22 iyun 2018, Cümə
Ana Səhifə - ƏDƏBİYYAT - Ucqar kəndin gənc müəllimi: “Şagirdim sevgi statusumu oxuduğunu deyəndə utandım” - LAYİHƏ
Ucqar kəndin gənc müəllimi: “Şagirdim sevgi statusumu oxuduğunu deyəndə utandım” - LAYİHƏ +
21.02.2017, 10:04

Bu gün cəmiyyətimizdəki bəzi gənclər peşə borclarını ən ucqar kəndlərdə yerinə yetirirlər. Onlar necə deyərlər, gözdən-könüldən uzaqda olsalar da, ehtiyac duyulan yerlərdədirlər. 

Modern.az saytı “Ucqar kəndin gənc müəllimi” layihəsini davam etdirir.


Bu günə kimi respublikanın əksər ucqar rayonlarının kəndlərində işləməyə gedən gənc müəllimlərdən müsahibələr götürülüb və onların problemləri, dərs şəraiti öyrənilib.

Budəfəki müsahibimiz ədəbi mühitdə, sosial şəbəkələrdə kifayət qədər tanınan gənc şair Emin Piridir. AYB-nin “Gənc Ədiblər Məktəbi-2”nin kordinatoru olan Emin həm də bir neçə şeir kitabının müəllifidir. Prezident təqaüdünə də layiq görülüb. Bir müddət media sahəsində  çalışıb.
Müəllimlər üçün təşkil olunan dövlət imtahanında yüksək nəticə göstərərək, Siyəzən rayonunun Dağ Quşçu kənd tam orta məktəbinə təyinat alıb. Yarım ildən çoxdur ki, Qarabağ şəhidi Ə.Şahbazov adına məktəbin tarix müəllimidir.

 

“Ən yaxşı sevgi şeirlərimi burda yazıram”

 

Emin əvvəlcə ucqar dağ kəndinə necə düşməsinin tarixçəsindən danışır. Paytaxtın səs-küylü, qaynar  ədəbi mühitindən ayrılıb, ucqar kənddə müəllimliyə başlamaq fikri oxucular üçün də yəqin, çox maraqlıdır:

 

-Hər gün Bakının mərkəzi küçələrində gəzmək nə qədər xoş idisə, sonra o qədər bezdirici oldu. Sanki yeni nəfəsə ehtiyacım var idi. Şeirlərim get-gedə asfalt  qoxusu verəcəkdi. Amma təndir qoxusunu, odun sobasını, saflığı özləmişdim. Belə bir şans müəllimlik imtahanında yarandı və dəyərləndirdim. İxtisasdan 100 faizlik nəticə göstərdim. Amma birinci yerdə buranı yazdım və qəbul olundum. Yaradıcılıq və  həyatilik baxımından  buradakı insanlar mənə daha maraqlı idi. Ədəbi qalmaqallardan uzaq daha xoşbəxt həyatım var.

 

-Siyəzənlə-düşdüyün dağ kəndi ilə bağlı ilk təəssüratın necə oldu?

-İndiyə kimi yaşadığım həyatdan daha uzaq, daha fərqli və mühafizəkar yerdi. Ədəbi mühitdə gördüklərimin tam əksidir, deyə bilərəm. Mehriban insanları var. Demək olar, hamı bir-biriylə qohumdu. Meşə yanında yerləşən, bulaqlı, bir az da Sergey Yeseninin yaşadığı kənd ağlıma gəldi. Elə ondan sonra “Təndir ətirli qız” şeirimi yazdım. Məncə, ən yaxşı sevgi şeirlərimi burda yazıram. Əsl sevginin nə olduğunu burda duymağa başladım. Halbuki, eşq mənim üçün əyləncədən başqa bir şey deyildi:

 

Bu kənd bu dağın balası...
Dağların döşündən axan
Ana südüdür bulaq.
bulaq-giləsindən
Süd sağır bu qız.

 

gözlərində Allahı
gördüyüm qızın
ən gözəl güzgüsüdür
Sevdiyin qadının gözləri.

 

bezib şəhərdən
qaçdığın bu kənddə
indi gözün götürər təndir ətrini.
Kirayə qaldığın bu qəlb sahibi
“Təndir ətirli qız.”

 

Sevəsən,
Sevəsən,
lap ayrılasan
Üzülməyəsən ayrılığa,
Sevinəsən bir sevgi yaşadın deyə.

 

Çəkər gözlərini səndən kəndinə,
Qaralar dünyan,
Bu “şəhər” ürəyinə yağış yağacaq?!

 

Xəyallar bürüyər səni...
Dodaqlarımız arasındakı
bir udumluq havanı
Yarı-yarıya udarıq...
Səni “bic-bic” xəyaldan
diksindirib oyadır
Bu kəndin qısqanc itləri.

 

Mən bir az Sergey Yesenin,
İrana oxşayan bu kənddə sərxoş,
Şəhərli oğlana bel bağlamaz
Bu kəndin qızı,
Uzadar əllərini...
Uzağı bir qurtum sərin su verər.

 

“İşıq sönsə otağa gəlib məni buz heykəl kimi görürlər”



- Bir az kənd, bir az da o kəndin məktəbi və insanları haqqında danışaq...

-Müəllimlərin çoxu imtahanla qəbul olan savadlı pedaqoq heyətidir. Bu il bu işlədiyim məktəbə beş müəllim qəbul olunub, hamısı da 90 faiz ətrafı nəticə göstərib. Elə bilirdim, çox gəncəm. Amma yeni gələnlər təzə institut bitirənlərdi. Bir növ ən qocalardanam (gülür). Şəhərdəki təhsil, iş mühiti kimi deyil. Hərdən direktor, müəllim dostlar, şagirdlərim qonaq gəlir. Oturub odun “peç”inin yanında söhbətləşirik.

Mediada çox yorulurdum. Müqayisə etsəm, məktəbdə demək olar, yorulmuram,  dincəlirəm. Saf və təmiz, çirkin oyunlardan uzaq “çocukların” yanında yorulmaq günah olardı. Şərait var, amma işıq sönsə otağa gəlib məni buz heykəl kimi görürlər. Amma şaxtaya öyrəncəliyəm. Ağdamda səngər həyatı məni bir qədər  çətinliklərə öyrədib. Asan işləri rahat bacara bilmirəm, çətin işlər mənə görədir. Başqalarına çətin gələnlər mənə adrenalin havası gətirir. Sinifdə iri ölçülü 50-dən çox tarixi xəritə var. Məncə, oxumaq olar. Uşaqları da başa düşmək lazımdır. Kənd həyatı, qoyun quzu otarmaq yorur.


Elə bu kənd həyatı, oranın paklığı gənc şair-müəllimi tək buraxmır. Şair olan kəs insanlardan yox, saflıqdan tək qalır. Amma deyəsən, müsahibi müəllimi olduğu dağ kəndində bulaq suyu, dağ havası heç zaman tək qoymayıb:

-Burda təkəm, amma özümü heç vaxt tək hiss etmirəm. Belə həyatla yaxşı şeir yazmamaq günah olar. Artıq hər bir daşı, torpağı mənə doğmalaşıb. Hər gün nəsə qaralayıram. Bir səngər həyatı, bir kənd müəllimliyi qədər mənə yaradıcı impuls verən ikincisi olmayıb. Hərdən bulaqdan su gətirirəm. Dizdən qar olanda şaxtada su gətirmək şeir yazmaqdan çətindi.

-Oradakı şəraitə uyğunlaşa bilmisən? Ucqar dağ kəndində nə kimi sosial problemlərlə üzləşirsən?

