Modern.az

AŞPA Ermənistana 32 nəfərlik nümayəndə heyəti göndərir

AŞPA Ermənistana 32 nəfərlik nümayəndə heyəti göndərir

24 Fevral 2017, 11:32

“Ermənistanda aprelin 2-də keçiriləcək parlament seçkilərini Avropa Şurası Parlament Assambleyasının (AŞPA)  32 nəfərlik nümayəndə heyəti müşahidə edəcək.

Modern.az xəbər verir ki,bu barədə qurumun seçkiqabağı nümayəndə heyətinin yaydığı məruzədə bildirilib.

 Məlumatda qeyd olunub ki, AŞPA Ermənistanda keçiriləcək parlament seçkilərində qanun pozuntularının təkrarlanacağından ehtiyat edir. Nümayəndə heyəti Ermənistanda seçki qanunvericiliyinin azad və demokratik şəkildə təşkil olunmasına imkan verdiyi barədə Venesiya Komissiyasının 2016-cı ildə verdiyi rəylə razıdır. Lakin bu, ancaq siyasi iradə və vicdanlı yanaşma olduğu təqdirdə həyata keçirilə bilər.

 Həmçinin, yeni Seçki Məcəlləsinin detallı izahını dinləyəndən sonra nümayəndə heyəti qərara gəlib ki, Məcəllə geniş ictimayyət tərəfindən başa düşülməsi baxımından hələ də çox mürəkkəbdir. Bu isə qarışıqlığa səbəb ola və seçki prosesinə mövcud inamsızlığı artıra bilər.

 Nümayəndə heyəti bildirib ki, Ermənistanda keçmiş seçkilərin müşahidəsi zamanı Parlament Assambleyası, ATƏT-in Demokratik Təsisatlar və İnsan Haqları Bürosu və digər beynəlxalq müşahidəçilər inzibati resurslardan sui-istifadəyə, hədə-qorxu və seçki kampaniyaları zamanı seçicilərə qarşı hətta fiziki zorakılıq hallarına görə hakimiyyəti tənqid edib.

 Nümayəndə heyəti həmçinin müvafiq hakimiyyət orqanlarını bütün lazımi tədbirləri görməyə çağırıb.

 Nümayəndə heyətinin fikrincə, Ermənistanda siyasi mədəniyyətin inkişafına ehtiyac var.

“Belə ki, ölkədə siyasət bu və ya digər şəxslərin adı ilə bağlıdır, ideologiya və ölkə qarşısında duran çoxsaylı siyasi, iqtisadi və sosial məsələni özündə əks etdirən siyasi proqramlar yoxdur”.

 

Mirmahmud KAZIMOĞLU

Instagram
Gündəmdən xəbəriniz olsun!
Keçid et
Əskipara kəndinə getmək istəyən jurnalistlər belə saxlanıldı