Fillipində fəaliyyət göstərən “Əbu Səyaf” qruplaşması 70 yaşlı girov Yurgen K.- nı edam ediblər. Modern.az xarici KİV-ə istinadən xəbər verir ki, edam videosu bu gün yayımlanıb.
Məlumata görə, terrorçular ötən il noyabrın 6-da Fillipin sahillərinə yan alan yaxtaya hücum edərək Yurgen K-nı girov götürmüş, onun 59 yaşlı həyat yoldaşı Sabina K-nı isə qətlə yetirmişdilər. Alman girovun azad olunması üçün “Əbu Səyaf” qruplaşması 570 min avro pul tələb edirdilər.
“Əbu Səyaf” qruplaşması Filipinin cənubunda islam dövləti qurmaq üçün silahlı mübarizə aparır.
Vüqar İSMAYILOV
