24 may 2018, Cümə axşamı
Ana Səhifə - ƏDƏBİYYAT - Əli bəy Hüseynzadənin Əhməd bəy Ağaoğluna sevgi və sirlərlə dolu bir məktubu
Əli bəy Hüseynzadənin Əhməd bəy Ağaoğluna sevgi və sirlərlə dolu bir məktubu
25.02.2017, 11:42

Türk dünyasının ictimai fikir tarixində parlaq iz buraxmış iki nəhəng simasını- Əli bəy Hüseynzadəni (24 fevral 1864, Salyan —17 mart 1940, İstanbul) və Əhməd bəy Ağaoğlunu (1869, Şuşa, 19 may 1939, İstanbul) nəsillərə örnək olacaq əqidə, amal, ailə dostluğu birləşdirirdi. İki böyük xadimin bu sarsılmaz münasibətini görkəmli alim, Azərbaycan Xalq Cümhuriyyət dövrünün, istiqlal məfkurəsinin və mücahidlərinin həyat və fəaliyyətlərinin  fədakar və yorulmaz tədqiqatçısı prof. Vilayət Quliyev sərrast və obrazlı ifadə etmişdir: Hər şeyin fövqündə dayanan dostluq haqqında hərarətli himn!

İki dühanın məktubları- yazışmaları onların arasındakı dostluq münasibətlərin parlaq göstəricisidir. Prof. Vilayət Quliyev “Yaşam boyu sürən dostluq (Əli bəy Hüseynzadə və Əhməd bəy Ağaoğlu” adlı tədqiqatında( “525-ci qəzet”,18 mart 2014) məktubları “səmimiyyətə və əməl birliyinə, anlaşmaya, uyuma verilən böyük dəyər” adlandırır və təəssüflə, yanğı ilə  bildirir ki, bu birgəliyə şahidlik edən sənədlərin –məktubların əksəriyyəti isə, təəssüf ki, ədəbiyyat və mədəniyyət tariximiz üçün həmişəlik itirilmişdir.

 

Xoşbəxtlikdən  həmin məktubların biri yazıldığı tarixdən az qala bir əsr sonra da olsa,tapılmışdır. 2015- ci ilin aprel ayının söhbətidir. Azərbaycanın və Türkiyənin ictimai-siyasi, ədəbi-mədəni həyatında parlaq iz qoymuş Əhməd bəy Ağaoğlunun nəvəsi, tanınmış tərcüməçi, istedadlı  rəssam və heykəltəraş Təktaş Ağaoğlunun İstanbuldakı mənzilində babasının həyat və fəaliyyəti ilə bağlı sənədləri -qəzet, jurnalları, əlyazmaları, dəftər və kitabları saf-çürük edərkən çox qiymətli sənədlərlə, ocümlədən məktublarla  rastlaşmışdıq.  Əhməd Ağaoğlunun Malta sürgünündən ailəsinə ünvanladığı 20-dən çox məktub böyük təəssürat oyatmışdı. Yeri gəlmişkən qeyd edək ki, bizim Əhməd Ağaoğlunun arxiv sənədlərini Bakıya gətirmək məqsədi ilə  İstanbula səfəriimiz prof.dr. Əli Yavuz Akpinarın və Azərbaycan mədəniyyətinin yaxın dostu, tədqiqatçı Ömər Özcanın  məsləhəti, tövsiyəsi ilə, Xalq yazıçısı, Baş nazirin müavini Elçin Əfəndiyevin  bilavastə səyi sayəsində  gerçəkləşmiçdi. Təktaş Ağaoğlunun təmənnasız olaraq verdiyi sənədləri biz Türkiyədən gətirərək  Mlli Arxiv İdarəsinə təhvil verdik.

