17 dekabr 2017, Bazar
Ana Səhifə - ƏDƏBİYYAT - İstedadına güvənən sənətkar
İstedadına güvənən sənətkar +
21.12.2016, 13:56

Xeyli müddətdir, onun haqqında bir məqalə yazmaq keçir könlümdən. Amma, nədəndir bilmirəm, əlimə qələm alıb yaza bilmədim.    İstəyirdim yazacağım bu məqalə ürəkdən gəlsin, onun bütün şəxsiyyətini, yaradıcılığını dolğunluqla öyrənim, qələmə alım. Nəhayət ki, bu gün yazmağa qərar verdim. Haqqında bəhs etdiyim o şəxs çox istedadlı müğənni, mahir kanon ustası, tanınmış, bacarıqlı aparıcı Rəşad İlyasovdur.


Ötən əsrin 90-cı illərinin əvvəlindən tanış olmuşam Rəşadla. O zamanlar AzTV-də ədəbi-dram verilişlər redaksiyası ilə əməkdaşlıq edirdim, tez-tez orada olurdum. Rəşadla tez-tez rastlaşırdım. İlk gündən diqqətimi çəkmişdi. Üzü mənə çox tanış gəlirdi. Sonradan bildim ki, o, Zərifə Eyvazovanın oğludur. Zərifə Eyvazova milli radiomuzda 40 ilə yaxın bir müddətdə jurnalist kimi fəaliyyət göstərib. Azərbaycan musiqisinə, mədəniyyətinə böyük töhfələr vermiş Eyvazovlar səcərəsinə mənsubdur. Xalq artisti, mahir kamança ustası Şəfiqə Eyvazova, əməkdar artist, ud ustası Yasəf Eyvazov da bu nəslin tanınmış nümayələrindən idi. Bu ailə Bakının məşhur Dağlı məhəlləsində seçilib-sayılan ailələrindən olub. Anam Nəcimə Nəzərli ilə Zərifə xanım Eyvazovanın uşaqlığı, gəncliyi bir yerdə keçib. Təbii ki, bu münasibətlərin olması bizi daha da yaxınlaşdırdı. O zamandan etibarən, bizim ünsiyyətimiz, dostluğumuz başladı.  


Azərbaycan Qızıl Aypara Cəmiyyətində işimlə əlaqədar, Cəmiyyət xətti ilə keçirilən tədbirlərin montaj edilib efirdə yayımlanması üçün tez-tez AzTV-nin Xəbərlər redaksiyasına gedərdim. Sujetləri məhz, Rəşad İlyasovla yığıb efirə verərdik. Rəşad xəbərlərin aparıcı rejissorlarından idi. Bu hal, bizim əlaqələrimizin günü-gündən möhkəmlənməsinə sirayət edirdi...          


Günlərin birində AzTV-də Rəşadın “Çardaş” klipi yayımlandı. Bu klip onu bir sənətçi kimi-kanon ustası kimi daha da tanıtdı. Böyük peşəkarlıqla, özünəməxsus tərzdə, şirinlikdə kanonu səsləndirməsi onun böyük musiqi dünyasından, istedadından xəbər verirdi. Bununla yanaşı o, məhz bu illər “Ümid” ansamblında, SSRİ Xalq artisti Zeynəb Xanlarova, Xalq artisti Nisə Qasımovanın ansambllarında çalışır. Arzusu isə müğənnilik etmək olur. Bu arzu ilə gərgin iş aparır, ayrı-ayrı konsert proqramlarında, toy şənliklərində özünü bir müğənni kimi göstərə bilir. Xoş bir təsadüf  Rəşadın müğənnilik kariyerasına körpü rolunu oynadı. İstedadlı bəstəkar Novruz Aslanovla tanışlıq buna rəvac verdi. Məhz, Novruz Aslanovun və xalq artisti İlhamə Quliyevanın birgə istəyi ilə “İncitmə qəlbimi yaxud Yaşın nə fərqi var” mahnısını İlhamə xanımla birgə duet oxuması Rəşada təklif olunur. Bu mahnı və ona çəkilmiş klip Rəşad İlyasovu daha da tanıtdı, onun yaradıcılığına işıq saçdı. O, artıq bir müğənni kimi özünü təsdiq edə bildi. Novruz Aslanovla bu mahnıdan başlanan iş birliyi Rəşadın repertuarını bu bəstəkarın mahnıları ilə bəzədi. C.Cahangirov, F.Sücəddinov, E.Sabitoğlu, E.İbrahimova, Ə.Tağıyev, A.Səmədzadə, O.Rəcəbov, G.Həsənzadə, T.Hacıyev və digər bəstəkarların mahnılarına da müraciət edərək, gözəl nəğmələr ifa etməyə, onları tamaşaçıya, dinləyiciyə sevdirməyə müvəffəq oldu.



