Dini Etiqad və Vicdan Azadlıqlarının Müdafiə Mərkəzinin sədri Hacı İlqar İbrahimoğlu Avropa Şurasının dəvəti ilə Parlament Assambleyasının növbəti sesiyasina qatılmaq üçün Avropaya səfər edib. Bu barədə Modern.az-a DEVMM-dan bildiriblər. Səfər çərçivəsində digər mühüm məsələ - ATƏT-in dəvəti ilə İnsan Ölçüləri üzrə tədbirdə iştirakla bağlıdır.
Səfərin ilk günləri Fransanın paytaxtı Parisdən başlamış və əsas mahiyyəti ilə elmi-dini xarakter daşıyıb.
Hacı İlqar İbrahimoğlu səfərin ilk günündə Həzrət Zeynəbin (s.ə.) mövlud günləri münasibətilə Parisdə 1984-cü ildən fəaliyyət göstərən “Məhfeli-Zeynəb” adlanan islami mərkəzi ziyarət edib.
Səfər çərçivəsində Parisdə müsəlmanların kompakt yaşadıqları məntəqələrlə tanışlıq olub. Parisdə olan müddət ərzində müsəlmanların kompakt yaşadıqları ərazilərdə real vəziyyətin öyrənilməsi məsələsi də durur.
