Yanvarın sonunda Bakıda Xəzər dənizinin hüquqi statusu haqqında Konvensiyanın hazırlanması üzrə xüsusi işçi qrupunun növbəti iclası keçiriləcək.
Modern.az-ın məlumatına görə, bunu jurnalistlərə Azərbaycan xarici işlər nazirinin müavini Xələf Xələfov deyib.
X.Xələfovun sözlərinə görə, bütün ölkələr iştirak edəcəklərini təsdiqləyiblər: "İşçi qrupunun bu iclası nazirlərin görüşünə hazırlıq xarakteri daşıyır".
Nazir müavini qeyd edib ki, bununla yanaşı, Konvensiya layihəsinin hazırlanması üzərində iş aparılacaq, eləcə də açıq qalan məsələlər üzrə müzakirə olunacaq:
"Həmçinin gündəliyə 2017-ci ildə sammitin keçirilməsinə hazırlıq məsələsinin müzakirəsi daxil edilə bilər".
Modern.az
