Noyabrın 5-də Neft Daşlarının 60 illik yubileyi münasibətilə dəniz şəhərində yubiley mərasimi keçirilib. Neft Daşlarındakı mərasimdə Prezident İlham Əliyev də iştirak edib. Prezident əvvəlcə mərhum dövlət başçısı Heydər Əliyevin buradakı abidəsini ziyarət edib.
Dövlət başçısı Heydər Əliyevin muzeyi ilə tanış olub. Sonra Prezident İlham Əliyev neftçilərin istirahət parkının və qaz-kompressor stansiyasının açılışında iştirak edib. İlham Əliyev yubiley mərasimində nitq söyləyib, dəniz neftçilərini yubiley münasibətilə təbrik edib, onlara gələcək işlərində uğurlar arzulayıb, təltif olunan neftçilərə orden və medalları təqdim edib.
