15 dekabr 2017, Cümə
Ana Səhifə - QARABAĞ - Gələn il Ermənistana daha bir “aprel dərsi” verilə bilər
Gələn il Ermənistana daha bir “aprel dərsi” verilə bilər
29.12.2016, 12:50

Bu ilin aprel ayının əvvəllərində Azərbaycan ordusunun apardığı uğurlu əməliyyatlar nəticəsində Ermənistanın işğal etdiyi 2 min hektardan çox ərazimiz geri alındı.

 

Bu ərazilər içərisində strateji əhəmiyyətli yerlər – Talış və Lələtəpə yüksəklikləri də var. Təbii ki, bu hadisələrdən sonra, Ermənistan tərəfi qorxuya düşdü və erməni siyasi elitası da etiraf etdi ki, onlar belə məğlubiyyəti gözləmirdilər.

 

Aprel ayının 5-də Moskvada imzalanan atəşkəs sazişindən sonra isə sülh danışıqlarının növbəti raundu başlandı.

 

Azərbaycan və Ermənistan prezidentlərinin may ayında Vyanada, ardınca isə iyunda Sankt-Peterburqda Dağlıq Qarabağ konfliktinin sülh yolu ilə həlli yollarını müzakirə etməsi danışıqlar prosesinin daha da sürətlənəcəyi ehtimallarını artırırdı.

Amma gözlənilənlərin əksinin şahidi olduq. Çünki 2016-cı ilin sentyabr ayında Azərbaycan və Ermənistan dövlət başçılarının növbəti görüşü gözlənilirdi, amma bu gözlənti elə deyilən sözlərdən o yana keçmədi.

 

Şübhə etmək olmaz ki, danışıqların baş tutmamasına görə birbaşa məsuliyyəti Ermənistan və onun prezidenti Serj Sarkisyan məsuliyyət daşıyır. Çünki ortada bir danılmaz fakt var və bu əlahəzrət fakt bütün dünya ictimaiyyətinə bəllidir – bu da Ermənistanın Azərbaycan torpaqlarını işğal etməsidir.

 

Düşünmək üçün əsas var ki, Ermənistan rəhbərliyi aprel döyüşlərindən sonra özünə vaxt qazanmaq üçün danışıqlarda manevr etmək istəyib və bir neçə rayonun Azərbaycana qaytarılmasını təklif edib.

 

Hər halda diplomatik mənbələrə yaxın, ABŞ dövlət katibinin keçmiş köməkçisi, ATƏT-in Minsk qrupunun eks-həmsədri Metyu Brayzanın açıqlaması bunu deməyə əsas verir.

 

Sitat:

“Rusiya prezidenti Vladimir Putin bu ilin iyun ayında Sankt-Peterburqda  Azərbaycan və Ermənistan prezidentlərinə Dağlıq Qarabağ ətrafındakı 2 rayonun qaytarılmasını, əvəzində kommunikasiyaların açılmasını nəzərdə tutan “olduqca konstruktiv” təklif vermişdi. 

 

Ehtimal edirəm ki, təklif Ermənistanın Türkiyə ilə sərhədlərinin açılmasını da nəzərdə tuturdu, hərçənd təklifin bu hissəsi barədə məlumatı rəsmi kanallardan almamışam.

 

Ancaq bu, əlavə danışıqlar predmeti olacaq məsələ idi... Mən Bakıda apardığım müzakirələr zamanı öyrəndim ki, Azərbaycan rəhbəliyi bu təkliflərə real ümidlər bəsləyir.

İnanıram ki, Sarkisyan da Putinin təklifinə dəstəyini ifadə etmişdi. Və Ermənistanda iyul hadisələri də elə buna görə başladı, ərazilərin qaytarılmasına qarşı olan silahlı qrup polis idarəsini ələ keçirdi. Azərbaycanda da bu cür kompromislərə qarşı olan radikallar var. Ona görə də Serj Sarkisyan və İlham Əliyev Putinin təklifini dəstəkləyərək böyük cəsarət nümayiş etdirmişdilər”.

 

Ola bilər ki, Ermənistandakı iyul hadisələri 2 rayonun qaytarılması məsələsinə görə edilən ictimai etirazdır, amma gəlin baxaq görək, Sarkisyan necə, bu təkliflə razılaşmaqda səmimidirmi? Birmənalı olaraq “yox” cavabını vermək olar.

Sarkisyanın mövqeyinin dəyişməsində istər iyul hadisələri rol oynasın, istərsə də yox – nəticə budur ki, Ermənistan sülh prosesindən birdəfəlik kənarlaşıb. Bu isə 2017-ci ildə belə Dağlıq Qarabağ münaqişəsinin həllinə olan ümidləri azaldır.

