Modern.az

Beynəlxalq Bankda yeni təyinat - Yeni sədrə 1-ci müavin gətirildi

Beynəlxalq Bankda yeni təyinat - Yeni sədrə 1-ci müavin gətirildi

16 Yanvar 2017, 11:23

Azərbaycan Beynəlxalq Bankında yeni təyinat olub. Bu haqda Modern.az-a bankın mətbuat xidmətinin rəhbəri Yadigar Cəfərov məlumat verib.

O bildirib ki,  “Azərbaycan Beynəlxalq Bankı” ASC-nin Müşahidə Şurasının toplantısı keçirilib. Toplantıda Bankın İdarə Heyətinə yeni üzvün qəbulu və onun İdarə Heyəti sədrinin 1-ci müavini vəzifəsinə təyinatı məsələsinə baxılıb. Abbas Məmmədəli oğlu İbrahimov ABB-nin İdarə Heyətinin üzvü və İdarə Heyəti sədrinin1-ci müavini vəzifəsinə təyin edilib.


Abbas İbrahimov 1999-2003-cü illərdə Türkiyənin Ankara Universitetində İş iqtisadiyyatı üzrə bakalavr, 2003-2005-ci illərdə İstanbul Texniki Universitetində Biznes inzibatçılığı üzrə (maliyyə istiqaməti) magistr dərəcəsi alıb. Bank-maliyyə sektorunda fəaliyyətə 2005-ci ildə “Bank of Baku” ASC-də Tədqiqat və inkişaf departamentinin mütəxəssisi kimi başlayıb. Ayrı-ayrı vaxtlarda Ödəniş kartları bölməsinin rəhbəri, Məhsullarınyaradılması və idarə edilməsi departamentinin direktoru, Bankın İdarə Heyəti sədrinin müavini olub. Son təyinata qədər “Bank of Baku” ASC-nin İdarə Heyətinin sədri vəzifəsində çalışıb.

"Xalid Əhədovun rəhbərlik etdiyi Azərbaycan Beynəlxalq Bankının yeni üzvlərlə gücləndirilmiş peşəkar idarəetmə komandasının qarşıya qoyduğu əsas hədəflər xərclərin optimallaşdırılması, restrukturizasiya tədbirlərinin həyata keçirilməsi hesabına fəaliyyətin effektivliyinə qısa zamanda nail olmaq, ABB-nin sağlamlaşdırılması prosesini bu il uğurla başa çatdırmaq, həmçinin Azərbaycan Respublikası Prezidentinin 15 iyul 2015-ci il tarixli müvafiq Fərmanında qarşıya qoyulmuş digər vəzifələri yerinə yetirməkdir",-deyə Beynəlxalq Bankın mətbuat xidmətindən bildirilib.

 

 

Gülşən RAUFQIZI

Whatsapp
Bizə yazın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi