Yeni il gecəsi İstanbulun “Reina” gecə klubunda 39 nəfəri qətlə yetirmiş terrorçu Əbdülqadir Maşaripov məhkəmə qarşısına çıxarılıb. Modern.az saytı Türkiyə mediasına istinadən xəbər verir ki, Maşaripov qarşısında həbs qərarı çıxarılıb.
Məlumata görə, Maşaripova qarşı “39 nəfərin qəsdən qətlə yetirilməsi”, “İŞİD terror qruplaşmasına üzvlük”, “qanunsuz silah gəzdirmək” ittihamı irəli sürülüb. Məhkəmədən sonra Maşaripov İstanbulun “Silivri” həbsxanasına yerləşdiriləcək.O, məhkəmə prosesi başa çatanadək bu həbsxanada qalacaq.
Qeyd edək ki, indiyədək Maşaripov saxlanılan statusunda idi.
Modern.az