 

Təktaş Ağaoğlu bir müddət sonra daha bir neçə sənədi, o cümlədən haqqında bəhs edəcəyimiz məktubu da verməyi qərara almışdır. Həmin məktubu Əli bəy Hüseynzadə  1926- cı ilin aprel ayında   İstanbuldan ovaxtlar Ankarada yaşayan əməl,  əqidə və ailə  dostu Əhməd bəy Ağaooğluna yazmışdır.  Vaxtında hər sətrindən sevgi və səmmimiyyət yağan şəxsiməktub bu gün  ictimai, tarixi əhəmiyyət kəsb edir. Tariximizin iki böyük şəxsiyyətinin münasibətlərinə şahidlik edən həmin məktub  Bakı sakinlərinin həyat və düşüncə tərzi, şəhərin ictimai-mədəni həyatı haqqında da müəyyən təəssürat yaratmaqla yanaşı maraqlı, sirri açılmamış çoxsaylı suallar da doğurur:

 

-Məktubda Əli bəyin tez-tez adını çəkdiyi Əhməd bəy Ağaoğlunun qardaşı Hüseyn bəyin sonrakı həyatı necə olmuşdur? Bəlkə sahibkarkarlığına görə həbs olunmuş, sürgün edilmiş, bəlkə..

 

-Əli bəy Hüseynzadənin böyük məhəbbətlə “Çocuq şeir oxuyor, şərqi söylüyor, piano çalıyor, dans ediyor, tiyatro səhnəsində rol oynaya biliyor. Hətta bəzən Bakü xalqına konser veriyor! Bənim üçün pianoda kəmali-sühulət və məharətlə Cavanlar İttifaqını, Pedaqoqu çaldı. Hətta yenə piyanoda bir də bir Segâh dinlətdi. Sonra da Mustafa Kamal Marşını çalaraq eyni anda güftəsini [sözlərini] tərənnüm etdi! Bu qız oxuyub yazıyor da. Bənim xatirə dəftərimə Gültəkin üçün bir şeylər yazdı”-  deyə vəsf etdiyi, Ə. Ağaoğlunun  Gültəkinlə yaşıd ola biləcəyini güman etdiyimiz  Hüseyn bəyin qızı Saranın sonrakı taleyi necə olmuşdur? Heç ola bilməz ki, bu nadir talantlı qız izsiz-tozsuz yoxa çıxsın!

 

-Məktubda adı çəkilən və Kiyevdə təhsil alan Baxış sonradan Bakıya qayıtmışdırmı? Doktor Bəhram bəy, öz əli ilə Qarabağ yeməkləri bişirən Yaqub bəy, onun qardaşı kimlərdir?

Oxucular və elmi ictimaiyət üçün maraqlı olacağı düşüncəsi ilə sirlərlə dolu məktubu olduğu kimi təqdim edirik. Bəzi sözlərin mötərizələrdə verilmiş izahları müəlliflərindir. 

 

Pərşəmbə (cümə axşamı), 1 nisan [aprel] 1926, İstanbul

Əzizim Əhməd Bey!

 

Baküdə bir ay qədər qaldıqdan, gunagun [müxtəlif] müşahidat və intibaat  [müşahidələr və təəssüratlar] ilə dolu canlı bir həyat keçirdikdən sonra martın 27-inci cümə ertəsi günü Odessa təriqiylə [yolu ilə] İstanbula avdət etdim [qayıtdım]. Yazıq ki, səni burada bulamadım. Bir- iki gün bənim avdətimdən əvvəl sən Ankaraya dönmüş oldun. Yoxsa, sənə söyləyəcək pek çox həvadisim var idi. Fəqət məalməmnuniyyə [məmnuniyyətlə] qəribən [yaxında] təkrar İstanbula gələcəyini xəbər aldım. O zaman ariz və amiq [ətraflı olaraq] qonuşuruz… Baküdə bir kaç dəfələr biradərin Hüseyn bəylə bürosunda görüşməyə, bir dəfə də xanəsində çoluq çocuğuyla bərabər paxlavalı, şəkərburalı çay masası ətrafında həsbihala müvəffəq oldum. Aman, Allah bağışlasın, bilsən, nə qədər sevimli çocuqlar! Xeyir, çocuq deyil, cümlesi, kiçik Saradan başqa, yetişmiş, adam olmuş övlad! Yalnız Baxış bəy aralarında yoxdu. Çünki tibb təhsilini ikmal üçün təkrar Kiev darülfünununa avdət etmiş. Hüseyn bəyin xanəsində keçirdiyim axşam, adəta gözəl bir müsamerei-ədəbiyyə və musiqiyyə [ədəbiyyat və musiqi gecəsi] idi. Bu müsamərənin birinci qəhrəmanı da Hüseyn bəyin 7-8 yaşındakı kiçik qızı Sara idi. Əhməd bəy, məktubumun bu qismini Gültəkin xanım iyi dinləsin. Hüseyn bəy amcasının bu qızı mükəmməl bir artistdir. (это чудо-ребенок / jest un enfant merveille) Çocuq şeir oxuyor, şərqi söylüyor, piano çalıyor, dans ediyor, tiyatro səhnəsində rol oynaya biliyor. Hətta bəzən Bakü xalqına konser veriyor! Bənim üçün pianoda kəmali-sühulət və məharətlə Cavanlar İttifaqını, Pedaqoqu çaldı. Hətta yenə piyanoda bir də bir Segâh dinlətdi. Sonra da Mustafa Kamal Marşını çalaraq eyni anda güftəsini [sözlerini] tərənnüm etdi! Bu qız oxuyub yazıyor da. Bənim xatirə dəftərimə Gültəkin üçün bir şeylər yazdı. Bunu qoparıb ayrıca yazdığı məktubla bərabər ləffən [mektupla] sənə göndəriyorum. Hüseyn bəyin kəndisi və digər çocuqları da birər məktub yazdılar. Hepsi bu zərfin içindədir. Qəmər xanım Tezərə, Sürəyya xanım da tamamilə ismi gibi Sürəyya xanıma bənziyor.

