22 iyun 2018, Cümə
Ana Səhifə - REPORTAJ - Ucqar kəndin gənc müəllimi - “Maaşımızın böyük hissəsi odun almağa gedir”
Ucqar kəndin gənc müəllimi - “Maaşımızın böyük hissəsi odun almağa gedir”
08.04.2017, 13:40

“Qızların tez ərə getmələrinə, oğlanların də fəhlə kimi işləmələrinə razı ola bilmirəm”

Bu gün bəzi gənclər peşə borclarını ən ucqar kəndlərdə də yorulmadan yerinə yetirirlər. Onlar necə deyərlər, gözdən-könüldən uzaqda olsalar da, ehtiyac duyulan yerlərdədirlər. 

 

Modern.az saytı “Ucqar kəndin gənc müəllimi” layihəsini davam etdirir.

Bu günə kimi respublikanın bir sıra ucqar rayonlarının kəndlərində işləməyə gedən gənc müəllimlərdən müsahibələr götürülüb və onların problemləri, iş, dərs şəraiti öyrənilib.

 

Budəfəki müsahibimiz İsmayıllı rayon Balik kənd məktəbinin informatika müəllimi Nərmin Baxışlıdır.

Layihəmizdə başqa fənlərdən fərqli, informatika müəlliminin  olmaması yəqin, sizin də diqqətinizi çəkib. Bu gün ucqar kənd məktəblərində bəlkə də, ən çox ehtiyac duyulan məsələ informatika dərsi üçün lazımı avadanlıq və müəllimlərə ciddi ehtiyacın olmasıdır. Doğrudur, əksər mətəblərdə kompüter otağı və kompüterlər olsa da, peşəkar informatika müəlliminin çatışmaması faktı nəzərə çarpır. Ədəbiyyat (lap elə, olsun coğrafiya) başqa  müəlliminin informatikadan dərs keçməsi isə, bir o qədər də faydalı olmaz. Odur ki, bu fənni ucqar kənddə tədris edən xanım müsahibi dinləyək: 

 

-2010-2014-cü illərdə Bakı Kompüter Kollecində İnformatika müəllimliyi ixtisası üzrə təhsil almışam. 2016-cı ildə müəllimlərin işə qəbulu müsabiqəsində iştirak edərək, 45 bal toplayıb, İsmayıllı rayonu Balik kənd orta məktəbində İnformatika müəllimi kimi işləməyə başladım.

 

... Və elə getdiyi ilk gündən də həmin kəndə vurulub. Dağlar qoynunda olan kəndə vurğunluq müəllimliyə olan həvəsini daha da artırıb. Özünü dinləyək:

 

-Kənd rayon mərkəzindən təqribən 8–9- km məsafadə,  dağların qoynunda yerləşir. Baliki bir tərəfdən gözəl göl əhatə edir. Olduqca səfalı, gözəl, mənzərəli kənddir. Kəndimiz kiçik kənddir, məktəb də elə böyük deyil. Amma insanları gözəl, ürəkləri də böyükdür. Şagirdlərimiz də  oxumağa çox həvəslidir.

 

İlk dərs gününü, dağlar qoynundakı kənddə müəllim kimi birinci addımlarını atdığı zamanı indi də həyəcanla xatırlayır. Ona özünü müəllim olduğuna inandırmaq o qədər də asan başa gəlməyib:

 

-İlk dərs gününün  təəssüratı çox möhtəşəm oldu. Müəllim ailəsində dogulmuşam və bu peşəni çox sevmişəm... İlk dərs günü məni məktəbdə başda direktor olmaqla, hamı çox gözəl qarşıladı və təbrik etdi. Onlarla işləməyimə çox sevindilər. Əvvəlcə bir müəllim kimi öyrəşə bilmirdim, uşaqlara dərs deməyə alışmırdım. Çünki o günə qədər parta arxasında həmişə özüm oturub müəllimlərimi böyük həvəslə dinləmişəm. İndi isə müəllim kimi sinifə gəlməyim, şagirdlərin məni dinləməsi  çox qəribə gəlirdi. İstəyirdim yenə uşaq olum....
Amma bir müddətdən sonra hər şeyə öyrəşdim. Əvvəllər isə belə deyildi. Hətta müəllimlərin mənə “müəllim” deyə müraciət etmələri də çox qəribə gəlirdi.

