Millət vəkili Vahid Əhmədov Novruz bayramı günlərində Qubada seçicilərinin yanında olub.
Bayramla bağlı keçirilən müxtəlif tədbirlərdə iştirak edən deputat seçicilərinin qayğıları ilə maraqlanıb. Qubadakı ofisində baş tutan görüşdə Vahid Əhmədov görüşə və qəbula gəlmiş sakinlərlə söhbət edərək onları maraqlandıran bir çox suallara cavab verib, Milli Məclisdəki fəaliyyəti barədə onlara məlumatlandırıb.
Sonradan qəbula gəlmiş 72 nəfər Quba sakinini təkbətək qəbul edib. İşsizlik, ev tikintisi üçün torpaqların veriməsi, mənzil fondunun təmirindəki problemlər, şəhərdaxili küçələrin pis vəziyyətdə olması, yazın gəlişi ilə bağlı meyvə bağlarında aqrotexniki tədbirlərin aparılması zamanı əmələ gələn çətinliklərin həllinə kömək və digər məsələlər qəbul zamanı əhali tərəfindən qabardılan problemlərin sırasında olub.
Bir sıra məsələlər yerindəcə öz həllini tapmış, yerdə qalanları baxılıb tədbir görülməsi üçün nəzarətə götürülüb. Deyilmiş bir neçə məsələ ilə bağlı rayon İcra Hakimiyyətinin rəhbərliyi ilə bağlı fikir mübadiləsi aparılmış, deputat tərəfindən bəzi təkliflər verilib.
Millət vəkilinin Novruz bayramı günlərindəki sakinlərlə təmasları və qəbulu əhali tərəfindən razılıqla qarşılanıb.
Modern.az