25 mart 2017, Şənbə
Ana Səhifə - İQTİSADİYYAT - Cərimə pulları hara gedir? – DETALLAR
Cərimə pulları hara gedir? – DETALLAR
10.01.2017, 10:06

“Azərbaycanda çox müxtəlif dövlət fondları fəaliyyət göstərir. Onlar arasında Neft Fondu və Sosial Müdafiə Fondu həm miqyasına, həm təyinatına və həm də hesabatlılığına görə seçilir. Hər iki Fondun büdcəsinin gəlir və xərcləri ilə bağlı məlumatlar müntəzəm olaraq ictimaiyyətə açıqlanır. Lakin bu iki fonddan başqa müxtəlif dövlət təşkilatlarının nəzdində yaradılan fondlar vardır ki, onlar haqqında yalnız ümumi məlumatlara çıxış imkanları mövcuddur. Onların gəlir mənbələri məlum olsa da, xərc istiqamətləri haqqında açıqlama verilmir”.

 

Modern.az xəbər verir ki, bunu iqtisadçı ekspert Qubad İbadoğlu bildirib. Onun sözlərinə görə, həmin qurumlar büdcədənkənar inkişaf fondları adı ilə müxtəlif dövlət orqanlarının nəzdində yaradılıb. Buna görə də ora yığılan vəsaitləri dövlət büdcəsində görmək olmur.

 

“Çünki, büdcə sənədlərində Neft Fondu və Sosial Müdafiə Fondundan başqa “Avtomobil Yolları” Məqsədli Büdcə Fonduna rast gəlmək mümkündür. Büdcədə “Avtomobil Yolları” Məqsədli Büdcə Fonduna dair açıqlanan yeganə məlumat ondan ibarətdir ki, bu il həmin Fondun gəlirləri 108 milyon manat olacaq”. 

Büdcədənkənar inkişaf fondlarına gəlincə, ekspert hesab edir ki, hər bir nazirlik özü ən azı bir Fond yaradıb.

 

“Diqqət yetirin. Azərbaycan gömrük sisteminin büdcədənkənar inkişaf fondu, Vergi orqanları işçilərinin sosial müdafiəsi və bu orqanların maddi həvəsləndirmə və inkişaf fondu, yol hərəkəti qaydalarının pozulmasına görə ödənilən cərimələrdən formalaşan fond və digərləri. Dövlət büdcəsi kiçildikcə, adını sadaladığım fondlar ildən-ilə böyüyür. Son illərin trendi göstərir ki, vergi, gömrük, yol polisi və sistemlərə rəhbərlik edənlərin başlıca marağı yalnız dövlət büdcəsinin deyil, daha çox birbaşa sərəncam verdiyi fondların gəlirlərinin artımını təmin etməkdir. Belə ki, gömrük sisteminin büdcədənkənar inkişaf fonduna daxil olan vəsaitin 50 faizi Gömrük Komitəsinin xüsusi rütbəsi olan əməkdaşlarının və mülki işçilərinin aylıq vəzifə maaşlarına əlavə edilir. Vergi orqanları işçilərinin sosial müdafiəsi məqsədi ilə vergi orqanları tərəfindən tətbiq edilən və dövlət büdcəsinə daxil olan maliyyə sanksiyaları məbləğinin 25 faizi hesabına yaradılan büdcədənkənar fond da eyni funksiyanı yerinə yetirir. Yol hərəkəti qaydalarının pozulmasına görə ödənilən cərimələrdən daxil olan vəsaitin 25 faizi yol patrul xidmətini həyata keçirən və yol hərəkətinin tənzimlənməsinə cəlb olunan əməkdaşların aylıq vəzifə maaşlarına əlavənin verilməsi üçün istifadə olunur”.

 

Qubad İbadoğlu qeyd edib ki, bütün bunlar da həmin sistemin işçilərində büdcəyə deyil, Fonda daha çox vəsait yığılmasına stimul yaradır.