 


Amma sonradan….

 

-…Amma sonradan hər şey dəyişdi. Tez bir müddətdə uşaqların sevimli müəlliməsinə çevrildim. Ümumiyyətlə, fənnimi çox sevirlər. Bilmirəm, yəqin, kompüterdə proqramlarda işlədiklərinə görədir. Amma  həmişə deyirlər ki, kaş  hər gün bizə informatika fənni keçirilsin. Yadımdan heç çıxmaz, bir  həftəlik icazə aldığımdan dərsə getməmişdim, şagirdlər elə bilmişdi ki, mən işdən çıxmışam və bir də qayıtmayacağam.... Qayıdanda narahatlıqlarını üzlərindən oxumaq çətin deyildi. Dedilər ki, “ay müəllimə, elə qorxduq ki…. Elə bildik, siz daha işdən çıxmısız”. Onların bu sözlərini heç zaman unutmaram...

 

Şagirdlərə sevgi öz yerində. Amma gənc müəlliməni narazı salan ümumi bir məsələ də var:

 

-İşlədiyim kənddə həyat çox maraqlı keçir. Özüm o kənddə yaşamamışam, mənim üçün qeyri-adi şeylər yoxdu... Kənd camaatının 80%-i demək olar, orta təhsilə yiyələnməyib. Oxumuş gənclərə və mənə bir az qəribə baxırlar....Təəssüf ki, bəzilərinin dünyagörüşləri lazımı səviyyədə deyil...

 

Ucqar kəndin gənc müəlliminin narazı qaldığı məqam burada şagirdlərin daha yaxşı təhsil almasına mane olurmu? Ümumiyyətlə, orada keyfiyyətli təhsilə mane olacaq başqa hansı səbəblər var? Gəlin, bu suala cavabı elə özündən eşidək:

 

-Məktəbimiz 9 illikdi. 9-cu sinifi bitirən şagirdlərimiz 10 və 11-ci sinifləri başqa kənddə, ya da, rayonun özündə  gedib oxumalı olurlar. Həmçinin, peşə və orta ixtisas təhsil müəssisələrini seçib ora  sənəd verən,  təhsillərini orada davam etdirənlər də var. Amma hamısı yox, elələri var ki, bunların heç birinə aid deyil. Qızlar heç oxumur, yalnız oğlanlar - o da kimin imkanı varsa- oxudulur. Deyərdim, bizdə bu, əsas  problemdir: qızların tez ərə getməsi, oğlanların heç yerdə oxumaması və işsiz qalması… Bu səbəbdən,  sonradan ailə sahibi olub, ailəsinə, övladına  yetərincə tərbiyə verməmələri böyük müsibətdir. Valideyn iclasında belə hallarla tez-tez  qarşılaşırıq. “Uşaq niyə  oxumur”,  “niyə lazımı dərs  material vaxtında alınmır” kimi suallar verəndə  valideynlərin cavabları qısa olur: “imkan yoxdu ki,  nəyisə alaq…”. Evdə uşağa “oxumayacaqsan” deyib onun həvəsini öldürmək olmaz!  Təəssüf ki, bəzi valideynlər uşaqlarda bunu lap əvvəldən formalaşdırır.

 

-Təhsil problemlərini anladıq, bəs kənddə hansı sosial problemlər sizi daha çox qayğılandırır?

 

-Kəndimizdə qaz yoxdur. Baxmayaraq ki, bir o qədər də ucqar kənddə yaşamırıq, amma  odun sobası yandırırıq. Hər il söz verilməsinə baxmayaraq, yenə də qaz yoxdur.... Aldığımız maaşın böyük hissəsi odun almağa sərf olunur.Buralarda qış çox sərt keçdiyindən odundan çox istifadə edirik.

