“Qalatasaray”ın alman ulduzu Lukas Podolskinin Yaponiyanın “Vissel Kobe” klubu ilə anlaşdığı açıqlanıb. Modern.az Türkiyə mediasına istinadən bildirir ki, Yaponiya mətbuatında yer alan xəbərə görə, “Vissel Kobe” Podolskiyə qalibiyyət bonusları da daxil olmaqla illik 960 milyon İena (8 milyon avro) ödəməyi qəbul edib.
Hələ “Qalatasaray” ilə razılaşmayan Yaponiya klubu bazarlıqlarda son mərhələyə gəlib. Xəbərdə “Akhisar Belediyespor” ilə bu axşam oynanacaq liqa qarşılaşmasının Podolskinin “Qalatasaray” forması ilə son matçının olmasının gözlənildiyi qeyd olunub.
Modern.az
