24 may 2018, Cümə axşamı
Ana Səhifə - QARABAĞ - “Rusiya Lapşindən ötrü özünü “cırır”, amma Dilqəm Əsgərova görə bir iş görmür” - MÜSAHİBƏ
“Rusiya Lapşindən ötrü özünü “cırır”, amma Dilqəm Əsgərova görə bir iş görmür” - MÜSAHİBƏ
13.04.2017, 09:15

Bayram Səfərov: “Ermənilərin Azərbaycana gətirilməsi işini dəstəkləyirəm”


Dağlıq Qarabağın Azərbaycanlı  İcmasının rəhbəri Bayram Səfərov  icmanın fəaliyyəti və digər məsələlərlə bağlı Modern.az-ın suallarını cavablandırıb.


-Bayram müəllim, icmanın rəhbəri olaraq, yaxın vaxtlarda Qarabağın erməni icması ilə hər hansı görüş gözlənilirmi?

- Hal-hazırda Ermənistanda vəziyyət gərgindir. Bu görüşə kimdir şərait yaradır? Digər tərəfdən, görüş baş tutsa belə, nə barədə danışa biləcəklər?! Onlar nə zaman öz rəhbərlərinə arxayın olub ki! Onlar nəsə desə belə, dediklərinə biz inanmarıq.


-Ümumiyyətlə, hər hansı görüşün baş tutması ilə bağlı Qarabağın erməni icmasından təklif gəlibmi?


-Ermənistan tərəfindən yaxın vaxtlarda görüşmək haqqında heç bir təklif gəlməyib. Ermənistandakı vəziyyət göz önündədir. Hətta parlament seçkilərindən əvvəl də Qarabağın azərbaycanlı icması ilə görüşdən boyun qaçırıblar. Onların icmasının fəaliyyəti var ki, üzərinə düşən işlə də məşğul olsun?! O baxımdan da hələ ki bu yaxınlarda heç bir görüş gözlənilmir. Həm Ermənistan tərəfi görüşsə, nə dəyişəcək ki! Hər gün bir provokasiya işi ilə məşğul olurlar. Onlar elə bir xalqdır ki, sözlərinə inanmaq qeyri-mümkündür. Erməni icması danışsa belə, kimə arxayın olub söz deyəcək! Rəhbərləri göz qabağındadır.

-Ötən ilin aprel hadisələri zamanı Lələtəpə yüksəkliyinin azad edilməsi ilə 1994-cü ildən nəzarətimizdə olan Cocuq Mərcanlı kəndinin təhlükəsizliyi tam təmin edildi. Ermənistan vətəndaşlarının Cocuq Mərcanlıya getməsi üçün  icmaya müraciət daxil olub? O baxımdan soruşuram ki, son vaxtlar Ermənistan vətəndaşlarının Azərbaycana gəlməsi hallarına tez-tez rast gəlinir.

-Əvvəla, mənə bu barədə heç bir müraciət daxil olmayıb.  Qarabağın Azərbaycanlı İcmasının rəhbəri olaraq, bu cür məsələlər hər zaman diqqətimizdə olur. Digər tərəfdən, dediyiniz kimi, Ermənistandan Azərbaycana gələnlərin sayı çoxdur. İcmanın rəhbəri olaraq ermənilərin Azərbaycana gətirilməsi işinə pis baxmıram. Dəstəkləyirəm. Lap yaxşı. Qoy gəlib  Azərbaycandakı inkişafı öz gözləri ilə görsünlər. Geri qayıdanda gördükləri mənzərəni ordakılara nəql etsinlər. Onların bura gəlməsi ən azından Azərbaycan haqqında həqiqətlərin çatdırılmasına imkan verir.

-Sizcə, bugünkü reallıqda Cocuq Mərcanlıya getmək istəyən erməni varmı?

-Düzü, indiki vəziyyətdə ermənilərin Cocuq Mərcanlıya gəlmək istəklərinin olması barədə nəsə deyə bilmərəm. Ola bilsin ki, bu istək gələcəkdə mövcud olsun. Çünki hələ Cocuq Mərcanlıda tikinti-quruculuq işləri həyata keçirilir. Yaxın vaxtlarda tikinti işləri başa çatandan sonra insanlar köçüb orada məskunlaşan ərəfədə beynəlxalq təşkilatlar bir daha ora gəlnəyə maraqlı olacaqlar. O zaman ermənilərdə də kəndi görmək həvəsi baş qaldıra bilər.

-Kəlbəcərli girovlar Dilqəm Əsgərov və Şahbaz Quliyevin məsələsi hələ də həll edilməmiş qalır. Bildiyiniz kimi, bloger Aleksandr Lapşinin geri qaytarılması üçün Rusiya əlindən gələni edir. Amma digər  vətəndaşı Dilqəm Əsgərovun geri qaytarılması ilə bağlı lazımi imkanlarından istifadə etmir.

