Modern.az

Gömrükdə Ermənistan istehsalı olan içkilər müsadirə edildi – VİDEO

Gömrükdə Ermənistan istehsalı olan içkilər müsadirə edildi – VİDEO

İqtisadiyyat

30 Dekabr 2016, 10:55

Rusiyadan Azərbaycan vətəndaşı Əhmədov Mübariz Fərhad oğlunun adına daxil olan avtomaşında bəyan olunmayan spirtli içkilərin, soyuq silahlara oxşar predmetlərin və digər malların olması ilə bağlı Bakı Baş Gömrük İdarəsinin Gömrük (BBGİ) hüquqpozmalarına qarşı mübarizə şöbəsinə əməliyat məlumatı daxil olub.

 

Bu haqda Dövlət Gömrük Komitəsindən (DGK) Modern.az-averilən məlumatda bildirilib.

 

BBGİ əməkdaşları məlumat əsasında Bakı şəhəri, Xəzər rayonu, Şaqan qəsəbəsində yaşayan Əhmədov Mübariz Fərhad oğlunun adına daxil olmuş və Bakı Baş Gömrük İdarəsində gömrük bəyannaməsi ilə rəsmiləşdirilən ev əşyaları yükünə gömrük baxış keçiriblər.

 

Yoxlama zamanı gömrük bəyannaməsində qeyd edilməyən 4042 ədəd keçmiş SSRİ-nin, 2340 ədəd Rusiya Federasiyasının metal pulları, 3 ədəd istifadə olunmuş xalça, 10 ədəd müxtəlif ölçülü bıçaqlar və 68 ədəd Azərbaycana məxsus aksiz markası ilə markalanmayan spirtli içkilər (spirtli içkilərdən 9 ədədi Ermənistanda istehsal edilib) aşkar edilib.

 

Faktla bağlı araşdırma aparılır.

 

Modern.az

 

Twitter
Sizə yeni tvit var
Keçid et
Ukrayna ordusu dəhşət saçdı: Rusiya ərazisi vuruldu