Qazaxıstanın Karaqanda vilayətində çoxmərtəbəli yaşayış binası qismən uçub. Modern.az saytı Rusiya mediasına istinadən xəbər verir ki, hadisə vilayətin Şaxan qəsəbəsində qeydə alınıb.
Hadisə yerinə cəlb edilən xilasedicilər indiyədək 4 nəfəri xilas edib. Hadisə nəticəsində 1 nəfər ölüb. Amma dağıntılar altında qalanların olduğu bildirilir. Hazırda xilasetmə əməliyyatı davam edir.
Qeyd edək ki, insidentin səbəbləri barədə hələ ki, məlumat verilmir.
Modern.az