21 oktyabr 2017, Şənbə
Ana Səhifə - MÜSAHİBƏ - Deputat: “Müxalifət “lülə qurutmaqla” məşğuldur” - MÜSAHİBƏ
Deputat: “Müxalifət “lülə qurutmaqla” məşğuldur” - MÜSAHİBƏ
10.03.2017, 11:25

Elşən Musayev: "Hələ də kirayə yaşayıram, maşınım da ən ucuz maşındır"

 

Milli Məclisin deputatı Elşən Musayev Modern.az saytının suallarını cavablandırıb. Onunla müsahibəni təqdim edirik:

 

-Elşən müəllim, parlamentə deputat seçiləcəyinizi gözləyirdiniz? Təxminən nə zamandan deputat seçilmək qərarına gəldiniz?

-Ümumiyyətlə düşünürəm ki, bir tək siyasətçi deyil, istənilən fəaliyyət növünün təmsilçisi özünü hər zaman müsbət məqamlara, çalarlara, hadisələrə kökləməlidir. Və məşğul olduğu işin uğuruna, xoş gözləntilərinə inanmalıdır. Mən də o cür olmuşam, daim gələcəyə inanmışam, üzərimdə işləmişəm, düzgün bildiyim, sevdiyim yolda yürümüşəm. Nəhayət üçüncü cəhddə millət vəkili seçilmişəm.

-Belə deyirlər ki, guya planlı şəkildə olub.

-İnanın, bu hansısa planlama ilə baş verməyib. Ya da belə deyək: qərarım və ya ən böyük arzum heç də “illah ki, Parlament üzvü olmalıyam”- radiusunda dövr etməyib. Mənim ən böyük məqsədim yaxşı siyasətçi kimi yetişmək olub, səhv etməmək olub, getdiyim yola sadiqlik olub. Şükürlər olsun, indiyə qədər də məqsədlərimdən sapmamışam. Bilirsiniz, insan ən azından özü öz qəlbində nəyi nə üçün, hansı niyyətlə arzuladığını bilir. Bu minvalla hətta parlament arzum nə vaxtsa beynimdə digər arzulardan daha ağır gəlibsə belə xoş niyyətdən, insanlara daha çox yaxın olma istəyindən gəlib. Mənim üçün status qulluq anlamı daşıyır. Kiçiyi də, böyüyü də. Seçicilərlə işləmək, onların ən xırda işinin, probleminin həllinə vəsilə olmaq həqiqətən çox gözəldir. Bu baxımdan işimi çox sevirəm və fəxr edirəm ki, Azərbaycan parlamentinin üzvüyəm.  

-Seçicilər dediniz. Seçiciləriniz ən çox nədən şikayət edirlər?

-Seçicilərimlə həm Zaqatalada, həm də Bakıda görüşürəm. Elə növbəti görüşdən yenicə qayıtmışam. Ən az ayda 2 dəfə bir neçə günlük rayona səfər edirəm. Mən olmadığım vaxtlarda da köməkçim səhər 9-dan axşam 6-ya qədər iş otağında olur və nə problem olsa, anındaca mənə məlumat verir, məni seçicilərimlə əlaqələndirir.
Şikayətə gəlincə isə...Əslində şikayət deməzdim, amma müəyyən problemlər var. Sırf bölgələr üçün spesifik problemlərdən gedir söhbət. Onları da mənə xahiş və müraciət formasında  çatdırırlar. Dərhal. Bəzən baxırsan, sadəcə harasa sorğu göndərmək, kimisə zəng edib məlumatlandırmaq, əlqərəz  vasitəçi funksiyası həyata keçirmək lazımdır. Onu da böyük məmnuniyyətlə edirəm. Düzdür, ara-sıra işimə, statusuma aidiyyəti olmayan digər xahişlər də olur.  Amma bacardıqca, həmin insanların da ümidini qırmamağa çalışıram. Yəni, mümkündürsə həll edirəm. Ən azından buna çalışıram.

