şərt qoydu

27.05.2017, 17:22

Nardaran sakini tüfəngini polisə təhvil verib  

27.05.2017, 17:04

Qaziler.az saytının fəaliyyəti bərpa edildi

27.05.2017, 17:02

Yaponiya imperatoru Azərbaycan prezidentinə məktub göndərdi

27.05.2017, 16:35

İlahiyyatçılar il boyu içki içənlərin Ramazanda oruc tutmasına haqq qazandırdı 

27.05.2017, 16:21

Səyyar sanitar epidemioloji dəstənin xüsusi təlimi keçirilib

27.05.2017, 16:01

Putinlə Ərdoğan Suriyanı müzakirə etdi

27.05.2017, 15:54

İlham Əliyev Efiopiya və Nepal prezidentlərini təbrik edib

27.05.2017, 15:42

Gələcəyin sərnişinləri “BakuBus”da

27.05.2017, 15:14

Həkim sirri ilə bağlı qanunvericiliyə dəyişiklik edilir – Hərbi xidmətə görə  

27.05.2017, 15:10

Bakıda bədbəxt hadisə: otel şüşələri silənlər 7-ci mərtəbədən yıxıldı, 1-i öldü

27.05.2017, 15:05

Karyerasında qırmızı vərəqə görməyən futbolçular – MARAQLI

27.05.2017, 14:40

Milli Məclis növbəti iclasının gündəliyində dəyişiklik edilib

27.05.2017, 14:35

Əli Məsimli Beynəlxalq Bankın əvvəlki mövqeyinə qayıtması üçün təklif verdi

27.05.2017, 14:29

DİM 29 şəhər və rayonda sınaq imtahanları keçirdi

27.05.2017, 14:23

“Neft Daşları”na gedən helikopter məcburi eniş etdi

27.05.2017, 14:17

Prezident: “Ən çətin əməliyyatların ölkəmizdə uğurla aparılması fərəh doğurur”

27.05.2017, 13:52

Şamaxıda qədim kütləvi məzarlıq aşkar edildi – FOTOLAR

27.05.2017, 13:27

Əli Kərimlinin müavini Bakı İstintaq Təcridxanasına köçürülüb

27.05.2017, 13:25

Əfqanıstanda terror: 18 ölü

27.05.2017, 13:09

Mayın 28-29-na olan hava PROQNOZU: Bakıda külək əsəcək

27.05.2017, 13:05

Parlamentin növbədənkənar iclası olacaq

27.05.2017, 13:01

İslamiadada birinci yeri tutan futbolçularımız arasında 150 min manat necə bölünəcək- AÇIQLAMA

27.05.2017, 12:51

Deputatlar Oqtay Əsədovun rəhbərliyi ilə Latviyaya gedir

27.05.2017, 12:44

Azərbaycanlı vloqqer: "Stimulum həyat yoldaşımdır” - MÜSAHİBƏ

ARXİV