Baküdə otellərin əksərisi “sosyalizma”dır, yəni Sovet idarəsindədir. Fəqət Hüseyn bəyin əskidən bəri tutduğu xanı kəndisinə buraxmışlar. Hüseyn bəy də bunu təmir edib işlətiyor. Təmirat, kəndisinə bir xeyli məsrəfə mal olmuş [başa gəlmiş]. Bundan sonra bir kərə də təmin edəcəyini məmul ediyor [fikirləşir]. Ancaq şimdiki halda parasızlıqdan sıxılıyor. Ümidi sənədir. İki bin lirəlik bir sərmayəyə ehtiyacı vardır. Bəndən vəsatət [vasitəçilik] edib söyləmək, səndən də müqtədir olduğun təqdirdə bunun bir çarəsinə baxmaq!

 

Hüseyn bəy ailəsi əfradıyla [fərdləriylə] bərabər bir də fotograf çıxarıb sənə göndərəcəkdi, fəqət fotoğrafcı yetiştirəmədi. Bəlkə sonradan gəlir. Baki ərzi-ehtiram və səlam! Sitarə xanımın əllərindən öpərim. Yaqub bəyin annəsi olan ablasından kəndisinə və cümlənizə salam var. Səhhət və afiyətdədir. Bir gün Yaqub bəy vasitəsiylə bəni öylə yeməyine dəvət etmişdi. Kəndi əliylə pek nəfis Qarabağ yeməkləri pişirmişdi. Yaqub bəyin və biradərinin də halı iyidir. Hərkəs kəndisindən məmnundur. Doktor Bəhram bəy də salam ediyor. O da bir gün bizə bir ziyafət verdi. Hüseyn bəy də bulundu. Bu ziyafətde bir çox “Bolşevik-Kommunist” Azarbaycanlılarla bərabər sənin də şərəfinə badənuş olduq. “Tamada” sənin mədhü sitayişində bulunduqdan sonra “alaverdi Hüseyn bəyə”- deyərək idarəyi-akdah etdi [şərəfinə qədəh qaldırdı]. 

 

Ədhiyə ilə Afəs, cümlənizə ərzi-hörmət və salam edirlər və Gültəkinin, Səmədin, Tezərin, Sürəyyanın gözlərindən öpürlər. Əbdürrəhmana məktub yazarkən bizlərdən də salam yazmağı unutmamalarını rica edərlər, əfəndim.

Muhibbin Hüseyinzadə Əli

Baküdən bir kartpostal [açıqça] göndərdimdi, bilməm aldınızmı?

Feyzavər, Məhməd və Səidə cümlənizin əllərindən və gözlərindən öpərək ərzi-salam və ehtiram edirlər.   

