“Hüquqi, siyasi, mənəvi sahədə təşkilatlanma dinc vaxtlarda olmalıdır. Amma təəssüf ki, biz faciələrdən sonra bunu etmişik. Biz faciələrdən sonra hüquqşünas, eksert olmuşuq. Təəssüf ki, belədir”.
Modern.az xəbər verir ki, bunu Milli Məclisin iclasında deputat Zahid Oruc bildirib.
Zahid Oruc qeyd edib ki, biz faciələrdən bir çox dərs çıxarmalıyıq.
“Baxın, Eldar Mahmudovun zamanında Xocalı soyqırımı 26 fevralda MTN əməkdaşları tərəfindən anılırdı. Amma 27 fevralda və ondan sonrakı dövrlərdə MTN əməkdaşları xalqı soymaqla məşğul idi”-deyə o bildirib.
Deputatın fikrincə, çıxarılan dərslərdən biri də budur ki, Azərbaycanla Rusiya qarşı-qarşıya qoyulmamalıdır.
Aqşin Kərimov