-Burda qaz yoxdu. Bəzənsə, 2-3 gün işığın yanmamasını çıxsaq mənimçün rahatdı. Həftənin iki gününü digər müəllimlərlə qalıram. Yemək bişirməkdə tənbələm. Bişirmək vaxtı gələndə deyirəm ilham pəriləri gəlib mane olmayın, şeir yazıram. Bilirlər amma məni yola verirlər.(gülür)

 

Qısa bir haşiyə -“Elçi daşı”

 

-Bir kərə bulağın yanında daş üstündə oturmuşdum. Bir nənə yaxınlaşı dedi ki, “bala evlənmək istəyirsən?”.

Dedi, “bu  elçi daşıdı. Evlənmək istəyənlər gəlib oturur”. Necə qorxdumsa hər dəfə o daşı görəndə neçə metr uzaqdan qaçıram...

 


Haşiyə-2. “Kənddə azan müəllim”

 

Müsahibimiz dərs zamanı və dərsdən sonra başına gələn iki maraqlı hadisəni danışır:

 

-Şəhərdə o qədər qarsız qalmışdım ki, burda oktyabrda qar görəndə uşaq kimi sevindim. Dərsdən sonra baxdım ki, məni görən şagird yoxdu? Başladım sürüşməyə. O qədər uşaqca sevinərək başım qarışdı ki, onda ayıldım ki, sürüşə-sürüşə aşağı kəndə gəlib çıxmışam.

Elə bilirdim şagirdlərim məni sosial şəbəkələrdən tanımaz. Şagirdim dedi, müəllim axşam sevgi statusunuzu oxudum. Utandım, heç nə deyə bilmədim.

 

-Şagirdlərdən nə dərəcədə razısan?

-Şagirdlərin burdakı çətinliyini anlamaq mümkündür. 5 il ərzində cəmi bir nəfər universitetə  daxil olub. Bu çox pisdir. Amma daha əminəm ki, bir il sonra hər il universitetə daxil olanlar olacaq. Müəĺlimlərlə birgə buna çalışırıq. Amma deyim ki, buna çox əminəm.

-Əvvəldə dedin ki, tarix kabinetində müxtəlif dövrlərə, müxtəlif dövlətlərə aid 50 xəritə var. O fənni tədris edən müəllim kimi dərs metodundan danışardın...

 -Məncə, təhsildə əsas qarşılıq sevgi və inamdır. Özün və şagirddə inamını yaratmaq əsasdır. Yalnız bu iksindən sonra yüksək təhsildən danışmaq olar. Həddən artıq rəsmi və qorxuyla təhsil, tədris  olmur.

 

-Şagirdlərlə, müəllim kollektivi ilə dost olmaq, bu münasibəti tez bir zamanda qurmaq nə dərəcədə çətin oldu?

- Burda mehribanlıq var, kənd içi rəsmiyyət yoxdu. Bir də görürəm, direktor zəng edib ki, heç nə bişirmə. Özü yemək, kənd məhsulları gətirir. Şagirdlərimsə həmişə gəlib maraqlanır. İnsaniyyətlik daha güclüdü. Kərim adlı şagirdim var, gündə üç dəfə bizdədir. Gəlib odun qırmağa kömək edir. Daha odun bir kənarda qalıb şeir yazmağa başlayıb.


O kənddə bir nənə də var

O kənddə bir nənə də var ki, Emin Piri  ondan da bir ağız danışır. Kəndə yeni getdiyi ərəfədə kirayə qaldığı ilk evin yaşlı  sahibəsidir. Şəhərdən gələn müəllimlə maraqlı dialoqunu müsahibimiz bizə danışır:

-Əvvəl bir evdə ev yiyəsi ilə birgə qalırdım. 75-80 yaşlı arvad-kişi idi. Seyid idilər. Kəndə gələn hər kəs onları da ziyarət edirdi. Bir növ Emin Piri pirə çevrilmişdi.(gülür). Qəzetdə şəklimi görmüşdü, elə bilirdi təhlükəli adamam. Deyirdi “şəklini qəzetə yoxsa niyə versinlər…”. 


-Ədəbi mühitin tam içində idin. Bu uzaqlıq indi səni qorxutmur?


-İndi texnologiya əsridi. Həm həftədə bir kərə Bakıya gəlir, dostlarla görüşüb müzakirələr aparırıq. Əslində, mənə belə daha yaxşıdı. Uzàqdan daha yaxşı analiz edirəm. Mütaliəyə və yaradıcılığa daha çox vaxtım olur. Şeirlərim türkcəyə tərcümə olunurdu. Artıq bitib. Çox güman yazda Bakıda çap olunacaq. Qonorar məsələsini tam anlaşdıqdan sonrasa bu il Türkiyədə çapı gözlənilir.

 

E.Nazimoğlu


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Bizimkilər - “Lider” TV-nin məşhur aparıcısı: “Mən o kəsləri izləyib jurnalist oldum” - FOTOLAR  
22.06.2018, 09:12

Bizimkilər - “Lider” TV-nin məşhur aparıcısı: “Mən o kəsləri izləyib jurnalist oldum” - FOTOLAR  

Baş nazirdən QƏRAR: Bayrağın asılma qaydası dəyişdi
22.06.2018, 09:05

Baş nazirdən QƏRAR: Bayrağın asılma qaydası dəyişdi

Bu gün Dünya Çempionatında daha 3 oyun keçiriləcək - TƏQVİM
22.06.2018, 09:04

Bu gün Dünya Çempionatında daha 3 oyun keçiriləcək - TƏQVİM

Elçibəyin eks-müşaviri Kamran Həsənli: “Həmin gecə Əbülfəz bəyi qaçırıb kənara apardıq” - MÜSAHİBƏ
22.06.2018, 08:52

Elçibəyin eks-müşaviri Kamran Həsənli: “Həmin gecə Əbülfəz bəyi qaçırıb kənara apardıq” - MÜSAHİBƏ

Manat və dolların bugünkü MƏZƏNNƏSİ
22.06.2018, 08:43

Manat və dolların bugünkü MƏZƏNNƏSİ

Gürcüstanda daha 3 nazirlik ləğv olunacaq
22.06.2018, 00:59

Gürcüstanda daha 3 nazirlik ləğv olunacaq

Nazirlər Kabineti ezamiyyə xərclərinin normalarını artırdı
22.06.2018, 00:48

Nazirlər Kabineti ezamiyyə xərclərinin normalarını artırdı

Beş ayda Azərbaycana 7294 avtomobil idxal edilib
22.06.2018, 00:29

Beş ayda Azərbaycana 7294 avtomobil idxal edilib

Azərbaycan neftinin 1 bareli 76 dollara çatır
22.06.2018, 00:13

Azərbaycan neftinin 1 bareli 76 dollara çatır

Dünya Çempionatı-2018: Xorvatiya Argentinaya şans vermədi
21.06.2018, 23:57

Dünya Çempionatı-2018: Xorvatiya Argentinaya şans vermədi

Heydər Əliyev Mərkəzinin parkında yoqa məşğələsi - FOTOLAR
21.06.2018, 23:37

Heydər Əliyev Mərkəzinin parkında yoqa məşğələsi - FOTOLAR

Dünya Çempionatı-2018: Qırmızı vərəqə alan futbolçu ölümlə hədələnir
21.06.2018, 23:20

Dünya Çempionatı-2018: Qırmızı vərəqə alan futbolçu ölümlə hədələnir

“Azərbaycan vətəndaşları qul deyil” - Çingiz Qənizadə:
21.06.2018, 23:06

“Azərbaycan vətəndaşları qul deyil” - Çingiz Qənizadə:

Metroda döyülən şortikli qız axtarılır
21.06.2018, 22:53

Metroda döyülən şortikli qız axtarılır

Gecə klubunda atışma: 2 ölü
21.06.2018, 22:42

Gecə klubunda atışma: 2 ölü

Qardaş türmədə görüşünə gəlməyən qardaşını bıçaqladı
21.06.2018, 22:29

Qardaş türmədə görüşünə gəlməyən qardaşını bıçaqladı

Şəmkirdə musiqiçilər qəzaya düşdü
21.06.2018, 22:14

Şəmkirdə musiqiçilər qəzaya düşdü

Azərbaycanda narkotik istifadəçiləri arasında azyaşlılar da var
21.06.2018, 21:58

