29 iyun 2017, Cümə axşamı
Ana Səhifə - TƏHSİL - 9-cuların buraxılış imtahanlarının nəticələri niyə açıqlanmır? - Dövlət İmtahan Mərkəzi CAVAB VERDİ
9-cuların buraxılış imtahanlarının nəticələri niyə açıqlanmır? - Dövlət İmtahan Mərkəzi CAVAB VERDİ
05.04.2017, 10:20

9-cu siniflərin builki buraxılış imtahanlarının keçirilməsindən uzun müddət ötməsinə baxmayaraq, nəticələr açıqlanmır. Bu isə şagird və valideynlərdə nigarançılığa, ictimaiyyət arasında isə söz-söhbətə səbəb olub. Hətta sosial şəbəkələrdə açılan müzakirələrdə imtahan verən şagirdlərin 90 faizinin riyaziyyatdan “2” aldığı kimi iddialar irəli sürülüb.  

Dövlət İmtahan Mərkəzi isə bəyan edib ki, bu il 9-cu siniflərin buraxılış imtahanlarında ilk dəfə olaraq açıq tipli suallardan istifadə olunub. Üstəlik, mart ayında keçirilən buraxılış imtahanlarının birinci mərhələsinin cavabları ikinci imtahan zamanı açıqlanacaq. Mərkəzin mətbuat xidmətinin rəhbəri Xanlar Xanlarzadə bu və ya digər məsələlərlə bağlı Modern.az-ın suallarını cavablandırıb.

 

-9-cu sinif şagirdlərinin buraxılış imtahanlarının birinci mərhələsi keçirilsə də, nəticələr hələ də açıqlanmayıb. Üstəlik, Dövlət İmtahan Mərkəzi birinci imtahanların nəticələrinin ikinci imtahan zamanı açıqlanacağını deyib. Sanki cavabların açıqlanması ilə bağlı iki imtahan arasında məsafə uzanır. Bunun konkret səbəbi nədir?

 

-Bunun əsas səbəbi odur ki, buraxılış imtahanlarının birinci mərhələsində açıq tipli test tapşırıqlarından istifadə olunub. 30 ədəd test tapşırığından 20-si açıq tipli suallardır. Açıq tipli tapşırıq odur ki, şagird cavabı əllə yazır. Klassik qaydada olan variantlar verilmir. Əvvəllər qapalı tipli test tapşırıqlarında test sualının 5 cavab  variantı təqdim olunurdu ki, bunlardan biri seçilirdi. Açıq tipli test tapşırığında isə şagird təqdim olunan sualları qələm vasitəsilə cavablandırır. Onu da deyim ki, açıq tipli suallar vaxt tələb edir. Bu baxımdan da nəzərdə tutulub ki, imtahanın ikinci mərhələsi keçirilənə qədər imtahanın birinci mərhələsinin cavabları açıqlansın.

 

-Yenə də burada məsələ qaranlıq qalır. Adətən əvvəlki illərdə həyata keçirilən imtahanların cavabları qısa zaman kəsiyində açıqlanırdı. Bu dəfəki proses isə fərqlidir. 9-cu siniflərin bu dəfəki buraxılış imtahanlarının cavablandırılması digərlərindən nə ilə fərqlənir?

 

-Fərqlilik ondan ibarətdir ki, buraxılış imtahanlarının birinci mərhələsinin yoxlanılması prosesi başa çatmayıb. Mart ayının 5-i, 12-si və 18-də 9-cu siniflərin buraxılış imtahanlarının birinci mərhələsi keçirilib. Dediyim kimi şagirdlərə açıq tipli suallar təqdim olunub. Açıq tipli sualların cavablandırılmasının açıqlanması prosesi vaxt tələb edir. Ona görə də açıq tipli test tapşırıqlarının yoxlanılması üçün xüsusi imtahan zalları yaradılıb. Markerlər bazası formalaşdırılıb. Həmin markerlər kompüter vasitəsilə test tapşırıqlarını yoxlayırlar. Üstəlik, test tapşırıqlarını 2 müəllim yoxlayır. İki müəllimin verdiyi qiymət arasında uyğunsuzluq olarsa, o zaman həmin tapşırıq 3-cü müəllimə göndərilir. Eyni zamanda, hər iki müəllim tapşırığa eyni qiymət verməlidir.