-Adını çəkdiyimiz girovlar yaralı yerimizdir. Onların hər ikisi üçün Azərbaycan xalqının ürəyi yanır. Eyni zamanda, prezidentimizin girovların geri qaytarılması ilə bağlı xüsusi tapşırığı var. Sadəcə, digər işlərdə olduğu kimi, Ermənistan hakimiyyəti girovlar məsələsində də haqsızlıq nümayiş etdirir. Güman edirəm ki,  yaxın vaxtlarda girovların geri qaytarılması mümkün olacaq. Vicdanı olan azərbaycanlı girovlara görə yanmalıdır. Onlar bizim övladlarımızdır.

-İcmanın rəhbəri olaraq, yenidən girovlar məsələsi ilə bağlı beynəlxalq təşkilatlara müraciət etmək niyyətiniz varmı?

-Kimə müraciət edim?! Lapşinin adını çəkdiniz. Bəli, Lapşindən ötrü Rusiya özünü “cırır”. Amma, Dilqəm Əsgərova görə bir iş görmür. Rusiya, bir dəfə olsun, Dilqəmin dərdini çəkməyib. Bu, haqsızlıqdır. Bundan danışmaq lazımdır. İcmanın harasa müraciəti nəyi dəyişəcək?!

-Ötən ilin “Aprel hadisələri” qəhrəmanlıq tarixi kimi yaddaşlara hopdu. Sizcə, yeni qələbələr və ərazilər əldə etmək baxımından yenidən belə savaşlara ehtiyac varmı? Çünki sülh danışıqları zamanı hələ ki istənilən nəticə hasil olmur...

-Bilirsiniz, mən sülh istəyirəm. Dövlət başçımız da, xalqımız da sülh istəyir. Ulu öndərimiz də sülh tərəfdarı idi. Ona görə ki, müharibədə itkilər qaçılmazdır. Müharibədə  qanlı döyüşlər zamanı ölüm və itkilərin olması istisna deyil. Hansı ana istəyər ki, övladını itirsin! Yaxud da bacı qardaşını itirsin! Qadın ərini itirsin! Uşaq atasını itirsin! Əlbəttə, bunu heç kəs istəməz. Sülh yolu ilə torpaqların geri qaytarılması  mümkün olmayandan sonra, mən də müharibənin olmasını istəyirəm. Bu yolla torpaqlarımızı geri qaytara bilək. Hamı torpaqlarımızın geri qaytarılması uğrunda savaşa atılmağa hazırdır. Hər şey Ali Baş Komandanın bir kəlmə “hücum” əmrinə tabedir. Hər kəs döyüşə gedəcək.

-Dağlıq Qarabağ münaqişəsinin həll edilməsi istiqamətində ATƏT-in Minsk qrupu həmsədrlərindən olan Rusiya ilə Amerikanın maraqları bəllidir. Sizcə, bu məsələnin həll edilməsində daha çox hansı dövlət maraqlıdır?

-Hələ Moskvada olarkən Rusiyanın Qarabağa olan maraqlarını hiss etmişdim. Hadisələr başlayandan bunu bilirdim. Onlar öz maraqları səviyyəsində münaqişənin həll edilməsində maraqlıdır. Amma, Azərbaycan müstəqil dövlətdir. Heç bir dövlətin işinə qarışmır.

Həmçinin, ATƏT-in Minsk qrupu həmsədrlər olaraq, illərdir ki, konkret iş ortaya qoymur. Təkcə ATƏT-in Minsk qrupu olan dövlətlər deyil, özündən razı olan digər beynəlxalq qurumların işindən narazıyam. Nə qədər ki, doğma Şuşamda deyiləm, hamısının fəaliyyətindən narazı olacam. O gün onlardan razı ola bilərəm ki, doğma Şuşama qayıtmışam. BMT-nin 4 qətnaməsi, müxtəlif səpkidə olan bəyanatlar Ermənistana təsir etmək gücünə malik deyil. Hansı ki, ermənilərin günahkar, işğalçı  olduqlarını bilirlər. Dağlıq Qarabağa aid olmayan 7 rayonumuzu işğal edib. Bunu deməməklə yanaşı, ikili standart aparırlar. Bunların da hamısı Azərbaycan xalqına məlumdur.

-Aprelin 2-si Ermənistanda parlament seçkiləri keçirildi. Sizcə, seçkilərdən sonra Dağlıq Qarabağ münaqişəsi ön plana keçib, yoxsa, arxa plana?

