24 oktyabr 2017, Çərşənbə
Ana Səhifə - MÜSAHİBƏ - Ən yüksək bal toplayıb ən ucqar dağ kəndini seçən müəllim: “Heç kim alim doğulmur” - MÜSAHİBƏ
Ən yüksək bal toplayıb ən ucqar dağ kəndini seçən müəllim: “Heç kim alim doğulmur” - MÜSAHİBƏ +
12.04.2017, 09:39

Bu gün cəmiyyətimizdə bəzi gənclər peşə vəzifələrini ən ucqar kəndlərdə yerinə yetirirlər. Onlar necə deyərlər, gözdən-könüldən uzaqda olsalar da, ehtiyac olan yerlərdədirlər. Bu vəsilə ilə Modern.az saytı “Ucqar kəndin gənc müəllimi” layihəsini davam etdirir. 

Bu günə kimi respublikanın əksər ucqar rayonlarının kəndlərində işləməyə gedən gənc müəllimlərdən müsahibələr götürülüb və onların problemləri, dərs şəraiti öyrənilib. 


Budəfəki müshaibimiz isə pedaqoji fəaliyyətə Goranboy rayonunun ucqar dağ kəndi olan Todan kənd orta məktəbində başlayan Azad Həsənovdur. Onu digər müsahiblərimizdən fərləndirən cəhət isə tarix fənni üzrə 2016-2017-ci ildə müəllimlərin işə qəbul imtahanında respublika üzrə ən yüksək bal toplamasıdır. Müsahibimiz həmçinin Goranboy rayonu üzrə “İlin gənc müəllimi” adına layiq görülüb.

- Əvvəlcə sizi tanıyaq...

- Mən, 1992-ci il dekabrın 18-də Goranboy rayonunun Qızılhacılı qəsəbəsində anadan olmuşam. 1999-cu ildə Qızılhacılı qəsəbə şəhid Mahir Dosiyev adına 2 saylı tam orta məktəbin 1-ci sinifinə getmişəm. 2010-cu ildə həmin məktəbi bitirərək, elə həmin ildə yüksək balla Bakı Dövlət Universitetinin (BDU) Tarix fakultəsinə qəbul olunmuşam. 2014-cü ildə BDU-nu bitirdikdən sonra, 2014-15-ci illərdə Dövlət Sərhəd Xidmətinin N saylı hərbi hissəsində xidmət etmişəm.
2016-2017-ci tədris ilində Təhsil Nazirliyi tərəfindən keçirilən Müəllimlərin İşə Qəbulu müsabiqəsində respublika tarix müəllimləri arasında ən yüksək bal – 58 bal toplayaraq Goranboy rayonunun ən ucqar dağ kəndlərindən olan Todan kənd tam orta məktəbinə təyinat almışam. Hal-hazırda həmin məktəbdə tarix müəllimi işləyirəm.

- Müəllim olmağı əvvəldən istəmisiz? Bu qərara necə gəldiniz?

- Düzünü desəm, müəllim olmaq kimi fikrim olmayıb. Həmişə arzum hüquqşünas, ya da polis olmaq olub. Ancaq tale-qismət məni BDU-nun Tarix fakültəsinə gətirdi. Hal-hazırda müəllim olmağıma peşman deyiləm. Mənə bu peşəni sevdirən şagirdlərimdir. Məktəbdə, sinifdə onların mənə qoyduqları hörmət, eləcə də kənd sakinləri tərəfindən gördüyüm mehribançılıq bir gənc müəllim kimi məndə müəllimliyə həvəs yaradır. İşlədiyim kənd Kəpəz dağının ətəyində yerləşir. Qarabağ müharibəsi zamanı Todan kəndi 4 yandan ermənilər yaşayan kəndlərlə əhatə olunsa da, çox qəhrəmanlıqla öz doğma kəndlərini qoruyublar. Burda kənd sakinləri ilə, kənddə yaşayan qazilərlə bu mövzuda çoxlu söhbətlər etmişəm. Todan doğrudan da Goranboyun qəhrəman kəndlərindən biridir. Bura həm də səfalı bir yerdir. Gözəl təbiəti var.


- Sizcə gənc müəllimlərin ucqar dağ kəndinə getmək istəməmələri nə ilə bağlıdır?

