26 may 2017, Cümə
Ana Səhifə - GÜNDƏM - Rusiyalı bloger Azərbaycana "papaq" atır
Rusiyalı bloger Azərbaycana "papaq" atır
21.03.2017, 09:10

Mübariz Azərbaycanlı,
müstəqil jurnalist

 

Bu "papağın" çox kiçik və dar olduğunu nəzərə alaraq, onun içinə yalnız iki-üç ədəd "daş qoz" qoymaq lazım gəlir ki, yeyəndə "bizi" yaddan çıxarmasın

 

Azərbaycanda Novruz bayramı keçirildiyi bir vaxtda, bir qrup rusiyalı blogerin Ermənistanın üzərindən atılaraq "ağırlıqların, uğurluqların" bu ölkənin üstünə salıb, qanunsuz olaraq Dağlıq Qarabağa getmələrini dolayısı ilə Azərbaycana "papaq" atmaq kimi qiymətləndirmək olar. Öz bloqlarında vızıldaşan bu "milçəklərin" çəkisi bir çürük qoz çəkisi qədər olmasa da, amma bu əziz gündə müəyyən qədər ürəkbulandırıcı görünür.

 

Hələ bir neçə gün öncə Azərbaycanın ATƏT-dəki daimi nümayəndəliyi xarici ölkə vətəndaşlarına, o cümlədən jurnalistlərə Azərbaycanın Ermənistan tərəfindən işğal altında saxladığı Dağlıq Qarabağ və digər rayonların ərazisinə rəsmi Bakının xüsusi icazəsi olmadan qanunsuz səfər etməmələri barədə xəbərdarlıq etmişdi.  Xəbərdarlığın budəfəki səbəbi isə Ermənistanın ATƏT-dəki daimi nümayəndəliyinin Aleksandr Lapşinin Belarusiyadan Azərbaycana ekstradisiya olunması məsələsini qaldırması ilə bağlı olmuşdur. Azərbaycanın ATƏT-dəki nümayəndəliyi öz xəbərdarlığında bildirmişdi ki, Ermənistan davamlı olaraq Azərbaycanın işğal olunmuş torpaqlarına xaricilərin gəlmələrini təşkil edir və bundan siyasi məqsədlər üçün istifadə edir. 

Şübhəsiz ermənilər bu təxribaçı addımları ilə düşünmürlər ki, onların hər dəfə Dağlıq Qarabağa qanunsuz olaraq dartıb gətirdikləri xarici ölkə vətəndaşları və ya jurnalistlər sonda dövlət sərhəd pozuçusu kimi qeydə alındıqlarını görəndə, bu torpağın həqiqətən də Azərbaycana məxsus olduğunu açıq-aydın anlayırlar.

 

Bu gün haylar öz medialarında hay salıblar ki, güya rusiyalı blogerlər  Azərbaycanın Dağlıq Qarabağa səfər etmiş Rusiya-İsrail vətəndaşlığı olan bloger  A.Lapşinin Minskdə həbs edilərək Bakıya təhvil verilməsinə gətirib çıxarmış siyasətinə etiraz əlaməti olaraq bu addımı atırlar.

 

Əslində erməni konyakının iyi burunlaında qalan - Anton Nosik, Anton Merkurov Svetlana Bolşakova və digər blogerlərin Azərbaycan torpaqlarına qanunsuz olaraq burunlarını soxmalarının səbəbi heç də Lapşin təəssübkeşliyi ilə bağlı deyil. Bu, daha çox Serj Sarkisyanın aprelin 2-də Ermənistanda keçiriləcək referendumdan qalib çıxmasına hesablanmış olduqca gülünc görünən piar kompaniyasıdır.

 

Bildiyimiz kimi martın 10-da Rusiyaya səfər etmiş Ermənistan prezidenti S.Sarkisyan Moskvada bir sıra görüş keçirməklə özünün "itdən düşmüş" reytinqini qaldırmaq istədi. Amma görünür Rusiyalı həmkarı V.Putindən lazımi dəstəyi ala bilmədiyindən, o, həmişə olduğu kimi bu dəfə də gümanını kriminal dairələrə və dələduz blogerlərə bağlamış oldu.  

 

Əgər belə olmasaydı, Nosik Moskvadan İrəvana qanadlanmazdan öncə "Canlı jurnal"dakı bloqunda - "Dağlıq Qarabağ Respublikasına yola düşürəm. Bu,  həm də qədim erməni Arsaxıdır. Belə bir rəy var ki, bu yerə yollanan hər kəs Azərbaycanın ərazi bütövlüyünü pozur. Bu, məni narahat etmir. Ona görə ki, Azərbaycanın özünün suveren bir dövlət kimi mövcudluğu tarixi bir səhv və anlaşılmazlığın nəticəsi olub."

