21 aprel 2018, Şənbə
Ana Səhifə - REPORTAJ - Cocuq-Mərcanlıda  bu yaz bir başqa yazdır - REPORTAJ
Cocuq-Mərcanlıda  bu yaz bir başqa yazdır - REPORTAJ
08.04.2017, 16:57

Modern.az-ın müxbiri Cocuq Mərcanlıdan yazır


İstilalar və işğalçılıq siyasətinin ərsəyə gətirdiyi savaş tərəqqi sayılmır. Bu baxımdan da işğlaçı dövlət  heç vaxt qəhrəmanlıq salnaməsi yarada bilməz.

Qarabağa gedən yol!

Aprelin 5-i Təhsil Nazirliyinin təşkilatçılığı ilə Cəbrayıl rayonunun  işğaldan azad olunmuş Cocuq-Mərcanlı kəndinə səfər təşkil edildi. Əcnəbi tələbələrin və media nümayəndələrinin iştirakı ilə gerçəkləşən səfər həm də tanıtım xarakteri daşıyırdı. Beləliklə, yolumuz Cocuq-Mərcanlıyadır... O Cocuq Mərcanlıya ki, 24 il idi  düşmənin atəşi altında boynubükük qalmışdı. 1994-cü ildə işğaldan azad edilsə də, strateji əhəmiyyət kəsb edən Lələtəpə yüksəkliyinin ermənilərdə olması, kəndi ciddi təhlükədə saxlayırdı. Amma ötən ilin aprel ayında cəbhədə baş verən 4 günlük savaş Lətəpədə qələbə qazanmağımızla nəticələndi... Və Cocuq Mərcanlıya təhlükə aradan qalxdı...

24 ildən sonra gələn bahar!

Yol boyu beynimizdə nə xəyallar qurmurduq ki! Kilometrlərcə uzanan yol bizi çox uzaqlara aparırdı. Füzuli rayonunu  keçərkən, sevincin bəxş etdiyi həyəcanı bir başqa cür yaşayırdıq. İllərdir ki, Qarabağın  hər qarışına, qələbəyə, birliyə, bütövlüyə  acıq. O üzdən də, Cocuq-Mərcanlıda  qovuşma anını kəlmələrlə ifadə etmək çətindiir. Təbiətin oyanan vaxtı, əsarətdən qurtulan torpaqla qovuşmaq, onu sevə-sevə qoxlamaq bir başqa dünyadır. Təsəvvür edirsiz...  Ayaq basdığın torpaq sənə qucağını açıb. Əsarətdən qurtulan yurdun məmnun halına tamaşa etmək bir ayrı zövqdür.

Əsarətdə olan məmləkətin nə yazı olur, nə də Günəşi...

Baz  Cocuq-Mərcanlıda  bir başqa yazdır. Təbiətin al-əlvan vaxtıdır. Sanki 24 il idi ki, bura bahar gəlmirdi. Sanki Günəş doğmurdu, torpaq isinmirdi. 24 il idi ki, Cocuq-Mərcanlının ruhuna soyuq küləklər, şaxtalı hava hakim kəsilmişdi.

Bir həqiqət var. Ətrafını saran düşmənin yad nəfəsi, heç vaxt bahar ola bilməz. Kəlbəcərdən olan Dilqəm Əsgərov da, Şahbaz Quliyev də 2 ildən çoxdur ki, yaza həsrətdirlər. Onların fəryadını Cocuq-Mərcanlıda daha yaxından eşitmək olur.


Övladsız vətənin, vətənsiz övladın üzü gülməz deyirlər. Di gəl ki, Dilqəm Əsgərovla Şahbaz Quliyev doğma torpaqlarında olsalar da, qolları qandallı əsarət havasından boğulurlar. Bu arada, məmləkət öz insanı ilə xoşbəxtdir. Yetər ki, ayırmasınlar. Yetər ki, köləliklə imtahan edilməsinlər.

Bu yaz Cocuq-Mərcanlıda bir başqa yazdır.

Burdan işğal altında qalan Şuşaya, Laçına, Kəlbəcərə getmək  o qədər də uzaq deyil. Amma düşmənin qəsbkar siyasəti yaxın məsafələri çox uzaq edib. Üzü Şuşaya, Laçına, Kəlbəcərə tərəf baxanda səmaların qan ağladığını görməmək mümkün olmur. Oralar da da yaza həsrətdir.

