Türkiyə Baş naziri Binəli Yıldırım Suriya qırıcısının pilotu ilə bağlı verilən qərarı şərh edib. Modern.az Türkiyə mediasına istinadən xəbər verir ki, 2 gün əvvəl Hatay sərhədində Əhrar əş-Şam qruplaşması tərəfindən vurulan təyyarənin pilotunu ailəsinin ziyarətinə icazə veriləcək.
Baş nazir bildirib ki, pilotun müalicəsi davam edir: "Onun ölkəsinə təhvil verilməsi məsələsi hələ ki, gündəmdə deyil. Mənəvi məsələdir. Pilot ailəsinin ziyarətinə icazə verəcəyik. İnsani münasibət bizim dəyərlərimizdə var".
Qeyd edək ki, 2 gün əvvəl terrorçular tərəfindən vurulan Suriya qırıcısının 56 yaşlı pilotu Məmməd Sufhanın fəqərə sümüyündə sınıq olduğu, ayaqları və üzündə yaraların olduğu bildirilir.
Modern.az