 

“Məsələn, bu ilin büdcəsində vergi sanksiyaları 90 milyon manat proqnozlaşdırılıb. Bu o deməkdir ki, vergi orqanları il ərzində 120 milyon manatlıq cərimə və sanksiyalar tətbiq etməlidirlər ki, onun da 75 faizini,  90 milyon manatını büdcəyə, 30 milyon manatını isə vergi orqanları işçilərinin sosial müdafiəsi, maddi həvəsləndirməsi və inkişaf fonduna yönəltsinlər. Ötən ilin ilk 8 ayında yol hərəkəti qaydalarının qaydaların pozulmasına görə ödənilən cərimələr 58,5 milyon manat təşkil edib. Bu isə o deməkdir ki, cərimələr ayda orta hesabla 7 milyon manat olub. Bu hesabla da ötən il üçün yol hərəkəti qaydalarının pozulmasına görə gözlənilən yığım 90 milyon manatı ötüb.

 

Göründüyü kimi, vergi orqanlarının və yol polisinin cərimələrinin birlikdə məbləği 210 milyon manatdan çoxdur. Vergi orqanları bu məbləğin 75 faizini büdcəyə köçürsə də, yol polisinin topladığı cərimələrin ən yaxşı halda 10 faizini 2017-ci il büdcəsində görmək olar. Çünki, bu ilin büdcəsində cərimə və sanksiyalara görə büdcəyə daxilolmalar 101 milyon manat nəzərdə tutulur ki, onun da 90 milyon manatını vergi qanunvericiliyinin pozulmasına görə ödəmələr təşkil edəcək.

 

İldən-ilə böyüyən cərimə fondlarının inkişaf fondları adı ilə ayrı-ayrı dövlət orqanlarının sərəncamında saxlanılaraq qeyri-şəffaf və hesabatsız xərclənməsi maliyyə nəzarəti orqanlarının diqqətindən kənarda qalmalı deyil. Xüsusilə də yuxarıda adı çəkilən fondların xərclənməsi barədə əhaliyə müntəzəm olaraq hesabat xarakterli məlumatlar verilməlidir.

Cərimələnən sahibkar, sürücü, piyada bilməlidir ki, onun ödədiyi məbləğ hara gedir, onu kimlər və necə xərcləyir. Fikrimcə, yaranmış vəziyyətdən çıxışın ən düzgün yolu həmin fondların və kassaların ləğv edilərək cərimə və sanskiyalara görə ödənişlərin birbaşa büdcəyə yönəldilməsidir. Çünki, bu halda eyni zamanda iki problemi həll etmək mümkündür. Birincisi, şəffaflıq və hesabatlılıq. Çünki büdcə sənədləri daha əlçatandır. İkincisi isə cərimələrin və sanksiyaların əsassız tətbiqininin qarşısının alınmasını.

 

Bu təklifə opponent olanlar fondların anti-korrupsiya effektini qabardarlarsa, bu halda da mövcud problemin həlli vergi, gömrük, yol polisi işçilərinə, bütünlüklə müəllimlərə, həkimlərə və digər kateqoriyadan olan büdcə sferasında çalışanlara layiqli əmək haqları verməkdir. Və onu qiymətlərin artımına müntəzəm olaraq indeksləşdirməkdir”-deyə o əlavə edib.

 

Aqşin Kərimov

 


Şərh yaz

Bu kateqoriyadan olan xəbərlər
SON XƏBƏR
25.03.2017, 00:56

XİN rəhbərləri Daşkənddə toplanır

25.03.2017, 00:33

Çörəyin çəkisi azaldı, qiyməti ucuzlaşdı – Video

25.03.2017, 00:17

İsveçrədə Türkiyə ilə bağlı istintaq  başladı

24.03.2017, 23:57

Rusiyada barıt zavodunda yanğın

24.03.2017, 23:40

Samvel Babayan 2 ay müddətinə həbs olunub

24.03.2017, 23:21

ABŞ İranla bağlı 30 şirkətə qarşı sanksiya tətbiq etdi

24.03.2017, 23:18

Yəməndə 4 min 773 mülki şəxs həyatını itirib

24.03.2017, 23:05

Aprel şəhidinin ailəsini sıxışdıran icra nümayəndəsi, SƏN KİMSƏN?!  

