Gündə bir ovuc qoz yemək insanlarda xərçəng və ürək-damar xəstəliklərinin yaranma riskini azaldır.
Modern.az xəbər verir ki, BMC Medicine jurnalının məlumatına görə araşdırmanı London imperiya kolleci aparıb.
Ayrı-ayrılıqda 29 araşdırma zamanı 800 mindən artıq insan arasında təcrübə keçib. Müntəzəm olaraq qoz yeyən insanlarda ürək infarktları 30%, vaxtından öncə ölüm halları 22% və xərçəng xəstəliyi 15% daha az rast gəlinir. Qız yeyən insanlarda diabetə yoluxma halları 40%, respirator xəstəliklərdən ölmə ehtimalı isə 2 dəfə azdır.
Hesab olunur ki, qozun tərkibindəki maddələr qanda xolesterinin miqdarını azaldır. Araxis insulta qarşı, fındıq isə xərçəngə qarşı ən effektli vasitələr sayılır.
Vüqar İSMAYILOV