Milli Məclisin sədri Oqtay Əsədov parlamentdə Azərbaycanda səfərdə olan Yunanıstan prezidenti Karolas Papuliası qəbul edib. Bu barədə parlamentin mətbuat xidmtinin rəhbəri Akif Təvəkküloğlu Modern.az-a bildirib.
Görüş zamanı iki ölkə arasında münasibətlərdən söhbət açılıb. Azərbaycan və Yunanıstan parlamentləri arasında əlaqələri gücləndirmək və daha sıx əlaqələrin yaradılmasının vacibliyi vurğulanıb.
Milli Məclisin sədri Oqtay Əsədov görüş zamanı Dağlıq Qarabağ məsələsinə toxunub. Ermənistanın işğalçılıq siyasəti barədə danışan spiker Azərbaycanın ərazü bütövlüyünün beynəlxalq hüquq və qaydalar çərçivəsində dəstəklənməsinin vacib olduğunu bildirib.