Rusiyanın Ermənistana “İsgəndər” raketlərini satması və rəsmi Yerevanın bununla öyünməsi də də onu göstərir ki, Sarkisyan sülh yolu ilə işğal altında olan torpaqları geri qaytarmaq niyyətindən vaz keçib.

 

“Ermənistanın danışıqlar prosesindən kənarlaşmasının birinci mərhələsi həmsədrlərin Azərbaycanı hərbi əməliyyatlardan çəkindirmək üçün danışıqlar masasına dəvət etməsi ilə yadda qalıb. İkinci mərhələ isə sentyabr ayında başlayıb.

 

Bu dəfə Azərbaycan danışıqların aparılmasına maraq göstərib lakin hərbi paradda “İsgəndər” və s. yeni aldığı silahları nümayiş etdirən Ermənistan prosesdən kənarlaşıb. Belə nəticəyə gəlmək olar ki, Ermənistan rəhbərliyi də münaqişənin hərbi yolla həlli barədə düşünməyə başlayır” - Ermənistan Siyasi və Beynəlxalq Araşdırmalar Mərkəzinin rəhbəri Ağası Yenokyan belə deyib.

 

Ekspertlərin qənaətincə, Ermənistanın “İsgəndər”ə sahiblənməsi Rusiyanın Azərbaycanın hərbi balansda üstünlüyünü azaltmaqdan ötrü yürütdüyü taktikadır. Bu səbəbdəndir ki, Rusiya 2017-ci ildə də münaqişənin həllində dominantlığını qoruyub saxlayacaq.

 

Mərkəzi Kəşfiyyat İdarəsinin özəl strukturu hesab olunan, “Stratfor” analitik şirkətinin 2017-ci ilproqnozlarına görə, Rusiya Qarabağ məsələsində yenə də əsas hakim rolunu oynayacaq.

 

“Rusiya öz mənfəəti naminə Azərbaycanla Ermənistanı bir-birinə qarşı qoyacaq. Avropa İttifaqının Şərq Tərəfdaşlığı Proqramı və digər layihələri parçalanmadan zərər görəcək. Və bundan dolayı Rusiya Qafqazda da nüfuzunu artıracaq və öz inteqrasiya təşəbbüslərini, məsələn, Avrasiya İqtisadi Birliyi və Kollektiv Təhlükəsizlik Müqaviləsi Təşkilatıyla bağlı ideyalarını işə salacaq.

Rusiya müdafiə mövqeyini möhkəmləndirmək, müxtəlif yerlərdə – Yaxın Şərqdə, eləcə də kiber mühitdə müxtəlif ocaqlar yaratmaq cəhdlərini davam etdirəcək. ABŞ isə Rusiyanın genişlənməsinin qarşısını almağa çalışacaq” – “Stratfor”un gələn il üçün hesabatında belə deyilir.

 

“Vasitəçilik missiyasının uğursuzluğu, silahlanma yarışı və atəşkəs rejiminin tez-tez pozulması Dağlıq Qarabağda hərbi əməliyyatların bərpası riskini tədricən artırmaqdaqdadır” –belə proqnoz isə ABŞ-ın nüfuzlu beyin mərkəzlərindən olan Beynəlxalq Münasibətlər Şurasının hesabatında verilib.

 

Məlumat üçün bildirək ki, bu hesabat 2017-ci ildə mümkün münaqişələr və ABŞ-ın onlara mümkün təsiri barədə proqnozlara həsr olunub.

 

Rusiya Xarici İşlər Nazirliyi isə ənənəvi diplomatik ton və ritorika ilə bəyanat verib. Rusiya XİN-in rəsmi nümayəndəsi Mariya Zaxarova qeyd edib ki, rəsmi Moskva Dağlıq Qarabağ münaqişəsinin nizamlanması üzrə səylərini davam etdirəcək.

 

“Ona görə də bizdən asılı olan nə varsa, yerinə yetiriləcək ki, prosesin normallaşması dayanmasın, əksinə intensivləşsin. Dağlıq Qarabağ münaqişəsinin nizamlanması ilə bağlı tədbirlərin qrafikinə gəlincə, bu barədə müvafiq məlumat olan kimi bildirəcəyik”-deyə Zaxarova Rusiyanın 2017-ci il üçün Qarabağ strategiyasını belə açıqlayıb.

