“İki gün əvvəl Tarif Şurası tərəfindən qəbul olunan qərarla bir sıra enerji məhsulları üzrə diferensiallaşmış tariflərin tətbiq olunması məqsədəuyğun hesab edilib.
Bununla bağlı, 2017-ci ilin dövlət büdcəsinin Milli Məclisə təqdim edilmiş layihəsində nəzərdə tutulan gəlirlər üzrə daxilolmaların artacağı gözlənilir”.
Modern.az xəbər verir ki, bu fikirləri maliyyə naziri Samir Şərifov 2017-ci ilin dövlət büdcə layihəsinin müzakirəsi zamanı deyib.
Nazirin sözlərinə görə, prezident İlham Əliyevin tapşırığı ilə həmin gəlirlərin əhəmiyyətli hissəsi əhalinin aztəminatlı hissəsinin sosial müdafiəsinə yönəldiləcək.
"Bununla əlaqədar “Azərbaycan Respublikasının 2017-ci il dövlət büdcəsi haqqında” qanun layihəsində müvafiq dəyişikliklərin edilməsi, həmçinin “Azərbaycan Respublikasında 2017-ci il üçün ehtiyac meyarı haqqında” qanun layihəsində dəyişiklik edilməklə, ünvanlı sosial yardımın tətbiq edilməsi məqsədilə 2017-ci il üçün ehtiyac meyarının həddinin 10,5% artırılaraq 105 manatdan 116 manata çatdırılması nəzərdə tutulur"-deyə Samir Şərifov əlavə edib.
Ağa Akifoğlu