-  Bunun səbəbi məncə əsasən istilik problemi və yol problemiylə yanaşı, onlara ayrılan məvacibin normal yaşayış üçün qənaətbəxş olmamasıdır.

- Necə oldu ki, tarix üzrə respublika birincisi kimi ucqar dağ ndini seçdiniz?

- Bu mənə ən çox verilən suallardandı. Mən ilk öncə ailə problemi və maddiyyatla bağlı olaraq bu kəndi yazdım. Həm də ki, mənə bir sıra şəhər məktəblərindən təkliflər gəldi. Ancaq təhsilimiz tək şəhərdən ibarət deyil ki! Kənd uşaqlarının da yaxşı müəllimdən yaxşı təhsil alması haqlarıdır. Ona görə də, seçimimdə heç də peşman deyiləm. Sizə onu da bildirim ki, respublika üzrə yüksək bal toplamağım münasibətilə Goranboy rayonunda bu il 2 fevral  “Gənclər günü” münasibətilə  "İlin müəllimi"  adına layiq görüldüm. Bu adı aldığım üçün qürur hissi duyuram. Məni qiymətləndirən hər kəsə təşəkkürümü bildirirəm. “İlin gənc müəllimi” adını almağım mənim üzərimə daha böyük məsuliyyət qoydu. Özümə söz verdim ki, hansı işdə, vəzifədə olmağımdan asılı olmayaraq hər zaman öz üzərimdə daha yaxşı çalışacam, gələcək nəslin təlim tərbiyəsində daha yaxından iştirak edəcəm.

- İşlədiyiniz kənddə çətinliklərlə qarşılaşmısızmı?

- Çətinlik hər zaman olur. İşlədiyim kənd doğulub boya-başa çatdığım qəsəbədən 86 km məsafədə yerləşir. Gedib gəlmək çətin olur, əsas da qış aylarında. Yolları narahatdı. Gəlmək üçün xərcim çox çıxır. Maşın olmayanda 16 kilometrə yaxın yolu piyada Göygöl rayonunun Çaykəndinə qalxıb, ordan taksiylə avtovağzala gəlirəm. Yeri gəlmişkən, rayon rəhbərliyindən bir gənc müəllim kimi xahiş edirəm ki, bu kəndin yolları düzəldilsin və imkan varsa həmin kəndə işləyən avtobus da yenilənsin. Sovetdən qalma bir “PAZ” avtobusu var. O da sərnişin olanda gəndə gəlir, olmayanda gəlmir.

- Bəs yaxşı, aylıq gəlirinizlə ehtiyacınızı ödəyə bilirsiniz? Orada kirayə qalırsınız? Kirayə haqqı nə qədərdir?

-  Aylıq gəlirim problemlərimi ödəməyimə kömək edir. Maaşım 246 manatdı. 160 manat da təyinat puludu. Çətin olsa da, halal zəhmətimlə qazanıram. Burda kirayədə yaşayıram. Aylıq 30 manat kirayə haqqı verirəm.


- Şagirdlərinizin dərsə davamiyəti, sizin fənninizə marağı necədir?


- Məktəbdə ümumilikdə 119 şagird var və məktəbdə davamiyyət yaxşıdır. Havadan asılı olmayaraq şagirdlər hər gün dərsə gəlirlər. Təvazökarlıqdan uzaq olsa da, o məktəbdə tarix fənninə həvəs olmasa da, o həvəsi artıq şagirdlərimdə yaratmışam və mənim fənnimə hazır gəlirlər.

- Ümumilikdə, işlədiyiniz məktəbin şəraiti, keçirilən dərslərin keyfiyyəti necədir?

- Məktəbin şəraiti heç də yaxşı deyil. 40-cı illərdə tikilmiş məktəbdir. Dam örtüyü yaxşı olsa da, tavanı, döşəməsi yaxşı deyil. Partalar da hamsı köhnədir. Yeni məktəbin tikilməsi ilə bağlı yeni plan götürüblər. Yayda yeni məktəb inşa olunacağı deyilir. Ölkəmiz neft-qaz ölkəsi olsa da, heyif ki, o kənddə qaz yoxdur. Siniflərdə isə 4-cü saata kimi sobalar yanır, sonra sinif soyuq olur. Ancaq, odun sobalarından istifadə olunur. Məktəb rəhbərliyi istiliklə bağlı məsələni aradan qaldırmağa çalışsa da, bu bir nəfərin həll edə biləcəyi iş deyil.