-Zaman-zaman müxalifətlə yanaşı, məmurların da ünvanına tənqidi fikirlər səsləndirmisiniz. Amma parlament kimi mötəbər tribunadan məmurlar əleyhinə danışdığınızı görməmişik. Səbəbi nədir?

-Parlament işi siyasətçi kimi fəaliyyətimin bir qoludur. Və hesab etmirəm ki, parlamentdə nəyisə deməməyimə, yalnız parlament fəaliyyətimə görə gördüyüm işi kompakt miqyasda səciyyələndirmək olar.

Dediyiniz məsələləri, mövzuları mediada qabardıram. Üstəlik, yetərincə. Elə əsas da söhbət məmurlarla bağlı fikirlərimdən gedir. Amma deyim ki, mən millət vəkili olana qədər məmurların fəaliyyətindən daha çox sosial problemləri qabartmışam. Ən çox oxunan, tirajlanan yazılarım da məhz sosial sahəyə aid yazılarım olub.  Hərgah, ara-sıra məmurlarla da bağlı çox sərt açıqlamalar verdiyim xatirimdədir. İndi də nəsə neqativ, cəmiyyət üçün, dövlət üçün zərərli  addımlar görəndə bunu çəkinmədən deyirəm və yazıram.

-Partiyanız (Azərbaycan Demokratik Maarifçilik Partiyası) dövlətdən nə qədər maliyyə yardımı alır və bu pullar nəyə xərclənir?

-Partiyaların maliyyələşməsi qanunla tənzimlənir. Məbləğ də hamıya məlumdur. Həmin maliyyə isə əsasən işçilərin əmək haqqlarına, ezamiyyətlərə və digər cari məsələlərə xərclənir. İldə də bir dəfə hesabat veririk.

-Deputat seçiləndən sonra müxalifəti daha az tənqid etdiyiniz qənaətindəyəm. Niyə belə oldu?

-Müxalifətə istiqamətlənən tənqidlərimin, iradlarımın səngiməsi obyektiv səbəblərlə bağlıdır.  Təbii, söhbət radikal müxalifətdən gedir. Daha dəqiqi: əvvəl onlar vardılar, səsləri-küyləri gəlirdi, imitasiya xətrinə də olsa görünürdülər. İndi isə yoxdurlar, heç vızıltıları da eşidilmir.  Belə olan halda monoloqmu deyim? Öz-özüməmi danışım? Ayrıca, mənim üzərinə getdiyim müxalifət dağıdıcı müxalifət olub. Ələlxüsus da iki əsas sima: İsa Qəmbər və Əli Kərimli. Onlardan birincisi siyasi həyatdan ümumən qeyb olub, silinib. Hazırda haralardadır, indi kimin başını yeyir, xəbərim yoxdur. Digəri isə sosial şəbəkələrdə “lülə qurutmaq”la məşğuldur. Mən isə belələrinə zaman ayıracaq qədər bekar deyiləm. Düzdür, səhv eləmirəmsə Prezident seçkiləri ərəfəsi idi - bir-iki dəfə Əli Kərimlini media vasitəsilə öz meydanlarında, öz cəbhələrində debata çağırdım. Onu “Azadlıq”radiosuna dəvət elədim. Dedim, təpərin varsa dur gəl. Gəlmədi. Amma daha sonra biləndə, məlumatım olanda ki, adam qız – qadın ismləri  ilə Facebook-da profil yaradıb statuslar yazır, anındaca bu inadın başını buraxdım. Hər halda “Səbişka”, “Ləmanka” adı altında gizlənən siyasətçidən, daha doğrusu özünü siyasətçi sayan möhtəkirdən nə qədər uzaq olsam bir o qədər yaxşıdır. 

-Zaqataladan deputat seçilmisiniz. Zaqatala bölgəsi bilirsiniz ki, radikal qruplaşmaların məskən saldıqları məkanlardan biridir. Deputat kimi problemin aradan qaldırılması üçün nələr təklif edirsiniz?