 

-Buraxılış imtahanlarında iştirak edən şagirdlərin 90 fazinin guya “2” alması barədə xəbər yayılıb. Düzü, bu xəbər  cəmiyyətdə həm də bir çaşqınlığa səbəb oldu. Şagirdlərin “2” alması barədə xəbərlərin yayılması nə dərəcədə doğrudur?

 

-Hələlik, imtahanların yoxlanılması prosesi davam edir. Bu yayılan xəbərlər doğru deyil. İşlər yoxlama mərhələsindədir. İşlərin hamısı yoxlanılmalıdır ki, cavablandırma mərhələsinə start verilsin.  Ona görə də indi hansısa rəqəmi söyləyə bilmərik. Sadəcə olaraq, bu xəbər şayiə xarakteri daşıyır. 

-Digər tərəfdən, açıq tipli sualların cavablandırılması zamanı şəffaflığın qorunması məsələsi də aktual olaraq qalır. Bəziləri deyir ki, qapalı tipli testlərdən fərqli olaraq açıq tipli testlərdə  şəffaflığın tam qorunmasında  təhlükə mövcuddur.  O zaman bu məsələlər necə tənzimlənir?

 

-Şəffaflığın qorunması üçün hər şey nəzərə alınıb. Qeyd etdiyim kimi, hər bir test tapşırığını 2 marker yoxlayır. Bunlar da müxtəlif bölgələrdən olan markerlərdir. Məsələn, Bakı şəhərində imtahan vermiş şagirdin test tapşırığını Lənkəranda işləyən bir müəllim yoxlayır. Və yaxud da əksinə olur. Hər bir şagirdin yazı işi 2 varinatda hazırlanır. Həmin variantlar ayrı-ayrılıqda markerlərin kompüterinə göndərilir.  Həmin yazılar yoxlanaraq qiymətləndirilir. Həmçinin, kompüter ekranında şagird haqqında hər hansı məlumat yerləşdirilmir. Sadəcə olaraq, müəllim yazı işini görür. Şagirdin adı, soyadı imtahan kodu barədə markerdə hər hansı məlumat olmur. Tapşırığın yanında da qiymətləndirmə meyarları var. Müəllim də həmin meyarlara uyğun olaraq yazı işini qiymətləndirir.


-Açıq tipli suallar ilk dəfə tətbiq olunduğuna görə şagirdlər arasında imtahandan kəsilmə hallarının  baş verməsi də istisna deyil. O zaman birinci imtahandan kəsilən şagirdin ikinci imtahana buraxılmayacağını söyləmək olarmı?


-İmtahandan kəsilən şagird ikinci imtahana buraxılır. Birinci mərhələdə toplanılacaq bal 30 baldır. İkinci mərhələdə isə toplanılacaq bal 70 olmalıdır. Fərqi yoxdur, şagird nə qədər bal toplayıb. Əsas odur ki, o, ikinci mərhələyə buraxılacaq. Sonda şagirdin topladığı balın cəmi onun attestatına  yazılacaq. Bildiyiniz kimi, bu il 9-cu sinfi bitirən şagirdlərə şəhadətnamə deyil, attestat veriləcək. Həmin attestata da buraxılış imtahanının qiyməti yazılacaq.

