Modern.az

Erməni əsirliyində olmuş keçmiş hərbçi 24 ildən sonra öz xilaskarı ilə görüşdü - VİDEO  

“Erməni əsirliyində olmuş keçmiş hərbçi 24 ildən sonra öz xilaskarı ilə görüşdü - VİDEO   

26 Fevral 2017, 00:35

Xocalı qətliamıın 25-ci ildönümü ərəfəsində Bakıdakı 281 nömrəli tam orta məktəbdə faciə qurbanlarına həsr olunmuş anım mərasimi keçirilib. 

Modern.az-ın məlumatına görə, anım mərasimində I qrup Qarabağ əlili 9 ay 14 gün erməni əsirliyində qalmış, ermənilər tərəfindən sinəsinə qızdırılmış dəmirlə xaç şəkli çəkilmiş Mail Məmmədov da iştirak edib. M.Məmmədovun tədbirdə iştirakı təsadüfi olmayıb. Belə ki, o, düz 24 il öncə hazırda bu məktəbin Azərbaycan dili və ədəbiyyat müəllimi vəzifəsində işləyən Vaqif Əliyev tərəfindən əsirlikdən azad edilib


Vaqif Əliyev vaxtilə Əsir və Girovların Dəyişdirilməsi üzrə Respublika Komitəsinin Cəbrayıl şöbəsinin sədri vəzifəsində işləyərkən onun rəhbərliyi altında 1992-93-cü illərdə 50-dən çox Azərbaycan vətəndaşı erməni əsir və girovluğundan azad olunub.

V.Əliyevin xilas etdiyi keçmiş əsirlərdən biri də Xocalıda düşmənin əlinə keçən və ermənilərin başını kəsməyə hazırlaşdığı Qarabağ döyüşçüsü Mail Məmmədov olub. Əslən Göyçay rayonundan olan Mail Məmmədov 24 ildən sonra öz xilaskarı ilə görüşüb.


Modern.az

Facebook
Dəqiq xəbəri bizdən alın!
Keçid et
Paşinyan Qazaxa gəldi - Ermənilər üzərinə hücum çəkdi