 

İkinci böyük problem isə informasiya texnologiyaları əsrində yaşamağımıza baxmayaraq, hələ də internetin olmamasıdır. (söhbətin bu yerində bir daha xatırladaq ki, müsahibimiz informatika müəllimidir. E.N.). Kənddə internet yoxdur. İnternetin çəkilişi üçün haralara yazsaq da,  hələlik  bir xəbər yoxdur.

 


-Maaşınızın çox hissəsini oduna xərclədiyinizi dediniz. Maaş vaxtı-vaxtında verilirmi? Ümumiyyətlə, sosial problemlərinizi, qayğılarınızı aldığınız maaşlar qarşılaya bilirsiz?

 

-Maaş, şükür, vaxtında verilir. O cəhətdən problemimiz yoxdur. Amma sadaladığım problemlər də aradan qalxsa, yaxşı olar.

Gəldik əsas məsələyə. Ucqar kənddə informatika müəllimi olmaq başqa fənləri tədris etməkdən nə dərəcədə çətindi? Müsahibə müddətində səmimi olan müsahibimiz bu dəfə də öz ənənəsinə sadiq qalır:

 

-İnformatika fənninin tədrisi üçün lazım olan  avadanlıqlar və sinif otaqları o qədər də yaxşı olmadığı üçün işləmək bir az çətindi. Bu səbəbdən, öz fənnimi bir o qədər yaxşı tədris edə bilmirəm. İnternet yox, kompüterlər də az…  Amma usaqlar çox həvəslidir, bu kimi problemlərə baxmayaraq, bizim şagirdlər  yarışlardan, olimpiadalardan geri qalmır. Mən dəfələrlə onları rayonda internet olan idarələrə aparıb respublika yarışlarında iştiraklarına şərait yaratmışam. Kənddə, onun məktəbində  internet olsa, biz elə buradaca işləyərik. Həvəsli, istedadlı uşaqlarımız bəzən, bu kimi səbəblər ucubatından kənarda qalırlar. Amma mən çalışıram ki, əlimdən gələni edim. Nə olursa, olsun, buna cəhd edirəm. Çox şükür ki, hər işdə bizim məktəb öndədir. Uşaqlarımızın uğurları da çoxdur.

-Söhbətin bu yerində müsahibə konrekt sualla müraciət edirik. Başqa hansı çatışmazlıqlar o kənddəki şagirdlərin təhsilə barmaqarası yanaşmasına səbəb olur?

-Ailələrdə valideynlər  yaxşı maaşla  işləsə,  iş yerləri normal olsa, şagirdlərinin təhsil almaları üçün əllərindən gələni edərlər. Yoxsa, qızların tez ailə həyatı qurmasına, oğlanların  da evdə oturub, sonradan məcburiyyət qarşısında fəhlə kimi işləmələrinə  heç cür razı ola bilmirəm. Çünki elə şagirdlərimiz var ki, oxumalarına lazımı imkan yaradılsa, yüksək bal toplayıb, universitetə qəbul olunarlar.  Cəmiyyətdə də öz yerlərini lazımı şəkildə tutarlar. Şagirdlərin səsinin  hər zaman yüksək yerlərdən gəlməsini istəyirəm.  Qızlar mənim kimi müəllim, oğlanlar isə həkim, təsərrüfat işçisi, maşın mexaniki və ümumiyyətlə, təlabat olan sahələrdə işləsinlər.

 


Yenidən məktəbə  qayıdaq. Müsahibimiz kənd yerlərinə o qədər də çox varılmayan bir sahəni təmsil edir- informatikanı. Bütün problemlərə baxmayaraq, bunu şagirdlərə sevdirmək üçün nə kimi metodiklardan yararlandığını danışır:

 

-Dərs metodikamı lap əvvəldən müəllimlərimdən öyrənmişəm. Lakin indi onu daha da təkminləşdirirəm. Şagird sayı az oldugu üçün dərsi siniflərdə qrup şəklində təşkil edirik.  Kurrikulum üsulu ilə dərsləri aparıram. Kompüter sinfimiz olmasa da, azsaylı kompüterləri ayrıca otaqda yerləşdirmişik. Həmin balaca otaqda dərsi  proyektor vasitəsilə keçirik. Çox şeyimiz olmasa da, dərslərimiz ən azından maraqlı keçir. Uşaqlar hər şeyi həvəslə öyrənir