Bu yaz Cocuq-Mərcanlıda bir başqa yazdır.


Oğlunun şəhid olduğu torpağa 24 ildən sonra gələn ana

Birinci Qarabağ savaşında Cocuq Mərcanli kəndi düşmənə qarşı əzmlə mübarizə aparıb. Həmin vaxt kəndin azadlığı uğrunda döyüşən oğullarımız olub. Kənd uğrunda ilk şəhid olanlardan biri - Faiq Rzayevin anası da bizimlədir. 24 ildən sonra oğlunun şəhid olduğu torpağa gələn ananın gözlərinə baxmaq olmurdu. Kəndə ayaq basan kimi şəhid Faiq Rzayevin anası Ruxsarə Məmmədova ağlaya-ağlaya oğlunun vuruşduğu, addımladığı torpaqda sanki onun ruhunu axtarırdı. Şəhidin anası deyir ki, oğlu şəhid olmazdan bir həftə əvvəl Cocuq Mərcanlıya gedib.


“Cocuq-Mərcanlıdan 1994-cü ilin mart ayında çıxanam. Novruz bayramı axşamı oğlumun şəhid xəbərini aldım. Düz 24 il idir ki, rahat ola bilmirdim. Amma ötən ilin “Aprel hadisələri” zamanı Lələtəpənin tam azad olunmasını eşidəndən sonra “oğlumun qisası alındı” dedim. Gün o gün olsun ki, bütün torpaqlarımız işğaldan azad olunsun”.

İndi şəhid anasının bir arzusu var. O da  oğlunun adının şəhid olduğu kənddə əbədiləşdirilməsidir.

Keçmiş döyüşçülərin döyüş ruhuna heyranam

Müharibənin üzü sərtdir. Həm də çox sərt. Yazılmayan qanunlarla idarə olunur, müharibə. Vətənin istiqlaliyyəti, azadlığı uğrunda canından, qanından keçən saysız-hesabsız oğullarımız var. Birinci Qarabağ savaşında Cocuq Mərcanlının müdafiəsinə qalxan qəhrəman oğulları 24 ildən sonra vuruşduqları torpaqda görürük. Onların üzünə baxdıqca, Birinci Qarabağ savaşının detallarını oxumaq olur. Sağlamlıqlarını vətənin azadlığı uğrunda qurban vermələrinə baxmayaraq, düşmənlə açıq savaşa girmək ruhundadırlar. Onlar hər birimizin uğrunda əllərini-ayaqlarını, gözlərini itiriblər. Lakin 24 il bundan əvvəl burda vuruşan keçmiş  döyüşçülərin ruh yüksəkliyinə heyran qalmaya bilmirsən. Gəldiyim qənaət budur. Vətən, bu cür oğulların sayəsində yaşayır.


Əcnəbi tələbələrin Cocuq-Mərcanlı ilə tanışlığı

Birinci Qarabağ savaşından sonra Azərbaycan-Ermənistan arasında 1994-cü ilin may ayının 12-də Bişkek protokoluna əsasən, sülh razılığının əldə olunması əslində, müharibə xofunun beyinlərdə ölməməsini nümayiş etdirdi. Mütamadi olaraq, atəşkəsin pozulması halları baş verir. Cəbrayıl rayonunun Cocuq Mərcanlı kəndi 1994-cü ilin əvvəllərində düşməndən azad edilsə də, Lələtəpə yüksəkliyinin əsarətdə qalması vətəndaşların məskunlaşmasını məhdudlaşdırmışdı. 2016-cı ilin “Aprel hadisələri” zamanı Lələtəpə yüksəkliyinin düşməndən azad edilməsi Cocuq-Mərcanlı kəndində yaşayışın bərpa edilməsini mümkün edib. 250 nəfərlik ailənin məskunlaşması üçün  Cocuq Mərcanlıda tikinti-quruculuq işləri sürətlə həyata keçirilir. Səfər iştirakçıları Cocuq Mərcanlıda yeni bünövrəsi qoyulan məktəbin tikinti işləri ilə tanış oldular. Məlumat verildi ki, 150 şagirdin oxuya biləcəyi məktəbin tikintisinə bu ilin fevral ayında başlanılıb.