 


Əlbəttə, Nosikin bu ifadələrinin hansı maraqdan qaynaqlandığı məncə heç kimdə şübhə doğurmaz. Görünür Moskva restoranlarında erməni "dudukçuları" onun qulağına yalan-palan notlar üstündə çox havalar çalıblar. Həm də bu ifadələrdən o da aydın olur ki, Nosikin "qədəhi" Sarkisyançılar tərəfindən qədərincə doldurulub. Yoxsa, Nosikin Azərbaycan tarixininə burnunu soxmasına və onu təhrif etməsinə nə lüzum olardı.

 

Sözsüz ki, Sarkisyan Moskvada yalnız öz xislətinə yaxın - millətçi, eqoist və həm də şovinist Nosik kimilərlə bir araya gələ bilərdi. Çünki bu ikili - Rusiya və İsrayıl vətəndaşlığı olan ikiüzlü blogerin barəsində yazılanlara nəzər salanda, onun internetdə ekstremist - "Suriyanı yer üzündən silmək" adlı yazısına və bu kimi milli ayrıseçkiliyə, eləcə də milli nifrətə yönəlmiş çağırışlarına rast gəlmək olur. Yeri gəlmişkən, məhz bu çağırışa görə o, Moskva şəhər məhkəməsi tərəfindən 300 min rubl cərimə də olunub.

 

Məsələnin ən çox təəssüf doğuran tərəfi odur ki, Azərbaycana qarşı iftira dolu yalanlarla çıxış edən həm Anton Nosik, həm də Aleksandr Lapşinin yəhudi mənşəli olmalarıdır. Əslində Azərbaycanda yəhudi icmasının ölkənin ictimai-siyasi həyatında fəal iştirak etməsi, o cümlədən Azərbaycan-İsrail dövlətlərarası münasibətlərin də yüksək səviyyədə olması heç kimə sirr deyil. Bu da hamıya aydındır ki, Ermənistan mono-etnik dövlət olaraq haylardan başqa heç kimi qəbul etmirlər. Amma Azərbaycan çoxmillətli, hər bir etnik qrupla multikultural dəyərlər müstəvisində bərabər hüquqlu və birgəyaşayışı yüksək səviyyədə təmin edən dövlətdir. Ona görə adları çəkilən blogerlərin davranışlarına Azərbaycan tərəfdən baxanda onları heç cür anlamaq olmur.

 

Nosik öz səhifəsində Azərbaycana bu Novruz günündə "papaq" ataraq yazır ki, güya "Lapşinin Minskdən ekstradisiyası neftdən gələn dollarların hesabına ödənilib." Əlbəttə bu "papağın" çox kiçik və dar olduğunu nəzərə alaraq, onun içinə yalnız iki-üç ədəd "daş qoz" qoymaq lazımdır ki, yeyəndə "bizi" yaddan çıxarmasın.

 

Zənnimcə, burada kimisə təəccübləndirəcək qeyri-adi bir şey yoxdur. Çünki bir-iki şüşə erməni konyakına satılan Nosiklər, hər şeyi öz arşınları və ya öz "merka"ları ilə ölçə bilərlər.

 

Amma gərək Nosik bilsin ki, sərhəd pozan hansısa Lapşinin tutulması və ya "alınması" üçün neftdən gələn pulları xərcləmək onun üçün həddindən artıq "yağlı" olardı. Əgər söhbət doğurdan da "almaqdan" gedirsə, o zaman Lapşinkimiləri Rusiya bazarlarında satılan bir neçə kiloqram xiyar və ya qoz puluna da almaq olar. Bu "ticarəti" isə Azərbaycan dövləti yox, rusiyada yaşayan dəyərli soydaşlarımız rahatlıqla edə bilərlər.

 

Bu arada o, yazısının sonunda - "mənə bu yaxın iki gündə haralara baxmağı məsləhət görərdiniz?" - deyə soruşur. Təəssüf, o, Azərbaycan torpaqlarına qanunsuz olaraq "qonaq" gəldiyi üçün ona yalnız qoşunların təmas xəttinə yaxınlaşıb burnunun ucunu birbalaca qaldırıb bizim mövqelərə tərəf baxmasını məsləhət edərdik.

