İsveçdə yaşayan 17 yaşlı azərbaycanlı yeniyetmə İbrahim Nəsrullayev İsveçin TV4 telekanalı tərəfindən təşkil olunmuş istedadların "Talent 2017" müsabiqəsində uğurla çıxış edıb.
Modern.az xəbər verir ki, İ.Nəsrullayev öz ifası ilə ibütün tamaşaçıların alqışını qazanıb.
Qeyd edək ki, miqrant kimi bir il əvvəl ailəslə birgə Azərbaycandan İsveçə köçmüş İbrahim İsveç dilini də öyrənib və sərbəst danışır.
İ.Nəsrullayev vokal ifaçısıdır. Bundan əvvəl o, Estoniyada keçirilən VII Beynəlxalq Akademik Vokal Musabiqəsində qalib olmuş, Türkiyədə keçirilmiş VI Beynəlxalq “TV START” televiziya müsabiqə – festivalında "Gold Star" adına layiq görülmüş, Amerika Birləşmiş Ştatlarında keçirilən "World Championships" XVII Ümumdünya Musiqi Olimpiadasında 3 gümüş və 1 bürünc medal qazanmışdı.
Modern.az