Təhsil Nazirliyinin təşkilatçılığı ilə Cocuq-Mərcanlıya səfər zamanı  ötən ilin “Aprel hadisələri” zamanı şəhid olmuş Orxan Həmidovun övladları ilə də görüşmək şansımız oldu. Horadiz şəhərində Heydər Əliyev Fondu tərəfindən inşa olunan 3 nömrəli tam orta məktəbdə müəllim və şagirdlərlə görüş zamanı  təhsil nazirinin müavini Firudin Qurbanov çıxış edərək, işğal altında olan digər ərazilərin də azad ediləcəyinin uzaqda olmadığını söylədi. Daha sonra məktəbdə təhsil alan şəhid övladlarına kitablar hədiyyə olundu.


Dediyim kimi, səfərdə əcnəbi tələbələr də iştirak edirdi. Yol boyu ərazilərimizlə yaxından tanış olan tələbələrə Lələtəpə yüksəkliyi, Cocuq Mərcanlı kəndi barədə geniş informasiyalar verildi. Əcnəbi tələbələr kənddə ağacəkmə kampaniyasında da aktiv iştirak etdiər. 

 



Namidə BİNGÖL

 


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
ABŞ nüvə silahlarını Aralıq dənizinə göndərdi
21.04.2018, 11:43

ABŞ nüvə silahlarını Aralıq dənizinə göndərdi

Yerevanda yenə müxalifətin mitinqi başladı
21.04.2018, 11:33

Yerevanda yenə müxalifətin mitinqi başladı

Baş nazirliyə namizəd açıqlandı – Novruz Məmmədov – EKSKLÜZİV
21.04.2018, 11:08

Baş nazirliyə namizəd açıqlandı – Novruz Məmmədov – EKSKLÜZİV

Ələmdar Cabbarlının imza günü keçirildi
21.04.2018, 10:42

Ələmdar Cabbarlının imza günü keçirildi

Bakıda xəstəxananın zirzəmisi yandı
21.04.2018, 10:38

Bakıda xəstəxananın zirzəmisi yandı

Pekin aeroportu 97 reysi təxirə saldı 
21.04.2018, 10:21

Pekin aeroportu 97 reysi təxirə saldı 

Çaylarda sululuq SƏVİYYƏSİ 
21.04.2018, 10:18

Çaylarda sululuq SƏVİYYƏSİ 

Prezident Artur Rasizadə ilə görüşdü, gördüyü işlərə görə təşəkkür etdi
21.04.2018, 09:52

Prezident Artur Rasizadə ilə görüşdü, gördüyü işlərə görə təşəkkür etdi

Cəbhədə şiddətli atışma oldu 
21.04.2018, 09:44

Cəbhədə şiddətli atışma oldu 

Deputatlar NATO PA-nın 97-ci “Rouz-Rout” seminarında çıxış edəcək 
21.04.2018, 09:37

Deputatlar NATO PA-nın 97-ci “Rouz-Rout” seminarında çıxış edəcək 

"Skripal işi" üzrə əsas şübhəlilər müəyyən edildi
21.04.2018, 09:14

"Skripal işi" üzrə əsas şübhəlilər müəyyən edildi

Parlament bu gün TOPLANIR - Baş nazirin kimliyi açıqlanacaq 
21.04.2018, 09:03

Parlament bu gün TOPLANIR - Baş nazirin kimliyi açıqlanacaq 

Tramp Şimali Koreyanın qərarını ALQIŞLADI 
21.04.2018, 08:59

Tramp Şimali Koreyanın qərarını ALQIŞLADI 

Çinli turistlər prioritet istiqamət kimi Naftalanı seçir - Maraqlı fakt 
21.04.2018, 01:11

