Türkiyə, Rusiya və İran rəsmiləri Astanada bir araya gələcək. Modern.az saytı xarici mediaya istinadən xəbər verir ki, bu barədə Qazaxıstan Xarici İşlər Nazirliyi məlumat yayıb.
Məlumata görə, Türkiyə, Rusiya və İran rəsmiləri fevralın 6-da Astanada toplanacaq. Görüşün məqsədi Suriyada atəşkəsin rejiminin tətbiq olunması ilə bağlı danışıqların aparılmasıdır.
Qeyd edək ki, yanvarın 23-də Astanada Qazaxıstan, İran, Suriya hakimiyyəti, BMT, ABŞ, Türkiyə, Rusiya və Suriya müxalifətinin nümayəndə heyətlərinin iştirakı ilə Suriya böhranının nizamlanması üzrə toplantı keçirilmişdi.
Modern.az