Azərbaycanda narkotik istifadəçiləri arasında azyaşlılar da var

Paşinyana qarşı qaldırılan cinayət işi bağlanıb
21.06.2018, 21:43

Paşinyana qarşı qaldırılan cinayət işi bağlanıb

Şirkət rəhbəri işdə məhəbbət məcarasına görə istefaya getdi
21.06.2018, 21:30

Şirkət rəhbəri işdə məhəbbət məcarasına görə istefaya getdi

Bakıda körpənin boğazından qəpik belə çıxarıldı - Video
21.06.2018, 21:16

Bakıda körpənin boğazından qəpik belə çıxarıldı - Video

Dünya Çempionatı-2018: Fransaya uduzan Peru üçün də çempionat bitdi - VİDEO
21.06.2018, 20:59

Dünya Çempionatı-2018: Fransaya uduzan Peru üçün də çempionat bitdi - VİDEO

UNEC rektoru Akif Əlizadənin təkliflərini dəstəklədi
21.06.2018, 20:44

UNEC rektoru Akif Əlizadənin təkliflərini dəstəklədi

 “Ovannisyan axmaq şərhləri ilə insanları təəccübləndirir”-Vaqif Dərgahlı   
21.06.2018, 20:27

 “Ovannisyan axmaq şərhləri ilə insanları təəccübləndirir”-Vaqif Dərgahlı  

“Qarabağ” bu qapıçıya 600 min ödəməyə hazırdır
21.06.2018, 20:15

“Qarabağ” bu qapıçıya 600 min ödəməyə hazırdır

“Araz” supermarketin işçisinin qətl səbəbi ...
21.06.2018, 20:01

“Araz” supermarketin işçisinin qətl səbəbi ...

Neftçalada 19 yaşlı gənc özünü asdı
21.06.2018, 20:00

Neftçalada 19 yaşlı gənc özünü asdı

Füzulidə raket hissəsi tapılıb - FOTO
21.06.2018, 19:45

Füzulidə raket hissəsi tapılıb - FOTO

BMT-nin qətnamələrinin icrası ATƏT-in Minsk qrupunun həmsədrlərinə həvalə edilib
21.06.2018, 19:34

BMT-nin qətnamələrinin icrası ATƏT-in Minsk qrupunun həmsədrlərinə həvalə edilib

Azərbaycanda sosial müdafiə və sosial təminat xərcləri 7%-ə yaxın artırılır
21.06.2018, 19:22

Azərbaycanda sosial müdafiə və sosial təminat xərcləri 7%-ə yaxın artırılır

Vahid Ələkbərovdan neftin qiyməti ilə bağlı PROQNOZ - 100 dollara çatmayacaq
21.06.2018, 19:05

Vahid Ələkbərovdan neftin qiyməti ilə bağlı PROQNOZ - 100 dollara çatmayacaq

Onlar UNEC-i seçir
21.06.2018, 18:51

Onlar UNEC-i seçir

Abşeronda piyadanı avtomobil vurub öldürdü
21.06.2018, 18:49

Abşeronda piyadanı avtomobil vurub öldürdü

Azərbaycanda universitetin girişində sütunlu tavan çöküb
21.06.2018, 18:43

Azərbaycanda universitetin girişində sütunlu tavan çöküb

Baş nazirin birinci müavini vəzifəsindən azad edildi
21.06.2018, 18:39

Baş nazirin birinci müavini vəzifəsindən azad edildi

ARXİV
SORĞU
Hansı ölkə dünya çempionu olacaq?
Argentina(15.0%)
Braziliya(24.5%)
Almaniya(11.3%)
İngiltərə(3.14%)
Portuqaliya(11.9%)
İspaniya(4.40%)
Fransa(5.03%)
Belçika(1.88%)
Seneqal(3.14%)
Rusiya(19.4%)