“Dağlıq Qarabağ Respublikası”nın sabiq müdafiə naziri Samvel Babayanın saxlanılması səbəbi məlum olub. Modern.az xəbər verir ki, Ermənistan mediası Milli Təhlükəsizlik Xidmətinə istinadən Samvel Babayanın saxlanılması ilə bağlı məlumat yayıb.Məlumata görə, S.Babayan və daha iki şəxs “İqla” zenit-raket kompleksinin qaçaqmalçılığında şübhəli bilinərək saxlanılıblar.
İstintaq araşdırması nəticəsində məlum olub ki, zenit-raket kompleksini Ermənistana gətirən şəxslər S.Babayanla əlbir olub, onun sifarişi ilə hərəkət ediblər. Hazırda zenit-raket kompleksinin əldə edilməsinin motivləri, mümkün hədəfləri və maliyyə mənbəyi öyrənilir.
Modern.az