Türkiyədə səfərdə olan BMT-nin baş katibi Antoniu Quterreş bu ölkənin dövlət rəsmiləri ilə müzakirələr aparıb. Modern.az saytı Türkiyə mediasına istinadən xəbər verir ki, baş nazir Binəli Yıldırımla keçirilən görüşdə regiondakı vəziyyət müzakirə olunub.
Baş nazir vurğulayıb ki, Türkiyədə təxminən 3 milyon suriyalı və iraqlı qaçqın yaşayır. Türkiyə hazırda heç bir ölkədən dəstək almadan həmin insanlara qayğı göstərir.
BMT baş katibinin Türkiyəyə səfərinin bölgədə yaşanan problemlərin həlli baxımından çox önəmli olduğunu bildirən baş nazir bu beynəlxalq təşkilatın Türkiyənin problemlərinə həssas yanaşacağına ümid etdiyini bildirib.
Modern.az