Tələbə qəbulu ilə bağlı ödənişli xidmətlərin tariflərinə Əlavə Dəyər Vergisi (ƏDV) tətbiq edilməyəcək”. Bunu APA-ya açıqlamasında Dövlət İmtahan Mərkəzinin (DİM) Mətbuatla iş və elektron kommunikasiya sektorunun müdiri Xanlar Xanlarzadə deyib.
O qeyd edib ki, ödənişli imtahanlarda iştirak edəcək şəxslər yalnız Tarif (qiymət) Şurasının təsdiq etdiyi tarifi ödəyəcəklər: “Tarif (qiymət) Şurasının təsdiq etdiyi qiymətlər ƏDV-sizdir. Tarif (qiymət) Şurasının təsdiq etdiyi rəqəmlər yekun rəqəmlərdir. İmtahanlarda iştirak edəcək şəxslər əlavə pul ödəməyəcəklər”.
Qeyd edək ki, Tarif (qiymət) Şurası imtahanlarda iştirakın qiymətini təsdiqləyib. Orta ixtisas təhsili müəssisələrinə tələbə qəbulu ilə bağlı test imtahanında 1 iştirak üçün tarif 20, orta ixtisas təhsili müəssisələrinin xüsusi qabiliyyət tələb edən ixtisaslarına tələbə qəbulu ilə bağlı qabiliyyət imtahanında 1 iştirak üçün tarif 20, ali təhsil müəssisələrinin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı test imtahanında 1 iştirak üçün tarif 40 manat müəyyən edilib.
Ali təhsil müəssisələrinin və Azərbaycan Milli Elmlər Akademiyasının magistratura səviyyəsinə tələbə qəbulu ilə bağlı imtahanda (I mərhələ) 1 iştirak üçün tarif 50, ali təhsil müəssisələrinin və Azərbaycan Milli Elmlər Akademiyasının magistratura səviyyəsinə tələbə qəbulu ilə bağlı imtahanda (II mərhələ) 1 iştirak üçün tarif 60, baza ali tibb təhsili əsasında rezidenturaya qəbulla bağlı test imtahanında (I mərhələ) 1 iştirak üçün tarif 60, baza ali tibb təhsili əsasında rezidenturaya qəbulla bağlı test imtahanında (II mərhələ) 1 iştirak üçün tarif 100, ali təhsil müəssisələrinin xüsusi qabiliyyət tələb edən ixtisaslarına tələbə qəbulu ilə bağlı qabiliyyət imtahanında 1 iştirak üçün tarif 30 və rus bölməsi abituriyentləri üçün Azərbaycan dili üzrə test imtahanında 1 iştirak üçün tarif 10 manat məbləğində müəyyənləşdirilib.
Modern.az