-Zaqatalanın bu gün belə bir problemi yoxdur. Radikal təriqətlərin, qruplaşmaların fəal olduğu dövr artıq geridə qalıb. Ən azından deputat olduğum müddət etibarilə dediyiniz mövzuda xüsusi məlumata rast gəlməmişəm. Ona görə də xüsusi təklif verməyə ehtiyac görmürəm.

-Müsahibələrinizin birində demişdiniz ki, kirayədə qalırsınız. Deputat maaşı alsanız da, yəqin ki, bu sizə bəs etməz, çünki kirayəpulu verirsiniz. Bununla bağlı zəhmət olmasa danışardınız...

-Mən bu gün də kirayə yaşayıram. Yasamalda, Şərifzadə küçəsində. Və bu mənim üçün xüsusi diskomfort yaratmır. Kompleksə də girmirəm. Yetər ki, əzizlərim, sevdiklərim sağlam olsun, yanımda olsun, qazandığım pul, Allahın verdiyi ruzi, dövlətin verdiyi əmək haqqı hansısa xəstəliklərin müalicəsinə-filana getməsin. Ayıq-sayıq beyinlə, sağlam ruhla dövlətimə, doğma Azərbaycanıma faydalığım artsın, bəsimdir. Mən pul, var-dövlət sevdalısı deyiləm. Maaşımdan da tam qaneyəm. Hər şeyimə çatır. Şükürlər olsun.

-Avtomobiliniz bahalıdır?

-Avtomobilim bahalı deyil. Çox ucuzdur. Hətta lap ucuz. Amma bundan on yox, yüz dəfə də artıq pulum olsa, yenə maşın üçün izafi xərc çəkmərəm. Ayağımı yerdən götürsün, mənim üçün kifayətdir.

-Həmkarlarınızdan biri -Araz Əlizadə deyir ki, Azərbaycan üçün erməni problemini Osmanlı yaradıb. Digər həmkarınız Arif Rəhimzadə isə deyir ki, azərbaycanlılar etnik cəhətdən türk olsalar da, bu, tam fərqlidir. Siz nə deyəcəksiniz bu haqda?

-Araz Əlizadə  və Arif Rəhimzadə  siyasətdə naşı olmayan adamlardır. Hər ikisi ilə də çox gözəl, səmimi münasibətim var. Amma paralel olaraq  da hər bir deputatın müstəqil fikir söyləməkdə sərbəst olduğunu düşünürəm. Yox əgər məqsədiniz  sırf bu mövzuda fikrimi öyrənməkdirsə... o zaman mən də eyni müstəqilliklə  fərdi düşüncəmi, yanaşmamı ifadə edim: Zənnim və qənaətimcə, erməni problemini yaradan yırtıcı, işğalçı Ermənistan dövlətidir. Eyni zamanda onun hamiləri və himayədarları. Özümü isə birmənalı şəkildə azəri türkü hesab edirəm.

-Səmimi cavab verin, ürəyinizdən vəzifə sahibi olmaq keçir?

-Millət vəkili olmağın özü yetərincə böyük status, ciddi öhdəlikdir. İlk öncə bu adı doğruldum, gerisi qismətdir. Taleyimdə, alın yazımda nə varsa, onu da yaşayacam. Mənim ən böyük amalım, arzum getdiyim yolda insanların mənə etibar etməsidir. Daşıya biləcəyim ən böyük, ən şərəfli vəzifə də - ləyaqətli, dürüst, birsifətli olmaqdır. Başqa iddiam yoxdur.

-Həmişə bu sualları çoxuna verirəm. Dinə münasibətiniz necədir? Əhatəli zəhmət olmasa.