Rəşad İlyasovu digərlərindən fərqləndirən cəhət odur ki, o dərin musiqi biliyinə, savadına malikdir. Musiqi savadı onu bu çətin işin öhdəsindən asanlıqla, məharətlə gəlməsinə yardımçı olur. Rəşadda çox gözəl musiqi duyumu var. O, oxuduğu mahnıların sözlərinədə önəm verir. Mahnı seçimində onu şanslı müğənni adlandırmaq olar. “ Sənin gülüşlərin”, “Sədaqətim var”, “Gəl qayıdaq o sahilə”, “Azərbaycan bayrağı”, “Şirvan bayatıları”, “Ay gözəlim”, “Qurban verərdim”,  “İnsaf da yaxşı şeydir”, “Azad bir quşdum”, “Sən gəlmədin” və s. Rəşadın ifasında ən sevilən, əzbərlənən, oxunan mahnılardandır.


Rəşad İlyasov şəxsiyyətində mən 3 cəhəti xüsusi qeyd etmək istəyirəm. Sənətinə məhəbbət və vurğunluq; yüksək mədəni və insani keyfiyyətlər; Vətənə, dövlətə, iqtidara sadiqlik. Məhz, bu cəhətlər Rəşadı səciyyələndirən keyfiyyətlərdəndir.    


Rəşad İlyasov daim çalışır, yeni-yeni musiqilər, mahnılar üzərində işləyir, repertuarını zənginləşdirir, yeniliklərə imza atır. Yaradıcılığında çox fəallıq göstərir. Tez-tez müxtəlif  televiziya və radio kanallarında, dövlət və digər tədbirlərdə, konsert proqramlarında çıxışlar edir, böyük coşqu və sevgi ilə qarşılanır.


O, bir insan kimi çox kövrək qəlbli, ürəyi təmiz, səmimi, ailəsinə, elinə, obasına bağlı olan bir insandır. O, yüksək əxlaqi-estetik mədəniyyəti ilə diqqət çəkir. Çox gözəl, savadlı nitq qabiliyyətinə, ədəbi dilə malik bir aparıcıdır. Onun AzTV-də verilişlər aparması gözlərimiz önündə olub. Hazırda AzTV-nin ən uğurlu, ən çox baxılan, qısa müddətdə böyük rəğbət, populyarlıq qazanan “Yaradanlar, yaşadanlar” verilişini böyük şövqlə, sevgi ilə, yüksək peşəkarlıqla aparmasını xüsusi vurğulamaq lazımdır.Bu veriliş əsasən, musiqili və ədəbi olduğu üçün çox baxımlıdır. Rəşadın peşəkarlığı, biliyi, musiqiyə və ədəbiyyata bələd olması, verilişin qəhrəmanı haqqında müfəssəl məlumata malik olması, iştirakçı qonaqlara müraciətləri diqqət çəkir, tamaşaçıda böyük zövq hissi aşılayır.          


Bir müddət öncə televiziyada yayımlanan “Bizimkilər” layihəsində Rəşad bir daha öz həssas musiqi duyumu, mahir ifa tərzi ilə tamaşaçıların zövqünü oxşamağa, onlarda rəğbət hissi aşılamağa müvəffəq oldu.


Ümumiyyətlə, Rəşadın başqa verilişlərdə də aparıcılığı həmişə fərqliliyi ilə, baxımlı olub. Təbii ki, o, illərin təcrübəsindən məharətlə özünəməxsus tərzdə bəhrələnib.


Rəşad İlyasov çox şirin, məlahətli səsə malik olan müğənnidir. Xalq və bəstəkar mahnılarını yüksək şövqlə, təkrarsız ifa tərzi ilə dinləyiciyə çatdıra bilir. O, əsla heç kimi təqlid etmir. Var qüvvəsini sənətə, musiqiyə sərf edir. Repertuarında türk və fars mahnılarına da vaxtaşırı yer verir, onu özününki edir, hər zaman dinləyicilərin, pərəstişkarlarının zövqünü oxşayır.