Ən maraqlısı isə odur ki, ATƏT-in Minsk qrupunun həmsədr ölkəsi olan Fransanın prezidenti Fransua Olland Qarabağ məsələsinin həlli ilə bağlı şəxsən öhdəlik götürdüyünü bəyan edib. Lakin, bu öhdəliyin konkret cizgiləri və hədəfləri haqda danışmayıb. O, Azərbaycan prezidenti İlham Əliyevə ad günü ilə bağlı təbrik məktubunda bildirib:

 

Dağlıq Qarabağ münaqişəsinin danışıqlar yolu ilə və davamlı həllinin tapılmasında Fransanın və şəxsən mənim öhdəliyimin olduğunu bir daha diqqətinizə çatdırıram”.

 

Bu öhdəlik yerinə yetiriləcəyi təqdirdə belə, inandırıcı deyil ki, Dağlıq Qarabağ münaqişəsinin həllində əsaslı dönüş yaransın.

 

Göründüyü kimi, deyilənləri və yazılanları ümumiləşdirib təhlil etsək, 2017-ci ildə Qarabağ probleminin sülh yolu tənzimlənməsində həlledici proseslərin başlamayacağını proqnozlaşdırmaq olar.

 

Azərbaycan tərəfi isə dəfələrlə bəyan edib ki, işğal altındakı torpaqlar boşaldılmayaınca, hər hansı bir sülhdən söhbət gedə bilməz.

 

Deməli, Azərbaycan da indiki məqamda ancaq haqlı olaraq hərbi variantı məqbul sayır. Çünki Ermənistanın qeyri-konstruktivliyi və danışıqlarda nümayiş etdirdiyi ənənəvi ritorika onu göstərir ki, onlar öz xoşlarına torpaqlarımızı tərk edən deyillər. Buna görə də, 2017-ci ildə də Ermənistana daha bir “aprel dərsi” verilə bilər. 

 

 

Aqşin KƏRİMOV

 

 

 

 


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Fövqəladə Hallar Nazirliyinin əməkdaşları təltif edildi - SİYAHI
15.12.2017, 18:02

Fövqəladə Hallar Nazirliyinin əməkdaşları təltif edildi - SİYAHI

Oqtay Əsədov deputatları DANLADI   
15.12.2017, 17:57

Oqtay Əsədov deputatları DANLADI  

8 min azərbaycanlı ABŞ vətəndaşlığını qəbul edib
15.12.2017, 17:52

8 min azərbaycanlı ABŞ vətəndaşlığını qəbul edib

“Kanal 13”ün icraçı direktoruna 6 il həbs verildi
15.12.2017, 17:52

Kanal 13”ün icraçı direktoruna 6 il həbs verildi

Əkin yerlərinin yandırılmasına görə cəzalar müəyyənləşdi
15.12.2017, 17:48

Əkin yerlərinin yandırılmasına görə cəzalar müəyyənləşdi

“Müəllimlər, həkimlər yoxsul kontingentə daxildir”
15.12.2017, 17:41

“Müəllimlər, həkimlər yoxsul kontingentə daxildir”

Komitə sədri eyni mənzilin bir neçə nəfərə satılmasından DANIŞDI   
15.12.2017, 17:38

Komitə sədri eyni mənzilin bir neçə nəfərə satılmasından DANIŞDI  

Bir mənzilin bir neçə nəfərə satılmasının qarşısını alan dəyişiklik qəbul edildi
15.12.2017, 17:33

Bir mənzilin bir neçə nəfərə satılmasının qarşısını alan dəyişiklik qəbul edildi

Məmur olmaq istəyənlər üçün müsahibə elan edildi   
15.12.2017, 17:28

Məmur olmaq istəyənlər üçün müsahibə elan edildi  

Azərbaycanlı gənc deputatlar və eks-prezidentlə müzakirə aparacaq
15.12.2017, 17:21

Azərbaycanlı gənc deputatlar və eks-prezidentlə müzakirə aparacaq

Manatın 3 günlük MƏZƏNNƏSİ
15.12.2017, 17:20

Manatın 3 günlük MƏZƏNNƏSİ

Azərbaycanda 7 dini icma ləğv edilib   
15.12.2017, 17:14

Azərbaycanda 7 dini icma ləğv edilib  

Deputatları mandatdan məhrum edən dəyişiklik qəbul olundu
15.12.2017, 17:10

Deputatları mandatdan məhrum edən dəyişiklik qəbul olundu

Zahid Oruc narazılıq etdi, Oqtay Əsədov ona irad tutdu
15.12.2017, 17:09

Zahid Oruc narazılıq etdi, Oqtay Əsədov ona irad tutdu

Azərbaycanda tibbi dərslik PROBLEMİ – tələbələr etiraz etdi
15.12.2017, 17:00

Azərbaycanda tibbi dərslik PROBLEMİ – tələbələr etiraz etdi

Azərbaycanda federasiya rəhbəri qəfil vəfat etdi
15.12.2017, 16:51

Azərbaycanda federasiya rəhbəri qəfil vəfat etdi

Vahid Əhmədov İntizam Komissiyasının dəyişilməsini istədi: “İndi taleyimiz öz əlimizdədir”
15.12.2017, 16:44