 

Abid Tahirli

Mehdi Gəncəli

 

 

 

 


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Tramp: “Qarşıdan gələn aylar Dağlıq Qarabağ münaqişəsinin həlli üçün imkanlar açacaq”
24.05.2018, 14:10

Tramp: “Qarşıdan gələn aylar Dağlıq Qarabağ münaqişəsinin həlli üçün imkanlar açacaq”

“Ümumi təhsil haqqında” qanun layihəsinin hazırlanması üçün işçi qrupu yaradıldı
24.05.2018, 14:00

“Ümumi təhsil haqqında” qanun layihəsinin hazırlanması üçün işçi qrupu yaradıldı

“10-11-ci siniflərə çatanda olimpiadalara üz tutmurlar” – Nazirdən İRAD
24.05.2018, 13:58

“10-11-ci siniflərə çatanda olimpiadalara üz tutmurlar” – Nazirdən İRAD

Nazir telefon zənginə görə istefa verdi
24.05.2018, 13:57

Nazir telefon zənginə görə istefa verdi

Qida Təhlükəsizliyi Agentliyi dönərxanalarla bağlı səliqə-sahmana SÖZ VERDİ
24.05.2018, 13:51

Qida Təhlükəsizliyi Agentliyi dönərxanalarla bağlı səliqə-sahmana SÖZ VERDİ

Şagird summativlərində dəyişikliklər OLACAQ
24.05.2018, 13:49

Şagird summativlərində dəyişikliklər OLACAQ

Təhsil naziri deputatın etirazına CAVAB VERDİ
24.05.2018, 13:37

Təhsil naziri deputatın etirazına CAVAB VERDİ

Xalq Cümhuriyyətinin Parlamentində asılan bayraq Bakıya gətirildi - FOTO
24.05.2018, 13:33

Xalq Cümhuriyyətinin Parlamentində asılan bayraq Bakıya gətirildi - FOTO

Deputat dərslik PROBLEMİNİ qaldırdı: “Buna artıq əncam çəkilsin!”
24.05.2018, 13:30

Deputat dərslik PROBLEMİNİ qaldırdı: “Buna artıq əncam çəkilsin!”

Babək prospektində təmir nə vaxt yekunlaşacaq? - Rəsmi CAVAB
24.05.2018, 13:24

Babək prospektində təmir nə vaxt yekunlaşacaq? - Rəsmi CAVAB

Orta məktəblərdə sıxlıq var – Təhsil nazirindən AÇIQLAMA
24.05.2018, 13:22

Orta məktəblərdə sıxlıq var – Təhsil nazirindən AÇIQLAMA

Prezident və birinci xanım köçkün şəhərciyinin açılışında
24.05.2018, 13:13

Prezident və birinci xanım köçkün şəhərciyinin açılışında

Sabahın hava PROQNOZU açıqlandı   
24.05.2018, 13:08

Sabahın hava PROQNOZU açıqlandı  

“İndi təkcə varlı ailələrin “debil” uşaqları...” - Deputatdan universitetlərə qəbulla bağlı ETİRAZ   
24.05.2018, 13:05

“İndi təkcə varlı ailələrin “debil” uşaqları...” - Deputatdan universitetlərə qəbulla bağlı ETİRAZ  

Rusiya xarici borcunu artıracaq
24.05.2018, 13:04

Rusiya xarici borcunu artıracaq

Avropa Birliyi ABŞ-ın yeni rəhbərliyini “əsl problem” sayır
24.05.2018, 12:42

Avropa Birliyi ABŞ-ın yeni rəhbərliyini “əsl problem” sayır

“Məktəblərdə olan problemlərin kökü kadrlardadır”   
24.05.2018, 12:38

“Məktəblərdə olan problemlərin kökü kadrlardadır”  

Lənkəranda müəllimi qorxudan direktoru Təhsil Nazirliyinə çağırdılar   
24.05.2018, 12:34

Lənkəranda müəllimi qorxudan direktoru Təhsil Nazirliyinə çağırdılar  

Heydər Əliyev Fondu Parisdə Azərbaycan Xalq Cümhuriyyətinin 100 illiyini təşkil edib - FOTO
24.05.2018, 12:26

