Martın 12-də respublikanın 33 rayonunda 9-cu sinif şagirdləri üçün buraxılış imtahanının birinci mərhələsi, 23 rayonunda ilk peşə ixtisas təhsili müəssisələrinin şagirdləri üçün buraxılış imtahanı keçirilib.
Dövlət İmtahan Mərkəzinin mətbuat xidmətinin rəhbəri Xanlar Xanlarzadə Modern.az-a açıqlamasında deyib ki, imtahan qaydalarına zidd hərəkətlərə yol verdiyinə görə bir şagirdin nəticəsi ləğv olunub.
“Dünən keçirilən buraxılış imtahanı zamanı nöqsan aşkarlanıb. Belə ki, bir şagird imtahan qaydalarını pozaraq imtahana mobil telefonla daxil olub. Nəzarətçilər tərəfindən şagirdin üzərində dərhal mobil telefon aşkarlanıb. Şagird dərhal imtahandan xaric edilib. İmtahan nəticələri ləğv olunub.
Digər bir hal da baş verib. Bir şagirdin yerinə başqası imtahana gəlib. Daha dəqiq desək, sənədlərin saxtalaşdırılması baş verib.
Üç belə hal var ki, həmin o hallar da araşdırılır. Bu hadisənin hər ikisi Ağcabədi rayonunda baş verib”.
Namidə BİNGÖL