Vahid Əhmədov İntizam Komissiyasının dəyişilməsini istədi: “İndi taleyimiz öz əlimizdədir”

Goranboyda 3 yaşayış məntəqəsinə içməli su verildi
15.12.2017, 16:41

Goranboyda 3 yaşayış məntəqəsinə içməli su verildi

Rusiyanın tanınmış jurnalisti və eksperti Mətbuat Şurasında
15.12.2017, 16:38

Rusiyanın tanınmış jurnalisti və eksperti Mətbuat Şurasında

Siyavuş Novruzov Sevinc Osmanqızını təxribatçı adlandırdı
15.12.2017, 16:33

Siyavuş Novruzov Sevinc Osmanqızını təxribatçı adlandırdı

Milli Məclis Seçki Məcəlləsinə dəyişiklikləri müzakirə edir    
15.12.2017, 16:16

Milli Məclis Seçki Məcəlləsinə dəyişiklikləri müzakirə edir  

Xalqın milli sərvətinə çevrilmiş insan
15.12.2017, 16:11

Xalqın milli sərvətinə çevrilmiş insan

Atası yol qəzasında ölən jurnalist: “Məhkəmədən ədalətli qərar gözləyirəm”   
15.12.2017, 16:09

Atası yol qəzasında ölən jurnalist: “Məhkəmədən ədalətli qərar gözləyirəm”  

“Whatsapp”da yayılan dini mesajlara İNANMAYIN! - XƏBƏRDARLIQ
15.12.2017, 16:07

“Whatsapp”da yayılan dini mesajlara İNANMAYIN! - XƏBƏRDARLIQ

İlham Əliyev: “Biz ili uğurla başa vururuq”
15.12.2017, 15:55

İlham Əliyev: “Biz ili uğurla başa vururuq”

Azərbaycanda
15.12.2017, 15:47

Azərbaycanda "İlin ən yaxşı kitabxanası"nı Siz də tanıyın 

Rəsmi Kiyev Saakaşvili ilə bağlı təkzib yaydı
15.12.2017, 15:40

Rəsmi Kiyev Saakaşvili ilə bağlı təkzib yaydı

Sankt-Peterburqda terror aktının qarşısı alındı
15.12.2017, 15:36

Sankt-Peterburqda terror aktının qarşısı alındı

38 şəhər və rayonda monitorinq imtahanları keçirildi
15.12.2017, 15:30

38 şəhər və rayonda monitorinq imtahanları keçirildi

Bakıda dələduz “polkovnik” tutuldu
15.12.2017, 15:22

Bakıda dələduz “polkovnik” tutuldu

“Sürətin nəbzini tut” – Jurnalistlərə Formula 1-lə bağlı təlim keçirildi
15.12.2017, 15:20

“Sürətin nəbzini tut” – Jurnalistlərə Formula 1-lə bağlı təlim keçirildi

TEDxUNEC-in spikerləri uğura aparan yolu açıqladılar:
15.12.2017, 15:17

TEDxUNEC-in spikerləri uğura aparan yolu açıqladılar: "Bilik və təhsil"

Diaspor rəhbəri:
15.12.2017, 15:15

Diaspor rəhbəri: "Biz ukraynalı jurnalistlərlə əlaqələrimizi daha da genişləndirəcəyik"

 AMEA prezidenti: “Bütün magistrantlar işlə təmin olunur”
15.12.2017, 15:04

 AMEA prezidenti: “Bütün magistrantlar işlə təmin olunur”

Bakıya yeni avtobuslar gətirildi - FOTOLAR   
15.12.2017, 14:57

Bakıya yeni avtobuslar gətirildi - FOTOLAR  

ARXİV
SORĞU
Xaricdəki hansı iş adamı Azərbaycana daha çox bağlıdır?
Vahid Ələkbərov(0.09%)
Araz Ağalarov (14.0%)
Mübariz Mənsimov (18.0%)
Fərhad Əhmədov(14.5%)
Füzuli Məmmədov(50.6%)
Telman İsmayılov (0.13%)
İsgəndər Xəlilov(0.09%)
Vaqif Məmişov(0.04%)
Heç biri(1.54%)
Digərləri(0.82%)