- İstedadlı şagirdlər varmı mətəbinizdə?

- Bəli, bu kənddə həmişə adlı-sanlı insanlar yetişibdir. Hal-hazırda da var. Eyni ildə BDU-nun Hüquq fakültəsinə 2 nəfər, Qafqaz Universitetinə, Gəncə Dövlət Universitetinə qəbul olunan tələbələr var. Keçən il də, Tarix, Filologiya, Riyaziyyata qəbul olunan şagirdlər olubdur. Bu ənənənin bu il də davam edəcəyinə inanıram. Çünki, dərs dediyim savadlı şagirdlər var.

Gənc yaşda müəllimlik fəailiyyətinə şəhərdə yox, ucqar dağ kəndində başlayan müəllimlərə fədakar kimi baxırlar. Sizcə də bu belədir?

- Mən həmişə fərqli olmağa çalışmışam. Ona görə də, ən yüksək balla ən ucqar dağ kəndini yazmışamsa, deməli bir qədər də fərqli olmaq istədim.


- Sizin işlədiyiniz məktəbə gəlişiniz hansı dəyişikliyə səbəb oldu?

- Mənim gəlişim sırf dəyişikliyə səbəb olmasa da, şagirdlərdə vətənpərvərlik, vətənə, millətə, bayrağa, şəhidlərə qarşı sevgini artırıb. Çünki, arada dərsdə boş vaxtlardan istifadə edib şagirdlərə vətənpərvərliyi təbliğ edirəm. Çünki, biz ömür boyu bizə vətəni əmanət qoyan babalarımıza, şəhidlərimizə borcluyuq.

- Fikrinizcə, hansı məsələlər həll olunsa, kəndlərdə təhsilin keyfiyyəri artar?

- Təhsilin keyfiyyəti üçün, ilk növbədə maddiyyat önəmlidir. Çünki, ailələrdə maddi çətinliklə bağlı şagirdlərə valideyinləri tərəfindən müəyyən işlər tapşırılır. Bu da uşaqların dərsdən yayınmasına gətirib çıxardır.

- Güzəştli şərtlərlə müəllim işləyənlər 3 il bitdikdən sonra məcburdurlar ki, həmin məktəbdə işləsinlər? Gələcəkdə fikriniz nədir?

- Mən bayaq özüm haqda məlumat verəndə dedim, uşaqlıq arzum hüquqşünas və ya polis olmaq olubdur. Hüquqşünas olmağım real görünməsə də, ancaq polis olmaq üçün imtahana hazırlaşıram. İxtisasım pedaqoq olduğu üçün, 18 yaşa qədər olan şəxslərlə Profilaktik iş üzrə polis vəzifəsinə qəbul üçün imtahan materiallarına hazırlaşıram. Keçən ildən vakansiya veriləcəyi deyilsə də, hələ vakansiya verilməyib. Vakansiya verilsə imtahan mərhələsindən keçəcəyimə inanıram. Hal-hazırda Goranboy rayonu üzrə keçiriləcək müəllimlərin diaqnostik qiymətləndirmə imtahanına da hazırlaşıram. İnanıram ki, bu imtahandan da yüksək nəticə əldə edəcəm.

- Necə olduki,58 bal topladınız? Bu balı topluyacağınıza inanırdınızmı?

- Bəli, inanırdım. Çünki, qarşıma məqsəd qoymuşdum ki, bu il yüksək balla qəbul olacam. Bir az kurikulum suallarından çəkinirdim, amma imtahanda “bitir” düyməsindən sonra hər şey bəlli oldu. Respublika üzrə rekord nəticə yığmaq isə tam başqa qürurvericidir.


- Dərsdən əlavə repetitorluqla məşğul olursunuzmu?


- Bəli, məşğul oluram.


- Müəllimlikdən başqa, işdən sonra hansı işlərlə məşğul olursunuz?