-İnanclı insanlara böyük hörmətim var. Amma o şərtlə də inanc sözü dırnaq içində yazılmasın. Yəni, söhbət dinin mahiyyətini dərk edənlərdən, dini anlayaraq inanclı olanlardan gedir. Özüm namaz qılmıram. Sonuncu dəfə tələbə ikən 2 il ardıcıl olaraq oruc tutmuşam. Və bu gün dinin buyurduğu vacib  rituallardan yalnız ikisinə riayət edirəm:  Qurban kəsmək və Ramazan ayında evdən fitrə çıxarmaq. Ayrıca, radİkal dindarlığın, ifrata varmağın qəti eleyhdarlarındanam. Və hesab edirəm ki dərin məntiqi, mütaliəsi, geniş dünyagörüşü olan heç bir kəs dinin radikal və ifrat dərəcəsinə, həddinə qədər irəliləməz.    

-Kimlərsə Milli Məclisin fəaliyyətini tənqid edir, ittihamlar səsləndirir. Bu sizdə bir deputat kimi qıcıq yaratmır?

-Milli Məclis haqda neqativ fikirlər, ittihamlar səslənəndə fərd olaraq özümdən çox ümumi ad üçün pis olaram, narahatlıq keçirirəm. Çünki Azərbaycan parlamentində çox dəyərli millət vəkilləri var, o parlamentin  son dərəcə işlək və koordinasiya olunmuş Aparatı və həmin Aparatın çox zəkalı, savadlı, təcrübəli əməkdaşları var. Bu səbəbdən kiminsə dediyi sözə cavab olaraq bütünlükdə Milli Məclisi hədəfə almaq, ittihamı cəm şəklində hamıya şamil etmək düz deyil. Parlamentdə yetərincə demokratik mühit var və həmin mühitin nəticəsidir ki, deputatlar öz fikirlərini açıq və tam müstəqil formada ifadə edə bilirlər. Hər kəs də öz dediyinə, öz hərəkətinə cavabdehdir.   

-Övladlarınız, ailəniz haqqında məlumat verərdiniz.

-Ailə haqda çox danışmağı sevmirəm. Çünki bu kontekstdə bir suala cavab verəndən sonra digər sualların estafeti başlayır və beləcə özəl həyatın təfərrüatları xırdalanır. Sadəcə deyim ki, 1 qızım var. Fidan. 11 yaşındadır. 5-ci sinifdə oxuyur. Onu çox sevirəm. Qızıma inanılmaz dərəcədə çox, hətta aşırı, patoloji bağlıyam.

 

-Hansı kitabları oxuyursunuz?

-Klassiklərin çoxunu universitetdə təhsil aldığım zamanlarda oxumuşam. İndi isə daha kiçik janrlı bestellerlərə üstünlük verirəm. Ən son oxuduğum kitab isə “Diri-diri yandırılmaq...” başlıqlı bestellerdir. Suad adlı müəllif tərəfindən yazılıb və söhbət Afrika ölkələrindəkı qadın hüquqsuzluğundan gedir.

-Azərbaycan ədəbiyyatının gücünü bəzən çox şişirdirlər deyə, düşünürəm. Sizcə Füzuli ilə dünya arenasına çıxmaq şansımız hələ də qalırmı?

-Azərbaycan ədəbiyyat sahəsində çox böyük nəhənglər yetişdirib. Elə dünya tarixinin “intibah dövrü”nə nəzər salsaq görərik ki, Azərbaycan kökənli nasirlərin, şairlərin vurduğu möhürlər, qoyduğu imzalar hansı miqyasdadır. Odur ki, Füzuli ilə də, bizim adımız olan digərləri ilə də dünya arenasına çıxmaq şansını hər zaman saxlayacayıq. Yetər ki, özümüzə aid olanların tanıtım və təbliğat işini düzgün istiqamət üzərindən yönləndirək.