Heydər Əliyev Fondu Parisdə Azərbaycan Xalq Cümhuriyyətinin 100 illiyini təşkil edib - FOTO

Ukrayna Rusiyaya qarşı yeni sanksiya tətbiq edib
24.05.2018, 12:23

Ukrayna Rusiyaya qarşı yeni sanksiya tətbiq edib

Eldar Namazovla Cəmil Həsənli Rüstəm İbrahimbəyova ETİRAZ edəcəklərmi? - AÇIQLAMA
24.05.2018, 12:12

Eldar Namazovla Cəmil Həsənli Rüstəm İbrahimbəyova ETİRAZ edəcəklərmi? - AÇIQLAMA

Neftlə bağlı yeni PROQNOZ: “50 dollara düşə bilər”
24.05.2018, 12:11

Neftlə bağlı yeni PROQNOZ: “50 dollara düşə bilər”

Bakıda avtobuslarda cibgirlik edən şəxslər yaxalandı
24.05.2018, 12:07

Bakıda avtobuslarda cibgirlik edən şəxslər yaxalandı

Komitə sədri: “Bu məsələyə təhsil naziri də münasibət bildirsə, yaxşı olar”
24.05.2018, 12:00

Komitə sədri: “Bu məsələyə təhsil naziri də münasibət bildirsə, yaxşı olar”

Müəllimlərin sertifikasiyası olacaq
24.05.2018, 11:51

Müəllimlərin sertifikasiyası olacaq

“Exo” qəzeti bağlanmamaq üçün pul tapa bilmədi…
24.05.2018, 11:43

“Exo” qəzeti bağlanmamaq üçün pul tapa bilmədi…

Paşinyan “Qarabağ klanı”na növbəti zərbə vurdu - Baş Qərargah rəisi işdən qovuldu
24.05.2018, 11:35

Paşinyan “Qarabağ klanı”na növbəti zərbə vurdu - Baş Qərargah rəisi işdən qovuldu

Dövlət sirri təşkil edən məlumatların məxfilik müddəti uzadılır   
24.05.2018, 11:34

Dövlət sirri təşkil edən məlumatların məxfilik müddəti uzadılır  

Azərbaycan dili fərdlər arasında birlik yaradır - II YAZI
24.05.2018, 11:29

Azərbaycan dili fərdlər arasında birlik yaradır - II YAZI

Fuad Muradov Türkiyədə diaspor rəhbərlərilə görüşdü - FOTOLAR
24.05.2018, 11:25

Fuad Muradov Türkiyədə diaspor rəhbərlərilə görüşdü - FOTOLAR

Ermənilər Qarabağda hərbi təlim keçirlər
24.05.2018, 11:21

Ermənilər Qarabağda hərbi təlim keçirlər

“İstiqlal düşüncələri. Cümhuriyyətə aparan yollar” kitabı təqdim edildi
24.05.2018, 11:20

“İstiqlal düşüncələri. Cümhuriyyətə aparan yollar” kitabı təqdim edildi

“Həyatımın ən böyük arzusuna çatdım - BANM-ın tələbəsi oldum!” - MÜSAHİBƏ   
24.05.2018, 11:17

“Həyatımın ən böyük arzusuna çatdım - BANM-ın tələbəsi oldum!” - MÜSAHİBƏ  

Lənkəranın təhsil müdiri direktorun polisə verdiyi müəllimi DƏSTƏKLƏDİ   
24.05.2018, 11:10

Lənkəranın təhsil müdiri direktorun polisə verdiyi müəllimi DƏSTƏKLƏDİ  

İlahiyyat İnstitutuna bina ayrılıb
24.05.2018, 11:02

İlahiyyat İnstitutuna bina ayrılıb

ARXİV
SORĞU
Türkiyədə səsvermə hüqüqunuz olsaydı, hansı namizədə səs verərdiniz?
Muharrem İnce (22.2%)
Meral Akşener (11.8%)
Rəcəb Tayyip Ərdoğan (59.0%)
Selahattin Demirtaş (2.08%)
Temel Karamollaoğlu (0.69%)
Doğu Perinçek (4.16%)