 

Namidə BİNGÖL


Şərh yaz

Bu kateqoriyadan olan xəbərlər
SON XƏBƏR
29.06.2017, 09:14

Dollar və manatın bugünkü MƏZƏNNƏSİ

29.06.2017, 09:12

Azərbaycan yerli velosipedlərin satışına başlayır - Qiyməti 70-2500 manat arası

29.06.2017, 09:10

Dünyanın ən güclü ordularının yeni REYTİNQİ

29.06.2017, 01:02

Çili Konfederasiyalar Kubokunun ilk finalçısı oldu

29.06.2017, 00:47

Rusiyada iki azərbaycanlı həbsdən qaçdı

29.06.2017, 00:31

Türkiyədən PKK-ya zərbə: 7 silahlı zərərsizləşdirilib  

29.06.2017, 00:13

Azərbaycan nefti cüzi bahalaşdı

28.06.2017, 23:45

Rayon avtovağzallarında gərginlik

28.06.2017, 23:26

Liviyada girov götürülən BMT nümayəndələri azad edilib - Yenilənib

28.06.2017, 23:14

22 yaşlı oğlan çayda batdı

28.06.2017, 22:49

Qocalmanın qarşısını alan cövhər - TİBET TƏBABƏTİNİN MÖCÜZƏSİ

28.06.2017, 22:46

Şirniyyat sevənlərə alimlərdən “SÜRPRİZ”  

28.06.2017, 22:33

Satışda təhlükəli qarpızlar var: İDDİA

28.06.2017, 22:16

Azyaşlı "laqonda" ilə özünü doğradı

28.06.2017, 21:58

Bu ünvanlardan mal almayın: Vəkildən xəbərdarlıq

28.06.2017, 21:22

Xəzərdə qayıq qəzaya uğradı: 5 yaralı

28.06.2017, 21:02

Çayda boğulan şəxsin kimliyi məlum olub

28.06.2017, 20:53

Rusiya ABŞ-ın sanksiyalarına cavab tədbirləri hazırlayır

28.06.2017, 20:39

Benqazinin bir neçə rayonu terrorçulardan azad edilib

28.06.2017, 20:23

MDB ölkələri daxili işlər nazirləri cinayətkarlıqla mübarizəni müzakirə edib

28.06.2017, 20:09

Suriya yenidən bombalandı: 40 ölü

28.06.2017, 19:57

Nazirlik ağacların kəsilməsi faktına aydınlıq gətirdi

28.06.2017, 17:40

Tbilisidə Nəriman Nərimanovun ev muzeyinin açılışı olub

28.06.2017, 17:13

Azərbaycandan xaricə turlar bahalaşıb

28.06.2017, 17:05

Polşa baş naziri: “Azərbaycan Avropanın enerji təhlükəsizliyində mühüm rol oynayır” - YENİLƏNİB

28.06.2017, 16:38

Saatlıda iki avtomobil toqquşub, 3 nəfər xəsarət alıb

28.06.2017, 16:01

“Ermənistan suriyalı köçkün erməniləri öz oyunlarına alət edib”

28.06.2017, 15:53

Əlillərin sosial müdafiəsi ilə bağlı qanunda ciddi dəyişikliklər ediləcək

28.06.2017, 15:40

Aİ Rusiyaya qarşı sanksiyaların müddətini uzadıb

28.06.2017, 14:43

Bakıda 37 yaşlı şəxs qonşusu tərəfindən bıçaqlanıb

28.06.2017, 14:17

Müdafiə Nazirliyi: “Cəbhədə itkilərinin sayını gizlədən Ermənistan tərəfidir”

28.06.2017, 14:08

Rusiyada terroru dəstəkləyən Azərbaycan vətəndaşına hökm oxunub

28.06.2017, 14:00

Türkiyə təyyarələri İraqda PKK mövqələrini bombaladı

28.06.2017, 13:45

İsrailli politoloq Dağlıq Qarabağa səfər edib

28.06.2017, 13:36

Azərbaycandan mühacirət edən şəxs axtarışa verilib

ARXİV
SORĞU
Qeyri-sabit hava şəraiti sizə necə təsir edir?
- İstilərdən canımız qurtarıb(14.7%)
- Dənizə gedə bilmirik(17.6%)
- Səhhətimizə mənfi təsir edir(20.5%)
- Əhvalım xoşallanır(11.7%)
- Məhsul qıtlığı yaranır(13.2%)
- Təsərrüfatıma ziyan dəyir(2.94%)
Yağış, dolu ruzi-bıərəkətdir(19.1%)