 

Bütün bunlara baxmayaraq… Yaxud, son söz əvəzi

 

-Gələcəklə bağlı planlarım çoxdur. Allahın köməyilə istəyirəm ki, sayilib-seçilən informatika müəllimlərindən olum. İstedadlı şagirdlərimlə birlikdə yeni texnologiyalar icad edək və onları sınaqdam keçirək. Çünki indi İKT əsridir. Hər bir kiçik yenilik bizi irəliyə apara bilər. Güc birlikdədir. Və mən balaca müəllim olaraq –burada hamı məni balaca müəllim kimi tanıyır- çalışacam ki,  hər bir şey istədiyim kimi olsun.


E.Nazimoğlu


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Elçibəyin eks-müşaviri Kamran Həsənli: “Həmin gecə Əbülfəz bəyi qaçırıb kənara apardıq” - MÜSAHİBƏ
22.06.2018, 08:52

Elçibəyin eks-müşaviri Kamran Həsənli: “Həmin gecə Əbülfəz bəyi qaçırıb kənara apardıq” - MÜSAHİBƏ

Manat və dolların bugünkü MƏZƏNNƏSİ
22.06.2018, 08:43

Manat və dolların bugünkü MƏZƏNNƏSİ

Gürcüstanda daha 3 nazirlik ləğv olunacaq
22.06.2018, 00:59

Gürcüstanda daha 3 nazirlik ləğv olunacaq

Nazirlər Kabineti ezamiyyə xərclərinin normalarını artırdı
22.06.2018, 00:48

Nazirlər Kabineti ezamiyyə xərclərinin normalarını artırdı

Beş ayda Azərbaycana 7294 avtomobil idxal edilib
22.06.2018, 00:29

Beş ayda Azərbaycana 7294 avtomobil idxal edilib

Azərbaycan neftinin 1 bareli 76 dollara çatır
22.06.2018, 00:13

Azərbaycan neftinin 1 bareli 76 dollara çatır

Dünya Çempionatı-2018: Xorvatiya Argentinaya şans vermədi
21.06.2018, 23:57

Dünya Çempionatı-2018: Xorvatiya Argentinaya şans vermədi

Heydər Əliyev Mərkəzinin parkında yoqa məşğələsi - FOTOLAR
21.06.2018, 23:37

Heydər Əliyev Mərkəzinin parkında yoqa məşğələsi - FOTOLAR

Dünya Çempionatı-2018: Qırmızı vərəqə alan futbolçu ölümlə hədələnir
21.06.2018, 23:20

Dünya Çempionatı-2018: Qırmızı vərəqə alan futbolçu ölümlə hədələnir

“Azərbaycan vətəndaşları qul deyil” - Çingiz Qənizadə:
21.06.2018, 23:06

“Azərbaycan vətəndaşları qul deyil” - Çingiz Qənizadə:

Metroda döyülən şortikli qız axtarılır
21.06.2018, 22:53

Metroda döyülən şortikli qız axtarılır

Gecə klubunda atışma: 2 ölü
21.06.2018, 22:42

Gecə klubunda atışma: 2 ölü

Qardaş türmədə görüşünə gəlməyən qardaşını bıçaqladı
21.06.2018, 22:29

Qardaş türmədə görüşünə gəlməyən qardaşını bıçaqladı

Şəmkirdə musiqiçilər qəzaya düşdü
21.06.2018, 22:14

Şəmkirdə musiqiçilər qəzaya düşdü

Azərbaycanda narkotik istifadəçiləri arasında azyaşlılar da var
21.06.2018, 21:58

Azərbaycanda narkotik istifadəçiləri arasında azyaşlılar da var

Paşinyana qarşı qaldırılan cinayət işi bağlanıb
21.06.2018, 21:43

Paşinyana qarşı qaldırılan cinayət işi bağlanıb

Şirkət rəhbəri işdə məhəbbət məcarasına görə istefaya getdi
21.06.2018, 21:30

Şirkət rəhbəri işdə məhəbbət məcarasına görə istefaya getdi

Bakıda körpənin boğazından qəpik belə çıxarıldı - Video
21.06.2018, 21:16

Bakıda körpənin boğazından qəpik belə çıxarıldı - Video

Dünya Çempionatı-2018: Fransaya uduzan Peru üçün də çempionat bitdi - VİDEO
21.06.2018, 20:59

