Somalinin paytaxtı Moqadişoda törədilən partlayışda ölənlərin sayı artır. Modern.az xarici mediaya istinadən xəbər verir ki, bir-birinin ardınca baş verən dörd partlayış nəticəsində 50 nəfər həyatını itirib. Hadisə nəticəsində daha 10 nəfər ağır xəsarət alıb.
Qeyd edək ki, terror aktlarına görə, məsuliyyəti “Əş-Şəbab” qruplaşması öz üzərinə götürüb.
“Əl Qaidə” qruplaşması ilə əlaqəli olan “Əş-Şəbab” Somalidə terrorçu fəaliyyətlə məşğuldur. Qruplaşma ölkənin mərkəzi hakimiyyət orqanlarına qarşı silahlı mübarizə aparır.
Modern.az