23-24 fevral tarixlərində Vyanada ATƏT Parlament Assambleyasının 16-cı qış sessiyası çərçivəsində “İnsan təhlükəsizliyinin ölçülməsi” mövzusunda dəyirmi masa keçirilib. Adıçəkilən dəyirmi masada münaqişə zonalarında yaşayan insanların təhlükəsizliyi və hüquqlarının qorunması əsas müzakirə mövzusu olub.
Millət vəkili Ülviyyə Ağayeva Modern.az-a açıqlamasında deyib ki, ATƏT PA-nın sessiyasında Qarabağ münaqişəsinə toxunub.
Xanım millət vəkili, münaqişə zonalarında, xüsusilə, təmas xəttində yaşayan insanların təhlükəsizliyinin təmin edilməsinin vacibliyini vurğulayıb: “Öz doğma yurdundan, el-obasından zor gücü ilə qovulmuş, didərgin düşümüş, köçkün həyatı yaşamağa məhkum olmuş insanların da hüquqlarının pozulması faktı daim diqqət mərkəzində olmalıdır”.
Namidə BİNGÖL