Mütaliəni, polemikaları çox sevən Rəşad yüksək dünya görüşünə malikdir. O, böyük ədəb-ərkana, əxlaqa malikdir. O, həm də yüksək estetik mədəniyyətə, efir və səhnə mədəniyyətinə malikdir. Heç bir zaman efirdə, səhnədə artıq hərəkətə yol verməz, lazımsız sözlər, ifadələr işlətməz. Çox ünsiyyətcil, diqqətcildir. Həssas qəlbli, təvazökar, həyatsevərdir. O, kimsənin qəlbini qırmaz, bacardığı yaxşılığı edər, dəstək verər. Hər zaman böyük-kiçik yeri bilən Rəşad kimsənin arxasınca danışmaz, intriqalara baş vurmaz. Rəşadın həyatda bir meyarı var : “ Musiqi, sənət, ifa, ailə “.


Rəşad İlyasovu səciyyələndirən bir cəhət də onun çox dəyərli, etibarlı, sədaqətli, sabitqədəm dost olmasındadır. 25 ildən artıq bir müddətdə dostluq münasibətimizdə mən onun məhz bu müsbət keyfiyyətlərini görmüşəm və müşahidə etmişəm. Uzaq bölgələrə səfərlərə çıxmışıq, tədbirlərdə iştirak etmişik. Hər dəfə o, əsl dost olmasını nümayiş etdirib. Yüksək əxlaq tərbiyəsi görmüş Rəşad həm də çox mehriban ailə başcısı, sevilən atadır. Ailə xoşbəxtliyinin sevincini yaşayır, xalqına, vətəninə, millətinə layiqli övladlar tərbiyələndirir.


O, vətənpərvər bir sənətkardır. Xarici qastrollarda da doğma Azərbaycanı ləyaqətlə təbliğ və tərənnüm edir. Dövlətə, dövlətçiliyə, iqtidara qırılmaz tellərlə, sevgi və məhəbbət hissləri ilə bağlıdır. Əksər dövlət tədbirlərində məmnuniyyətlə iştirak edir. Daim Prezident, Milli Məclis, bələdiyyə seçkilərində dövlət mənafeyindən çıxış edərək iqtidarın yanında olub, sadiqliyini nümayiş etdirib.

2009 və 2016-cı illərdə keçirilən Azərbaycan Respublikası referendumunda fəallıq göstərib, xüsusilə, Yasamal və Xızı rayonlarında təbliğatı işlərdə iştirak edib. Rəşad hər zaman fəxrlə deyir: “ Ulu öndər Heydər Əliyev şəxsiyyətinin, siyasətinin layiqli davamçısı, Azərbaycan Respublikasının Prezidenti cənab İlham Əliyevin rəhbərlik etdiyi müstəqil Azərbaycan Respublikasının öncə vətəndaşı, sonra isə müğənnisi kimi fəxr edir, qürur hissi keçirirəm”.


Hazırda müğənnilik sənətini uğurla davam etdirən Rəşad dünya şöhrətli müğənni, SSRİ Xalq artisti, Dövlət mükafatı laureatı, Milli Məclisin deputatı, “Şöhrət” və “İstiqlal” ordenli Zeynəb Xanlarovanın rəhbərlik etdiyi ansamblda fəaliyyət göstərir, öz musiqiçi töhfəsini əsirgəmir.


Bu günlərdə AzTV-nin 60 illiyi təntənə ilə qeyd olunub. Fəxrlə demək olar ki, Rəşad İlyasovun həyatının 25 ili məhz, milli televiziyamızla bağlıdır. Bu Yubiley sevincindən ona da pay düşür desəm, yanılmaram. Milli Televiziyanın sıralarında rejissor, aparıcı, solist kimi fəaliyyətdə bulunaraq, həyatını bu doğma ocaqda – kollektivdə davam etdirir. O, öz istedadına, bacarığına güvənir, həyatın ona verdiyi nemətlərdən səmərəli istifadə edir.


Rəşad İlyasovla ünsiyyətdən, dostluqdan böyük zövq alıram. Çünki, onun yaradıcılığı çağdaş musiqi ifaçılığımızın müxtəsər musiqili ensiklopediyasıdır.


O, hər zaman gözəl siması, təmiz qəlbi, nümunəvi davranışı, həzin ifası ilə dinləyicilər, tamaşaçılar, fanatlar tərəfindən sevilir, mahnıları ilə evlərin, ailələrin mehmanı olur.

Tükənməz istedad sahibi olan Rəşad dağ çayı, dağ şəlaləsi kimi çağlayan bir müğənnidir.

Rəşad İlyasov uğurun, sənətin axarında şərəflə irəliləyir, uğurlara imza atır. Bu yolda ona müvəffəqiyyət arzulayıram. Tale yollarında Ulu Yaradan sənə yar olsun, Rəşad.


Hörmətlə:

Əməkdar jurnalist,  pedaqogika üzrə fəlsəfə doktoru,
“Tərəqqi” medalçısı  Qafar Əsgərzadə


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Qazaxda avtoqəza: iki əcnəbi yaralandı
17.12.2017, 17:28

Qazaxda avtoqəza: iki əcnəbi yaralandı

Ərdoğan ABŞ-ın nüvə dövləti statusuna qarşı çıxıb
17.12.2017, 17:12

Ərdoğan ABŞ-ın nüvə dövləti statusuna qarşı çıxıb

Orxan Zeynalovun atası : ““Səbrli ol” deyirlər, amma...”
17.12.2017, 16:25

Orxan Zeynalovun atası : ““Səbrli ol” deyirlər, amma...”

Kiyevdə Saakaşvili tərəfdarlarının aksiyası başlayıb
17.12.2017, 16:02

Kiyevdə Saakaşvili tərəfdarlarının aksiyası başlayıb

Yeni il ərəfəsində əfv gözləntilərinə NÖQTƏ QOYULDU
17.12.2017, 15:24

Yeni il ərəfəsində əfv gözləntilərinə NÖQTƏ QOYULDU

Avropa üçün daha bir “İsgəndər” TƏHLÜKƏSİ...
17.12.2017, 15:11

Avropa üçün daha bir “İsgəndər” TƏHLÜKƏSİ...

“Bizim nəsildə belə şey olmayıb” - arvadını bıçaqlayan qısqanc ərin cəzası azaldıldı   
17.12.2017, 15:07

“Bizim nəsildə belə şey olmayıb” - arvadını bıçaqlayan qısqanc ərin cəzası azaldıldı  

Azərbaycan jurnalistlərinin müəllimi  Şirməmməd Hüseynov 93 yaşında
17.12.2017, 15:02

Azərbaycan jurnalistlərinin müəllimi  Şirməmməd Hüseynov 93 yaşında

“Sarı İt ilində rüşvətxor məmurlarımız üzlərini sərt silləyə hazır tutsunlar” - PROQNOZ - MÜSAHİBƏ
17.12.2017, 14:42

“Sarı İt ilində rüşvətxor məmurlarımız üzlərini sərt silləyə hazır tutsunlar” - PROQNOZ - MÜSAHİBƏ

Yol polisi peşəkar velosipedçiləri saxlayıb cərimə meydançasına apardı - VİDEO
17.12.2017, 14:06

Yol polisi peşəkar velosipedçiləri saxlayıb cərimə meydançasına apardı - VİDEO

Deputatların “BAZAR GÜNÜ”: “Bəzən bazar günləri belə yorğunluğu çıxartmağa kömək etmir”
17.12.2017, 13:48

Deputatların “BAZAR GÜNÜ”: “Bəzən bazar günləri belə yorğunluğu çıxartmağa kömək etmir”

Avropalı deputatdan çağırış: “Azərbaycan qaz borusuna qarşı çıxanlar dəmir yumruqla əzilməlidir”
17.12.2017, 13:16

Avropalı deputatdan çağırış: Azərbaycan qaz borusuna qarşı çıxanlar dəmir yumruqla əzilməlidir

Sabaha olan hava PROQNOZU: YAĞIŞ YAĞACAQ
17.12.2017, 13:06

Sabaha olan hava PROQNOZU: YAĞIŞ YAĞACAQ

Bakıda böyük tikinti şirkətinin rəhbəri həbs olundu   
17.12.2017, 12:56

Bakıda böyük tikinti şirkətinin rəhbəri həbs olundu  

Dünyanın ən dik  funikulyoru istifadəyə veriləcək - İSVEÇRƏDƏ - FOTOLAR
17.12.2017, 12:38