 

Aqşin KƏRİMOV


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Parisdə Azərbaycan Evinin 25 illik yubileyi qeyd edilib - FOTOLAR
21.10.2017, 17:36

Parisdə Azərbaycan Evinin 25 illik yubileyi qeyd edilib - FOTOLAR

Prezidentin Ehtiyat Fondunda nə qədər vəsait olur... - Gələn ilin məbləği məlum oldu   
21.10.2017, 17:25

Prezidentin Ehtiyat Fondunda nə qədər vəsait olur... - Gələn ilin məbləği məlum oldu  

Cümhuriyyət parlamentinin yeganə qadını - Mollaların təhdid etdiyi başıaçıq xanım kim idi?..   
21.10.2017, 17:03

Cümhuriyyət parlamentinin yeganə qadını - Mollaların təhdid etdiyi başıaçıq xanım kim idi?..  

Nəcməddin Sadıkov Amerikaya getdi   
21.10.2017, 16:39

Nəcməddin Sadıkov Amerikaya getdi  

Çavuş əsgəri güllələyib - Orduda HƏRC-MƏRCLİK…   
21.10.2017, 16:29

Çavuş əsgəri güllələyib - Orduda HƏRC-MƏRCLİK…  

Saakaşvili Hikmət Cavadovla şam etdi - Mitinq şəhərciyində - VİDEO
21.10.2017, 16:18

Saakaşvili Hikmət Cavadovla şam etdi - Mitinq şəhərciyində - VİDEO

Müsavatda seçki keçirildi - heç kim səs toplaya bilmədi  
21.10.2017, 16:05

Müsavatda seçki keçirildi - heç kim səs toplaya bilmədi  

İntizam Komissiyası Zeynəb Xanlarovanın da məsələsinə baxa bilər - AÇIQLAMA   
21.10.2017, 15:48

İntizam Komissiyası Zeynəb Xanlarovanın da məsələsinə baxa bilər - AÇIQLAMA  

İsrail qırıcıları Suriyanı bombaladı
21.10.2017, 15:46

İsrail qırıcıları Suriyanı bombaladı

“O dövrə aid heç bir sənəddə “Azərbaycan Xalq Cümhuriyyəti” ifadəsinə rast gəlinmir” - POLEMİKA   
21.10.2017, 15:36

“O dövrə aid heç bir sənəddə “Azərbaycan Xalq Cümhuriyyəti” ifadəsinə rast gəlinmir” - POLEMİKA  

Dünyada ən çox universiteti olan ölkələr və Azərbaycan - SİYAHI   
21.10.2017, 15:16

Dünyada ən çox universiteti olan ölkələr və Azərbaycan - SİYAHI  

Azərbaycan pomidorlarının Rusiyaya buraxılmamasının SƏBƏBLƏRİ   
21.10.2017, 15:12

Azərbaycan pomidorlarının Rusiyaya buraxılmamasının SƏBƏBLƏRİ  

Dəniz Baykalın səhhəti ilə bağlı yeni AÇIQLAMA   
21.10.2017, 15:10

Dəniz Baykalın səhhəti ilə bağlı yeni AÇIQLAMA  

Vergilər Nazirliyinə işə qəbul imtahanı keçirilib
21.10.2017, 14:40

Vergilər Nazirliyinə işə qəbul imtahanı keçirilib

Məşhur türkiyəli məşqçi: “Qarabağı və “Qarabağ” klubunu çox sevirik”
21.10.2017, 14:23

Məşhur türkiyəli məşqçi: “Qarabağı və “Qarabağ” klubunu çox sevirik”

Bakı-Xarkov-Kiyev avtobus reysinin qiyməti açıqlandı
21.10.2017, 14:20

Bakı-Xarkov-Kiyev avtobus reysinin qiyməti açıqlandı

“Qarabağ” azarkeşlərini təhqir edən “Sabah”lı yazar üzr istədi - FOTO   
21.10.2017, 14:12

Qarabağ” azarkeşlərini təhqir edən “Sabah”lı yazar üzr istədi - FOTO  

Rusiyada kriminal OLAY - Ermənilər bir-birlərini güllələdilər - 2 ölü, 1 yaralı...
21.10.2017, 14:03

Rusiyada kriminal OLAY - Ermənilər bir-birlərini güllələdilər - 2 ölü, 1 yaralı...

