Dünyanı qorxuda saxlayan "quş qripi" yenidən qayıdır. Modern.az saytı xarici mediaya istinadən xəbər verir ki, Bolqarıstan hökuməti ölkə üzrə 63 "quş qripi" ocağı qeydə alıb.
Məlumata görə, həmin ərazilərdə 430 mindən çox ev quşu "H5N1" virusuna yoluxub. Virusa yoluxan quşların böyük hissəsi ördəklərdir. İndiyədək hökumət problemin aradan qaldırılmasına təqribən 540 min dollar vəsait ayırıb. Lakin bu məbləğin 5 dəfə artacağı bildirilir.
Məlumata görə, virusun baş qaldırmasının əsas səbəbi quş yetişdirilməsi üzrə fermalarda gigiyenik normalara riayət olunmamasıdır.
"Quş qripi" virusunun qonşu ölkələrə keçməsi də istisna edilmir.
Modern.az