24.03.2017, 22:59

Prezidentin izlədiyi oyunda ölkəsi qalib gəldi

24.03.2017, 22:54

Böyük Britaniya Avropa Birliyinə 62 milyard dollar ödəməlidir

24.03.2017, 22:45

Almaniya milli komandası Bakıya gəlib

24.03.2017, 22:26

Rakkanın azad olunması əməliyyatına başlanılıb

24.03.2017, 22:12

Yaponiya güclü zəlzələdən silkələndi

24.03.2017, 21:55

Messiyə hökm oxunacaq

24.03.2017, 21:41

ABŞ-da iki qatar toqquşub

24.03.2017, 21:25

Neftçala sakini küllü miqdarda narkotiklə tutuldu

24.03.2017, 21:12

Terrorçu hava limanında özünü partladıb

24.03.2017, 20:56

Yanğın bir ailəni evsiz qoydu

24.03.2017, 20:37

Türkiyədə 4,2 bal gücündə zəlzələ olub

24.03.2017, 20:29

130 maşın toqquşdu: 1 ölü, 59 yaralı

24.03.2017, 20:16

“Rusiya Ermənistana hərbi karvan göndərməyib” – Rəsmi

24.03.2017, 20:02

Rus hərbçilərinə hücumu İŞİD törədib

24.03.2017, 18:34

Həsənağa Turabov şəxsiyyətini qoruyan kişi idi - XATİRƏ

24.03.2017, 18:21

İlham Əliyev Yunanıstan prezidentini təbrik edib

24.03.2017, 17:53

Misirin sabiq prezidenti 6 illik həbsdən sonra evə buraxılıb

24.03.2017, 17:49

Türkiyədə miqrant qayığı batdı, 11 nəfər boğuldu

24.03.2017, 17:31

85 yaşlı ziyalının Qarabağ istəyi  

24.03.2017, 16:58

Belarus II Avropa Oyunları üçün fəaliyyət planını təsdiq edib

24.03.2017, 16:36

Bakıda erməni malları satan mağaza ilə sayt arasında QALMAQAL

24.03.2017, 16:21

Saatlar irəli çəkilməyəcək - bunun hansı psoxoloji problemi olacaq...

24.03.2017, 16:08

Hansı ali məktəb daha yaxşı təhsil verir? - SORĞU

24.03.2017, 15:29

Turan-İran, yoxsa Turan-Avropa qarşıdurması? - I yazı

24.03.2017, 15:10

Azərbaycanda eşşəklərin sayı niyə azalıb?..

24.03.2017, 15:05

Berti Foqts Bakıya gəlib

24.03.2017, 14:34

Nazir ön cəbhədə müdafiənin təşkilinu yoxladı - FOTO

ARXİV
SORĞU
Hansı ali məktəb daha yaxşı təhsil verir?
Prezident Yanında Dövlət İdarəçilik Akademiyası(5%)
Azərbaycan Dövlət İqtisad Universiteti(10%)
Bakı Dövlət Universiteti(30%)
Bakı Ali Neft Məktəbi(5%)
Azərbaycan Dillər Universiteti(20%)
Azərbaycan Dövlət Neft və Sənaye Universiteti(0%)
Azərbaycan Texniki Universiteti(0%)
Azərbaycan Tibb Universiteti(0%)
Bakı Slavyan Universiteti(15%)
Azərbaycan Dövlət Pedaqoji Universiteti(15%)