Modern.az xəbər verir ki, Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, noyabrın 10-da Bakıda və Abşeron yarımadasında buludlu hava şəraitinin üstünlük təşkil edəcəyi, əsasən gecə və səhər yarımadanın bəzi yerlərdə qısamüddətli yağış yağacağı gözlənilir. Cənub-şərq küləyinin sürəti 8-13 m/s təşkil edəcək. Havanın temperaturu gecə 10-13, gündüz 13-15 dərəcə isti olacaq.
Noyabrın 11-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Cənub-şərq küləyinin sürəti 7-12 m/s olacaq, gündüz arabir 15 m/s-dək güclənəcək. Havanın temperaturu gecə 10-12, gündüz 14-16 dərəcə isti olacaq.
Noyabrın 12-də hava şəraitinin buludlu olacağı, arabir açılacağı, gün ərzində əsasən yağmursuz keçəcəyi gözlənilir. Cənub-şərq küləyinin sürəti 8-13 m/s olacaq, arabir 16 m/s-dək güclənəcək. Havanın temperaturu gecə 10-12, gündüz 14-16 dərəcə isti olacaq.
Azərbaycanın bölgələrinə gəldikdə, noyabrın 10-da əsasən şərq rayonlarında yağış yağacağı, səhər ayrı-ayrı yerlərdə duman olacağı gözlənilir. Şərq küləyinin sürəti 5-10 m/s təşkil edəcək. Havanın temperaturu gecə 10-14, gündüz 16-20, dağlarda gecə 2-5, gündüz 9-14 dərəcə isti olacaq.
Noyabrın 11-12-də hava şəraitinin əsasən yağmursuz keçəcəyi, gecə və səhər bəzi yerlədə duman və zəif çiskin olacağı gözlənilir. Şərq küləyinin sürəti 5-10 m/s təşkil edəcək. Havanın temperaturu gecə 10-14, gündüz 15-20, dağlarda gecə 3-5, gündüz 10-14 dərəcə isti olacaq.
Tibbi-meteoroloji proqnoza görə, yaxın günlər Abşeron yarımadasında meteoroloji amillərin zəif və mülayim tərəddüdləri meteohəssas insanlar üçün əsasən əlverişli olacaq.