 

P.S. İşdir Nosik Lapşin kimi yaxalanmış və ya "alınmış" olsa, burnundan tutan kimi canı çıxmasa da, etdiyi cinayətə görə tez başından papağı çıxarıb onun yerinə ağ yaylıq atıb üzr istəyəcək. Hərçənd o, bunu bilməmiş deyil, axı Azərbaycanda Novruz bayramında evlərə təkcə papaq yox, həm də yaylıq atırlar.


Şərh yaz

Bu kateqoriyadan olan xəbərlər
SON XƏBƏR
25.05.2017, 23:44

Mosul raket atəşinə tutulub: 101 ölü

25.05.2017, 23:28

ABŞ-da helikopter qəzaya uğrayıb

25.05.2017, 23:15

Sabiq müstəntiq kitab yazır

25.05.2017, 23:01

Almaniya kansleri Ərdoğandan jurnalisti azad etməyi xahiş edib

25.05.2017, 22:46

31 İŞİD silahlısı zərərsizləşdirilib

25.05.2017, 22:33

Komputer oğrusu belə yaxalandı - VİDEO

25.05.2017, 22:18

Paytaxtda ağır qəza

25.05.2017, 22:04

Masallıda 35 ev qəzalı vəziyyətə düşdü: sakinlər evakuasiya olunur

25.05.2017, 21:34

Sabiq baş nazirin avtomobili partladıldı

25.05.2017, 21:17

Türkiyədə Azərbaycan vətəndaşı saxlanılıb

25.05.2017, 21:05

Azərbaycan neft hasilatının azaldılmasına razılaşdı

25.05.2017, 20:51

Avtobus qəza törətdi: bomj öldü

25.05.2017, 20:37

Dənizdə kişi meyiti tapıldı: İtkin neftçilərdən ola bilər

25.05.2017, 20:29

Dağlıq Qarabağdakı status-kvo kövrəkdir

25.05.2017, 20:14

Gürcüstana  elektrik enerjisinin idxal-ixracı dayandırılıb

25.05.2017, 20:01

Mingəçevir su anbarında batan şəxsin meyiti tapılıb - YENİLƏNİB

25.05.2017, 18:51

Azərbaycanın İsveçrədəki səfiri geri çağırılıb

25.05.2017, 18:46

Azərbaycanda helikopterlərə texniki xidmət servisi mərkəzi yaradılacaq

25.05.2017, 18:40

Türkiyə ordusu 7 hərbçisini itirdi

25.05.2017, 18:34

Prezident Mahmud Nəbiyevə “Əməkdar hüquqşünas” fəxri adı verib

25.05.2017, 18:29

Rumıniya nümayəndə heyəti ADU-da olub

25.05.2017, 18:23

İlham Əliyev Gürcüstan prezidentini təbrik edib

25.05.2017, 18:19

Abbasəli Novruzovu “Şöhrət” ordeni ilə təltif edib

25.05.2017, 18:14

Aydın Əliyev “Şöhrət” ordeni ilə təltif edilib

25.05.2017, 18:10

Rumıniya nümayəndə heyəti ADU-da olub

25.05.2017, 18:02

Öldürüləndə çantasında bir köynək və diş fırçası olan baş nazir - Tanımadığımız NƏSİB BƏY

25.05.2017, 17:48

Manat və dolların sabahkı MƏZƏNNƏSİ

25.05.2017, 17:45

Putindən İlham Əliyevə TƏBRİK: "Ölkəniz nüfuz qazanıb"

25.05.2017, 17:43

Şimali Kipr məktəblərində Azərbaycan tarixi tədris olunacaq

25.05.2017, 17:32

Ali məktəbələrə 2-ci qəbul və orta məktəblər üzrə buraxılış imtahanlarının tarixləri AÇIQLANDI

25.05.2017, 17:30

Hesablama Palatasının sədri 2016-cı ildə dövlət büdcəsinin icrası vəziyyətindən DANIŞDI

25.05.2017, 17:25

Respublika fənn olimpiadalarının qalibləri mükafatlandırılıb

25.05.2017, 17:23

“Azərbaycana qarşı Sumqayıt təxribatı. Qriqoryanın işi” kitabı Türkiyədə nəşr olundu

25.05.2017, 17:22

Tanınmışların “Son zəng” XATİRƏLƏRİ: “Məni oynamağa məcbur etdilər”

25.05.2017, 17:21

Təhsil Nazirliyi: “Kurrikulum ləğv oluna bilməz”

ARXİV