Dünyanın ən dik  funikulyoru istifadəyə veriləcək - İSVEÇRƏDƏ - FOTOLAR

Surət Hüseynov enerji və maliyyə biznesi ilə məşğuldur 
17.12.2017, 11:53

Surət Hüseynov enerji və maliyyə biznesi ilə məşğuldur 

Yavər Camalov Ermənistanı qorxuya salacaq açıqlama verdi 
17.12.2017, 11:39

Yavər Camalov Ermənistanı qorxuya salacaq açıqlama verdi 

Əkrəm Əylisli: “Xəstə olduğumu desəm, Rasim Balayevin gününə düşəcəm”
17.12.2017, 11:35

Əkrəm Əylisli: “Xəstə olduğumu desəm, Rasim Balayevin gününə düşəcəm”

22 yaşlı gənc intihar etdi - GÖYGÖLDƏ
17.12.2017, 11:32

22 yaşlı gənc intihar etdi - GÖYGÖLDƏ

O biri “dünyadan” oğurluq edənlər
17.12.2017, 10:32

O biri “dünyadan” oğurluq edənlər

Cakartada Qüdsə görə etiraz aksiyaları başlayıb
17.12.2017, 10:25

Cakartada Qüdsə görə etiraz aksiyaları başlayıb

Övladı autizm olan tanınmış jurnalist: “Dəstək versələr, 2 ilə ciddi nəticə əldə etmək olar”
17.12.2017, 09:57

Övladı autizm olan tanınmış jurnalist: “Dəstək versələr, 2 ilə ciddi nəticə əldə etmək olar”

Azərbaycanda iki silah zavodu açılacaq
17.12.2017, 09:49

Azərbaycanda iki silah zavodu açılacaq

Müdafiə Nazirliyi cəbhədəki son durumla bağlı məlumat yaydı
17.12.2017, 09:41

Müdafiə Nazirliyi cəbhədəki son durumla bağlı məlumat yaydı

Rəsulzadəni qınadığı üçün sonralar ondan üzr istəyən nazir oğlu- Tarixi sənəd
17.12.2017, 01:14

Rəsulzadəni qınadığı üçün sonralar ondan üzr istəyən nazir oğlu- Tarixi sənəd

“Qoçu” ifadəsinin maraqlı yaranma tarixçəsi- Köhnə Bakı xatirələri
17.12.2017, 00:35

“Qoçu” ifadəsinin maraqlı yaranma tarixçəsi- Köhnə Bakı xatirələri

17.12.2017, 00:16

"Real Madrid" 3-cü dəfə qalib oldu

Fransada məscid bağlandı
16.12.2017, 23:57

Fransada məscid bağlandı

Saakaşvilidən Poroşenkoya barışıq təklifi
16.12.2017, 23:41

Saakaşvilidən Poroşenkoya barışıq təklifi

Bakıda bahalı qırqovul əti
16.12.2017, 23:23

Bakıda bahalı qırqovul əti

Azərbaycanda qeyri-adi toy - Video
16.12.2017, 23:11

Azərbaycanda qeyri-adi toy - Video

“Qarabağ”ın futbolçusu evləndi - Foto
16.12.2017, 23:05

“Qarabağ”ın futbolçusu evləndi - Foto

Şəki sakini gənc qonşusunun qanını tökdü
16.12.2017, 22:58

Şəki sakini gənc qonşusunun qanını tökdü

Qurban Qurbanov hər il üçün 1 milyon manat alacaq
16.12.2017, 22:46

Qurban Qurbanov hər il üçün 1 milyon manat alacaq

Bitkoinin qiyməti 19 min dolları ötüb
16.12.2017, 22:33

Bitkoinin qiyməti 19 min dolları ötüb

ARXİV
SORĞU
Xaricdəki hansı iş adamı Azərbaycana daha çox bağlıdır?
Vahid Ələkbərov(0.12%)
Araz Ağalarov (12.9%)
Mübariz Mənsimov (16.9%)
Fərhad Əhmədov(13.3%)
Füzuli Məmmədov(53.6%)
Telman İsmayılov (0.12%)
İsgəndər Xəlilov(0.08%)
Vaqif Məmişov(0.08%)
Heç biri(1.79%)
Digərləri(0.87%)