Makedoniyalı siyasətçi: ““Sabah” Ermənistan haqda sərt yazmaqla günahını yumalıdır”
21.10.2017, 13:51

Makedoniyalı siyasətçi: ““Sabah” Ermənistan haqda sərt yazmaqla günahını yumalıdır”

Müdriklik zirvəsi - 70 yaş...   
21.10.2017, 13:46

Müdriklik zirvəsi - 70 yaş...  

Prezident mükafatları artırılır - ayda 500 manat   
21.10.2017, 13:27

Prezident mükafatları artırılır - ayda 500 manat  

Azərbaycan diplomatik korpuslara 115,1 milyon manat xərcləyəcək
21.10.2017, 13:14

Azərbaycan diplomatik korpuslara 115,1 milyon manat xərcləyəcək

Başqasının kartını tapdı - bankomatdan 940 manat oğurladı   
21.10.2017, 13:03

Başqasının kartını tapdı - bankomatdan 940 manat oğurladı  

İşlədiyi mağazadan 30 minlik mal oğurladı, tutuldu   
21.10.2017, 12:53

İşlədiyi mağazadan 30 minlik mal oğurladı, tutuldu  

Ermənistan hərbçiləri qəzaya düşdülər - iki yaralı...
21.10.2017, 12:42

Ermənistan hərbçiləri qəzaya düşdülər - iki yaralı...

Qarabağda daha iki erməni əsgər öldü   
21.10.2017, 12:40

Qarabağda daha iki erməni əsgər öldü  

Şəmkirdə qətl – Yeniyetmə adam öldürdü
21.10.2017, 12:32

Şəmkirdə qətl – Yeniyetmə adam öldürdü

Arvadını öldürən ər polisə təslim oldu
21.10.2017, 12:28

Arvadını öldürən ər polisə təslim oldu

Zakir Həsənovdan tapşırıq: Düşmən təxribatlarının qarşısı dərhal alınsın! - MÜŞAVİRƏ
21.10.2017, 12:20

Zakir Həsənovdan tapşırıq: Düşmən təxribatlarının qarşısı dərhal alınsın! - MÜŞAVİRƏ

Sabahın PROQNOZU - XƏBƏRDARLIQ
21.10.2017, 12:12

Sabahın PROQNOZU - XƏBƏRDARLIQ

Xaricdəki azərbaycanlı iş adamları niyə Azərbaycana sərmayə yatırmırlar...
21.10.2017, 12:00

Xaricdəki azərbaycanlı iş adamları niyə Azərbaycana sərmayə yatırmırlar...

“Qarabağ” qrupdan çıxa bilər - UEFA açıqladı
21.10.2017, 11:52

“Qarabağ” qrupdan çıxa bilər - UEFA açıqladı

51 keçmiş polis əməkdaşı saxlanıldı    
21.10.2017, 11:45

51 keçmiş polis əməkdaşı saxlanıldı  

Nazirlik çaylardakı suyun səviyyəsi haqda məlumat yaydı
21.10.2017, 11:43

Nazirlik çaylardakı suyun səviyyəsi haqda məlumat yaydı

“Bakıda sürülən maşının üzərindəki emblem Ermənistan bayrağdır” - Rəsmən TƏSDİQLƏNDİ
21.10.2017, 11:32

“Bakıda sürülən maşının üzərindəki emblem Ermənistan bayrağdır” - Rəsmən TƏSDİQLƏNDİ

ARXİV
SORĞU
Hansı kommunal xidmətin işindən razısınız?
“Azəriqaz”(5.66%)
“Azərişıq”(26.4%)
“Azərsu”(10.3%)
“Azəristiliktəchizat”(2.83%)
Heç biri(54.7%)