Çinli turistlər prioritet istiqamət kimi Naftalanı seçir - Maraqlı fakt 

Qırğızıstanın yeni  Baş naziri məlum oldu
21.04.2018, 00:20

Qırğızıstanın yeni  Baş naziri məlum oldu

ABŞ məktəbində daha bir atəş açılıb
21.04.2018, 00:17

ABŞ məktəbində daha bir atəş açılıb

Ermənilərin Kölndəki “soyqırımı" memorialı söküləcək
21.04.2018, 00:14

Ermənilərin Kölndəki “soyqırımı" memorialı söküləcək

Birinci sinfə qəbul üzrə 55 minədək sorğu yerləşdirilib
21.04.2018, 00:13

Birinci sinfə qəbul üzrə 55 minədək sorğu yerləşdirilib

Ürəyi cavanlaşdırmağın yolu tapıldı
21.04.2018, 00:09

Ürəyi cavanlaşdırmağın yolu tapıldı

Gürcüstan-Azərbaycan sərhədində polis əməkdaşı güllələnib
21.04.2018, 00:08

Gürcüstan-Azərbaycan sərhədində polis əməkdaşı güllələnib

İrəvanda etirazçılar hava limanına gedən yolu bağlayıblar
20.04.2018, 23:55

İrəvanda etirazçılar hava limanına gedən yolu bağlayıblar

Şenol Günəşin başını yaran şəxs: “Qapıçı bizi təhqir etdi, gərginlik yarandı”
20.04.2018, 23:46

Şenol Günəşin başını yaran şəxs: “Qapıçı bizi təhqir etdi, gərginlik yarandı”

Leyla Əliyeva sağlamlıq imkanları məhdud uşaqlarla görüşdü— FOTOLAR
20.04.2018, 23:37

Leyla Əliyeva sağlamlıq imkanları məhdud uşaqlarla görüşdü— FOTOLAR

Dövlət Departamenti Rusiya, İran və Çini "qeyri-sabitlik ölkələri" adlandırıb
20.04.2018, 23:26

Dövlət Departamenti Rusiya, İran və Çini "qeyri-sabitlik ölkələri" adlandırıb

Hökumət düyməyə basdı - 10 universitet bölünəcək   
20.04.2018, 22:18

Hökumət düyməyə basdı - 10 universitet bölünəcək  

Məşhur sovet kosmanavtı vəfat etdi
20.04.2018, 22:15

Məşhur sovet kosmanavtı vəfat etdi

Qəzzada qanlı toqquşmalar: 645 yaralı –  VİDEO
20.04.2018, 22:12

Qəzzada qanlı toqquşmalar: 645 yaralı –  VİDEO

"Afrində 4250 terrorçu  zərərsizləşdirilib - ƏRDOĞAN 
20.04.2018, 21:30

"Afrində 4250 terrorçu  zərərsizləşdirilib - ƏRDOĞAN 

Gömrük Komitəsi və Vergilər Nazirliyi bəzi əməliyyatlara birgə nəzarət edəcək
20.04.2018, 21:17

Gömrük Komitəsi və Vergilər Nazirliyi bəzi əməliyyatlara birgə nəzarət edəcək

Mərkəzi Elmi Kitabxananın innovativ layihəsi
20.04.2018, 21:14

Mərkəzi Elmi Kitabxananın innovativ layihəsi

Rusiyanı, Trampın qərargahı və “WikiLeaks” məhkəməyə verildi
20.04.2018, 21:02

Rusiyanı, Trampın qərargahı və “WikiLeaks” məhkəməyə verildi

Mətbəximizdə xəbərsiz olduğumuz bəla - O bizi belə məhv edir
20.04.2018, 20:55

Mətbəximizdə xəbərsiz olduğumuz bəla - O bizi belə məhv edir

Azərbaycanda yaşı  100-dən çox olanların  sayı azalıb - SON RƏQƏM 
20.04.2018, 20:43

Azərbaycanda yaşı  100-dən çox olanların  sayı azalıb - SON RƏQƏM 

Əkin sahələrində çəyirtkəyə qarşı mübarizə tədbirləri başlanılıb
20.04.2018, 19:27

Əkin sahələrində çəyirtkəyə qarşı mübarizə tədbirləri başlanılıb

İkinci Dünya Müharibəsi veteranlarına ŞAD XƏBƏR
20.04.2018, 19:15

İkinci Dünya Müharibəsi veteranlarına ŞAD XƏBƏR

ARXİV
SORĞU
Ali məktəblərə qəbul imtahanlarının qiymətlərinə necə baxırsınız?
İmtahan qiymətləri çox yüksəkdir(9.52%)
İmtahan qiymətləri normalıdr(4.76%)
İmtahan qiymətləri aşağıdır(0%)
Qiymətlər ləğv edilməli, imtahanlar pulsuz olmalıdır(76.1%)
İmtahan qiymətləri azaldılmalıdır(2.38%)
İmtahan qiymətləri artırılmalıdır(7.14%)