-Ermənistan adında dövlət artıq yoxdur. Yalandan adı var. Ermənistan idarə olunur. Bir sıra silahlı qruplar var ki, onlar da Ermənistana rəhbərlik edirlər. Həmin Ermənistandır ki, parlamentdə prezidentliyə namizədi güllələdilər. İkinci dəfə ayrı bir namizədi güllələdilər. Həbsxanada siyasi məhbuslar öldürüldü. Bunlardan dünya çox yaxşı xəbərdardır. Amma heç birindən məlumat dərc etmirlər. Bu da ikili standartlardan, ikili siyasətdən erməniyə tərəfdaşlıq missiyasından xəbər verir. Ermənilərin mövqeyini müdafiə edirlər.

-Hətta, belə demək olarmı ki, Qarabağın erməni icması sizinlə bir araya gəlməyə cəsarət tapmır?

-Axı icmanın nəyi var ki, bizimlə üz-üzə gəlsin!  Əgər Ermənistan ATƏT-in, BMT-nin verdiyi qətnamələri icra etmirsə, Avropa Birliyi (AB) və digər siyasi qurumların dediklərinə əməl etmirsə, Qarabağın Azərbaycanlı İcmasının yazdığı bir məktubdan nə nəticə çıxaracaq?! Əgər Ermənistana “dostumuz”, “qardaşımız” Rusiya, İran kömək əlini uzadırsa, biz nə deyək?!Ona görə də icmaların görüşü nəyi həll edə bilər!

-Aprelin 24-ü “erməni soyqırımı”nın 102-ci ildönümüdür. Hər hansı nota göndərmək fikriniz varmı?

-65 yaşım var. 50 ildən çoxdur ki, qondarma soyqırımı barədə eşidirəm, amma bunlar torpaq iddiasındadırlar. Elə “soyqırımı” deyə-deyə yekəlirlər, elə də ölüb gedirlər. Sadəcə, onları müdafiə edənlərə nota göndəririk ki, “vicdan yaxşı şeydir”.

-Bu il həm də Şuşanın işğal olunmasının 25-ci ili tamam olacaq. Bir şuşalı olaraq, heç olmasa erməni icması ilə hər hansısa təmasa girməyi planlaşdırırsınızmı?

-Onlarla fikir mübadiləsi aparmağa çalışmıram. Allah qoysa, onlarla qalibiyyətə görə danışıq apararam. Təki Allah qismət etsin, qalib kimi onlarla dialoqa girim. İşğalla bağlı məsələlər 2016-cı ilin aprel ayında bitib. Bundan sonra qələbədən danışacağıq. Erməni qangördüsü olmalıdır. Çünki erməni qan görməsə sakitləşmir. Ermənistana Azərbaycan ordusu cavab verəcək. Bir ildir ki, düşmən tərəfi canfəşanlıq edib cəbhədə təxribat törətməklə məşğuldur. Başlarını qaldıran kimi Azərbaycan ordusu  cavabını verir. Yaşasın milli ordumuz!

Bir məqamı da deyim. Ermənistanda erməni icması adlı təşkilat yoxdur. Çünki onları nə maliyyələşdirən, nə də irəli çəkən hakimiyyət var. Onlar özlərini güclə dolandırır. Bir icmanı necə saxlayacaqlar! Qarabağın Azərbaycanlı İcması isə fərqlidir. Dövlət tərəfindən dəstək var. Hər cür avadanlıqla təchiz olunub. İşçilər əmək haqqı ilə təmin olunur.

 

 

Namidə BİNGÖL

 


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
AXC parlamentinin baş tutmayan iclasları – Maraqlı səbəblər və müəmmalar
24.05.2018, 00:42

AXC parlamentinin baş tutmayan iclasları – Maraqlı səbəblər və müəmmalar

Pompeo: Rusiyanı yeni sanksiyalar gözləyir
24.05.2018, 00:12

Pompeo: Rusiyanı yeni sanksiyalar gözləyir

Səddamın yaxtası otelə çevrildi – VİDEO
24.05.2018, 00:05

Səddamın yaxtası otelə çevrildi – VİDEO

ABŞ-da məhkəmə Trampa "Twitter"də onu tənqid edənləri bloklamağı qadağan edib
24.05.2018, 00:00