- İşdən sonra, boş vaxtlarımda evdə yandırmaq üçün odun doğrayıram. Qeyd edim ki, Todan kəndinə hələ də mavi qaz çəkilməyib. Mən uşaqlıqdan idmanın cüdo növüylə məşğulam. Hər gün boş vaxtımda 2 saata qədər idmanla da məşğul oluram. Bundan əlavə, ixtisasıma aid və bilik yarışlarını əhatə edən materiallar oxuyuram. Fəaliyyətim tək müəllimliklə deyil, həm də Goranboyda bir sıra ictimai işlərdə yaxından iştirak edirəm. Bir sıra bilik yarışlarının, respublika kubokunun 2016-cı il dekabrın 4-də Bakıda Fairmont sarayında "Nə? Harada? Nə zaman?" Milli İntellektual yarışında komanda kapitanı kimi Goranboyu təmsil etmişəm. Keçən il yay aylarında Göygöldə keçirilən "Xəmsə" Milli İntellektual yarışı üzrə komandamla birlikdə zona 2-cisi olmuşuq. Bundan əlavə keçən il yaradılan Goranboy İntellektual Oyunlar Kubokunun rayon daxili keçirtdiyi yarışlarda iştirak edirəm və həmin klubun sədr müaviniyəm. Əlavə olaraq “Feysbuk”da yaratdığım Tarix müəllimlərinin qrupunda vaxtımı keçirdirəm.

- Sizin müəllimliyə hazırlaşanlara tövsiyəniz nədir?

- Qarşıya qoyulan hər məqsədə çatmaq olur. Yetər ki, can-başla çalışasan. Heç kim alim doğulmur. Hamı oxuyub məlumatlanır. Daha səylə çalışmaq və uğura imza atmaq lazımdır. Mən bunu özümdən gördüm. 3 ay yay aylarında mən çox əziyyət çəkdim və şükür ki, bəhrəsini gördüm.


- Bu yolda sizə kimlər dəstək olub?

- Birinci növbədə ailəm dəstək olub. Müəllim dostlarım olan Yunis və Yusif müəllim də mənə böyük dəstək oldular. Onların hər ikisi hazırlığıma köməklik göstərdilər. Buna görə onlara təşəkkür edirəm.

 

A.Qorxmaz


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Ermənistanda rusiyalı əsgər xidmət yoldaşını öldürüb
24.10.2017, 00:57

Ermənistanda rusiyalı əsgər xidmət yoldaşını öldürüb

Bərdənin su təchizatında problem yarandı
24.10.2017, 00:43

Bərdənin su təchizatında problem yarandı

Ölkədə seysmik vəziyyətin fon səviyyəsi 8-9 baldır - Video
24.10.2017, 00:17

Ölkədə seysmik vəziyyətin fon səviyyəsi 8-9 baldır - Video

İlin ən yaxşı məşqçisi Zidan oldu
24.10.2017, 00:01

İlin ən yaxşı məşqçisi Zidan oldu

Gürcüstanda azərbaycanlı qətlə yetirildi
23.10.2017, 23:46

Gürcüstanda azərbaycanlı qətlə yetirildi

Bakıda xarici qonaqlara xüsusi taksilər xidmət göstərəcək
23.10.2017, 23:26

Bakıda xarici qonaqlara xüsusi taksilər xidmət göstərəcək

Ankara Böyükşəhər Bələdiyyəsinin sədri istefa verir
23.10.2017, 23:07

Ankara Böyükşəhər Bələdiyyəsinin sədri istefa verir

Yağın ardınca pendir də bahalaşdı - VİDEO
23.10.2017, 22:48

Yağın ardınca pendir də bahalaşdı - VİDEO

Cənubi Qafqaz dünyanın ən hərbiləşdirilmiş bölgələrindən biridir
23.10.2017, 22:31

Cənubi Qafqaz dünyanın ən hərbiləşdirilmiş bölgələrindən biridir

Ukrayna prezidentinə sui-qəsd ...
23.10.2017, 22:17

Ukrayna prezidentinə sui-qəsd ...

ABŞ-ın dövlət katibi Bağdada gəldi
23.10.2017, 22:01

ABŞ-ın dövlət katibi Bağdada gəldi

Pan-Afrika Parlamentinin prezidenti Heydər Əliyev Mərkəzində oldu
23.10.2017, 21:46

Pan-Afrika Parlamentinin prezidenti Heydər Əliyev Mərkəzində oldu

İşğal olunmuş torpaqda İŞĞALÇINI MƏĞLUB ETMƏK HƏQİQƏTİ...
23.10.2017, 21:31

İşğal olunmuş torpaqda İŞĞALÇINI MƏĞLUB ETMƏK HƏQİQƏTİ...

