Modern.az

Baramaçılıqla məşğul olmaq istəyənlərə yeni imkan

Baramaçılıqla məşğul olmaq istəyənlərə yeni imkan

17 Fevral 2017, 20:52

İsmayıllı Rayon Kənd Təsərrüfatı İdarəsi baramaçılıqla məşğul olmaq istəyənləri əməkdaşlığa dəvət edir. Modern.az saytı xəbər verir ki, idarədən "Report"a verilən məlumata görə, barama saxlamaq istəyənlərə zəruri şirkətlərlə əməkdaşlıq əlaqələrinin qurulmasına yardım göstəriləcək.

"Barama istehsalı ağır əmək tələb etmir və gəlirli sahələrdəndir. Barama 30-40 günə istehsal olunmaqla hər kiloqramı 8 manata alınır və gələcəkdə hər kiloqram üçün əlavə subsidiyanın verilməsi də gözlənilir. İyirmi qram barama qurdundan 50-60 kq hazır barama və həmin hazır məhsuldan 400-500 manat gəlir əldə etmək olur. Barama qurdu pulsuz verilir. İstehsal olunmuş hazır məhsulu isə alıcı şirkət yerində təhvil götürür" - idarədən bildirilib.

Barama saxlamaq istəyənlər İsmayıllı Rayon Kənd Təsərrüfatı İdarəsinə ((020) 28 53075/Bitkiçilik sektoru) müraciət edə bilərlər.

 

Modern.az

Instagram
Gündəmdən xəbəriniz olsun!
Keçid et
Paşinyan Qazaxa gəldi - Ermənilər üzərinə hücum çəkdi