“Hər kəsin söz, fikir azadlığı var. Amma deyəsən Salam Sarvan söz azadlığı ifadəsi haqqında fərqli düşünür. Bir milləti, toplumu təhqir etməyi söz azadlığı kimi qəbul edir”.

Bu sözləri gənc yazar, türkçülük ideyalrını təbliğ edən Tağı Türk tanınmış şair Salam Sarvanın özünün Facebook şəbəkəsində paylaşdığı “Bu mental köpəklər, bu qurd köpəklər, Bu Turan köpəklər, bozqurd köpəklər...”  statusuna münasibət bildirərkən deyib.

Onun Modern.az-a bildirdiyinə görə, bir tanınmış adamın, xüsusulə bir ziyalının, şairin belə bir ifadə işlətməsi təssüf hissi doğurur:

“Çox təssüf edirəm ki, sıradan bir adam olmayan, şair Salam Sarvan türkçülük, turançılıqla bağlı belə bir ifadə işlədib. Qələm adamının, bir aydının türk millətinin milli kimliyini tərənnüm edən dəyərləri təhqir edirsə buna nə demək olar? Amma unutmasın ki, ağılsız köpəklər ulduza hürər”.



Modern.az