Gürcüstanda Azərbaycan vətəndaşı həbs edildi - Rəsmi
23.10.2017, 21:13

Gürcüstanda Azərbaycan vətəndaşı həbs edildi - Rəsmi

Çeçenistanda silahlı insident: 4 ölü
23.10.2017, 20:57

Çeçenistanda silahlı insident: 4 ölü

Müsavatçılar Bakı Şəhər İcra Hakimiyyətinin qarşısına toplaşacaq
23.10.2017, 20:43

Müsavatçılar Bakı Şəhər İcra Hakimiyyətinin qarşısına toplaşacaq

Gürcüstanın baş naziri Bakıya gəlir
23.10.2017, 20:29

Gürcüstanın baş naziri Bakıya gəlir

İtaliyada meşə yanğınları səbəbindən əhalinin təxliyyəsinə başlanılıb
23.10.2017, 20:16

İtaliyada meşə yanğınları səbəbindən əhalinin təxliyyəsinə başlanılıb

Ermənistan ordusunun daha 3 hərbi qulluqçusu fərarilik edib
23.10.2017, 20:02

Ermənistan ordusunun daha 3 hərbi qulluqçusu fərarilik edib

"Çudo Peçka”nın 27 əməkdaşı dindirilib
23.10.2017, 19:51

"Çudo Peçka”nın 27 əməkdaşı dindirilib

Penitensiar Xidmətin üç əməkdaşı istintaqa cəlb edilib
23.10.2017, 18:55

Penitensiar Xidmətin üç əməkdaşı istintaqa cəlb edilib

Avropa Birliyi Ermənistanın təxribatları barədə məlumatlandırılıb
23.10.2017, 18:40

Avropa Birliyi Ermənistanın təxribatları barədə məlumatlandırılıb

Sabahdan güclü geomaqnit qasırğası başlayır
23.10.2017, 18:31

Sabahdan güclü geomaqnit qasırğası başlayır

Şəkidə yol tikintisinə 4,8 milyon manat ayrıldı
23.10.2017, 18:16

Şəkidə yol tikintisinə 4,8 milyon manat ayrıldı

Rəsulzadənin ailəsi ilə SON GÖRÜŞÜ...
23.10.2017, 18:11

Rəsulzadənin ailəsi ilə SON GÖRÜŞÜ...

Abel Məhəmmərovdan birinci kurs tələbələrinə çağırış
23.10.2017, 18:05

Abel Məhəmmərovdan birinci kurs tələbələrinə çağırış

Kamal Abdulla BMT nümayəndəsi ilə görüşüb
23.10.2017, 17:49

Kamal Abdulla BMT nümayəndəsi ilə görüşüb

Növbəti 3 gündə güclü geomaqnit həyəcanlaşması gözlənilir
23.10.2017, 17:44

Növbəti 3 gündə güclü geomaqnit həyəcanlaşması gözlənilir

Manat və dolların sabahkı məzənnəsi
23.10.2017, 17:22

Manat və dolların sabahkı məzənnəsi

İraq kürdləri Bağdaddan sülh istədi
23.10.2017, 17:20

İraq kürdləri Bağdaddan sülh istədi

Uşaqların dini mərasimlərə aparılması rəsmən QADAĞAN OLUNUR  
23.10.2017, 17:17

Uşaqların dini mərasimlərə aparılması rəsmən QADAĞAN OLUNUR  

Tovuzda usta iş yerində "laqonda" ilə əlini doğradı
23.10.2017, 17:15

Tovuzda usta iş yerində "laqonda" ilə əlini doğradı

Cocuq Mərcanlının günəşli payızı - REPORTAJ
23.10.2017, 17:09

Cocuq Mərcanlının günəşli payızı - REPORTAJ

Cəlilabadda məktəbə 2 nəfər direktorluq edir - QALMAQAL
23.10.2017, 17:06

Cəlilabadda məktəbə 2 nəfər direktorluq edir - QALMAQAL

Hadı Rəcəbli üslubu
23.10.2017, 17:06

Hadı Rəcəbli üslubu

ARXİV
SORĞU
Hansı kommunal xidmətin işindən razısınız?
“Azəriqaz”(4.88%)
“Azərişıq”(24.8%)
“Azərsu”(9.02%)
“Azəristiliktəchizat”(3.00%)
Heç biri(58.2%)