Modern.az

Elmi dərslikdəki dini motivlər etiraza səbəb oldu – FOTO

Elmi dərslikdəki dini motivlər etiraza səbəb oldu – FOTO

1 Aprel 2017, 13:38

 

“Təhsil Nazirliyi Tədris Resurslarının İdarə Olunmasının Məlumat Sistemində 10-u siniflər üçün yeni Coğrafiya dərsliyini müzakirəyə açıb”.

 

Modern.az saytının xəbərinə görə, bu haqda fizik Yalçın İslamzadə bildirib.

 

O, dərslikdə elmi yanaşmalarla uzlaşmayan məqamları yer aldığını vurğulayıb:

 

“Ötəri baxmaqla burada ciddi səhvlər olduğu görünür. Məsələn, sitata baxaq:

"Zaman-məkan daxilində sonsuz böyük sıxlığa, nəhəng enerjiyə malik kiçik kütlə-kainatın nüvəsi yaranmış və "Böyük Partlayış" baş verib".

 

Böyük Partlayış zaman-məkan daxilində baş verməyib, zaman-məkan böyük partlayışla yaranıb. Partlayışdan əvvək bildiyimiz zaman-məkan anlayışı olmayıb.

 

Digər sitat: "Onun (Stiven Hokinqin) fikrincə, qalaktikalar bizdən uzaqlaşır və Kainat genişlənir"
Kainatın genişlənməsini Hokinqdən çox əvvəl irəli sürüblər və Habbl müşahidə edib”-deyə Yalçın İslamzadə söyləyib.

 

Fizik onu da bildirib ki, kitabda dini motivli baxışlarda da yer alır:


“Sitat: "Son illərdə Yerin yaranmasının dini kitablardakı təsviri alimlərin diqqətini cəlb edir". Yalandır, alimlərin diqqətini cəlb etmir, din təbliğatçıları belə iddalarla elmi öncələməyə çalışırlar.
3-cü fəslin girişinə, sekulyar dövlətdə, elmi kitabda dini kitablardan referanslar veriblər. 

 

“Ərşi su üzərində ikən, göyləri və yeri altı gündə yaradan Odur!” (“Hud” surəsi, 7-ci ayə). Kainat haqqında Quranda
verilmiş fikirlər bu gün elm tərəfindən təsdiq edilir.”

 

Astronomiya dərsliyində də “ulduzlar qaranlıqda yolunuzu tapmanız üçün yaradıldı” sitatını versinlər. Dərsliklər strateji əhəmiyyətə sahibdir. Düşünürəm ki, belə dərslik elmin və sekulyar dövlətin prinsiplərinə ziddir və təsdiqlənməməlidir”.

 

//trims.edu.az/site/resource.php?id=601

 

Aqşin KƏRİMOV

Youtube
Kanalımıza abunə olmağı unutmayın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi