Fevralın 28-də Çinin paytaxtı Pekin şəhərində “Transxəzər - Şərq-Qərb ticarət və tranzit dəhlizi” forumu keçiriləcək. Modern.az saytının məlumatına görə, tədbir Azərbaycan Respublikasının Çindəki səfirliyinin təşkilatçılığı ilə baş tutacaq.
Bu barədə saytımıza məlumat verən Azərbaycanın Çindəki müvəqqəti işlər vəkili Mətin Mirzə bildirib ki, tədbirin təşkilinə Azərbaycanın İqtisadiyyat Nazirliyi də dəstək verib.
Diplomatın sözlərinə görə, təqdimat mərasiminə dünyanın 140 ölkəsinin nümayəndə heyəti dəvət olunub.
Modern.az