Dünya Çempionatı-2018: Fransaya uduzan Peru üçün də çempionat bitdi - VİDEO

UNEC rektoru Akif Əlizadənin təkliflərini dəstəklədi
21.06.2018, 20:44

UNEC rektoru Akif Əlizadənin təkliflərini dəstəklədi

 “Ovannisyan axmaq şərhləri ilə insanları təəccübləndirir”-Vaqif Dərgahlı   
21.06.2018, 20:27

 “Ovannisyan axmaq şərhləri ilə insanları təəccübləndirir”-Vaqif Dərgahlı  

“Qarabağ” bu qapıçıya 600 min ödəməyə hazırdır
21.06.2018, 20:15

“Qarabağ” bu qapıçıya 600 min ödəməyə hazırdır

“Araz” supermarketin işçisinin qətl səbəbi ...
21.06.2018, 20:01

“Araz” supermarketin işçisinin qətl səbəbi ...

Neftçalada 19 yaşlı gənc özünü asdı
21.06.2018, 20:00

Neftçalada 19 yaşlı gənc özünü asdı

Füzulidə raket hissəsi tapılıb - FOTO
21.06.2018, 19:45

Füzulidə raket hissəsi tapılıb - FOTO

BMT-nin qətnamələrinin icrası ATƏT-in Minsk qrupunun həmsədrlərinə həvalə edilib
21.06.2018, 19:34

BMT-nin qətnamələrinin icrası ATƏT-in Minsk qrupunun həmsədrlərinə həvalə edilib

Azərbaycanda sosial müdafiə və sosial təminat xərcləri 7%-ə yaxın artırılır
21.06.2018, 19:22

Azərbaycanda sosial müdafiə və sosial təminat xərcləri 7%-ə yaxın artırılır

Vahid Ələkbərovdan neftin qiyməti ilə bağlı PROQNOZ - 100 dollara çatmayacaq
21.06.2018, 19:05

Vahid Ələkbərovdan neftin qiyməti ilə bağlı PROQNOZ - 100 dollara çatmayacaq

Onlar UNEC-i seçir
21.06.2018, 18:51

Onlar UNEC-i seçir

Abşeronda piyadanı avtomobil vurub öldürdü
21.06.2018, 18:49

Abşeronda piyadanı avtomobil vurub öldürdü

Azərbaycanda universitetin girişində sütunlu tavan çöküb
21.06.2018, 18:43

Azərbaycanda universitetin girişində sütunlu tavan çöküb

Baş nazirin birinci müavini vəzifəsindən azad edildi
21.06.2018, 18:39

Baş nazirin birinci müavini vəzifəsindən azad edildi

Sumqayıtda məcburi köçkün ailələri üçün tikilən bina bu il YEKUNLAŞACAQ
21.06.2018, 18:32

Sumqayıtda məcburi köçkün ailələri üçün tikilən bina bu il YEKUNLAŞACAQ

Dəmirçi-Lahıc avtomobil yolunun tikintisinə 13,7 milyon manat ayrılıb
21.06.2018, 18:26

Dəmirçi-Lahıc avtomobil yolunun tikintisinə 13,7 milyon manat ayrılıb

64800 şagird üçün keçirilən buraxılış imtahanı başa çatıb
21.06.2018, 18:23

64800 şagird üçün keçirilən buraxılış imtahanı başa çatıb

ARXİV
SORĞU
Hansı ölkə dünya çempionu olacaq?
Argentina(15.0%)
Braziliya(24.5%)
Almaniya(11.3%)
İngiltərə(3.14%)
Portuqaliya(11.9%)
İspaniya(4.40%)
Fransa(5.03%)
Belçika(1.88%)
Seneqal(3.14%)
Rusiya(19.4%)