ABŞ-da məhkəmə Trampa "Twitter"də onu tənqid edənləri bloklamağı qadağan edib

Xərçəng epidemiyasının əsas səbəbi açıqlandı
23.05.2018, 23:45

Xərçəng epidemiyasının əsas səbəbi açıqlandı

İki milyarda yaxın insan kökələcək – PROQNOZ
23.05.2018, 23:37

İki milyarda yaxın insan kökələcək – PROQNOZ

Ramazanın 8-ci günü: dua, imsak və iftar vaxtı
23.05.2018, 23:27

Ramazanın 8-ci günü: dua, imsak və iftar vaxtı

Azərbaycan neftinin qiyməti qalxdı - bir barel 81 dollar 
23.05.2018, 23:13

Azərbaycan neftinin qiyməti qalxdı - bir barel 81 dollar 

Spiker institut direktorunu təltif etdi
23.05.2018, 23:00

Spiker institut direktorunu təltif etdi

İrana gedən azərbaycanlıların sayı artıb
23.05.2018, 22:58

İrana gedən azərbaycanlıların sayı artıb

Evin tək oğlu əsgər getməlidir? - Rəsmi 
23.05.2018, 22:46

Evin tək oğlu əsgər getməlidir? - Rəsmi 

İspaniyada partlayış olub, ölənlər və yaralananlar var
23.05.2018, 22:38

İspaniyada partlayış olub, ölənlər və yaralananlar var

Oğuzda Meşə təsərrüfatı idarəsinin ərazisində yanğın olub
23.05.2018, 22:35

Oğuzda Meşə təsərrüfatı idarəsinin ərazisində yanğın olub

Sabah bu ölkədə nüvə poliqonu söküləcək
23.05.2018, 22:28

Sabah bu ölkədə nüvə poliqonu söküləcək

Bərdədə 18 yaşlı qız intihar edib
23.05.2018, 22:25

Bərdədə 18 yaşlı qız intihar edib

Skripal ilk müsahibəsini verdi
23.05.2018, 22:20

Skripal ilk müsahibəsini verdi

Nazir Avropa İttifaqını qarğadı 
23.05.2018, 22:13

Nazir Avropa İttifaqını qarğadı 

Sosial şəbəkələrin  məşhur müəllimi polisə çağırıldı
23.05.2018, 21:58

Sosial şəbəkələrin  məşhur müəllimi polisə çağırıldı

Dünya çempionu həbs oluna bilər
23.05.2018, 21:49

Dünya çempionu həbs oluna bilər

Bakıda intiharın qarşısı alınıb
23.05.2018, 21:39

Bakıda intiharın qarşısı alınıb

Modemləri sıradan çıxaran yeni virus yayılıb
23.05.2018, 21:29

Modemləri sıradan çıxaran yeni virus yayılıb

ABŞ ordusunun təyyarəsi qəzaya uğrayıb
23.05.2018, 21:17

ABŞ ordusunun təyyarəsi qəzaya uğrayıb

Çingiz Qənizadə: “Rüstəm İbrahimbəyov böyük qardaşların yanında yaxşı olmaq üçün öz xalqını aşağılayır”
23.05.2018, 20:51

Çingiz Qənizadə: “Rüstəm İbrahimbəyov böyük qardaşların yanında yaxşı olmaq üçün öz xalqını aşağılayır”

Dövlət Komitəsinin sədri  Türkiyə parlamentinin spikeri  ilə  görüşdü 
23.05.2018, 20:37

Dövlət Komitəsinin sədri  Türkiyə parlamentinin spikeri  ilə  görüşdü 

Akif Çovdarov çıxış üçün məhkəmədən vaxt istəyib​​​
23.05.2018, 20:23

Akif Çovdarov çıxış üçün məhkəmədən vaxt istəyib​​​

İŞİD Suriyada Bəşşar Əsədə bağlı silahlılara hücum edib, 26 hərbçi ölüb
23.05.2018, 20:11

İŞİD Suriyada Bəşşar Əsədə bağlı silahlılara hücum edib, 26 hərbçi ölüb

Rəhmon Azərbaycan xalqını təbrik etdi
23.05.2018, 20:05

Rəhmon Azərbaycan xalqını təbrik etdi

Çində ABŞ diplomatına “akustik hücum”
23.05.2018, 20:02

Çində ABŞ diplomatına “akustik hücum”

Fuad Muradov Dövlət Komitəsinin sədri  kimi  ilk  rəsmi səfərini Türkiyəyə etdi
23.05.2018, 18:58

Fuad Muradov Dövlət Komitəsinin sədri  kimi  ilk  rəsmi səfərini Türkiyəyə etdi

İnam Kərimov Yevlaxda vətəndaşların şikayətlərini dinlədi
23.05.2018, 18:56

İnam Kərimov Yevlaxda vətəndaşların şikayətlərini dinlədi

Sumqayıtda 30-dan çox ev işıqsız qaldı
23.05.2018, 18:49

Sumqayıtda 30-dan çox ev işıqsız qaldı

Şura “Müsəlman Şərqində ilk demokratik respublika” adlı konfrans keçirib
23.05.2018, 18:37

Şura “Müsəlman Şərqində ilk demokratik respublika” adlı konfrans keçirib

Prezident təhsil müəssisələrinə 40 milyon manat ayırdı - SİYAHI
23.05.2018, 18:30

Prezident təhsil müəssisələrinə 40 milyon manat ayırdı - SİYAHI

Azərbaycanın müdafiə naziri Anjey Kaspşiklə görüşüb
23.05.2018, 18:26

Azərbaycanın müdafiə naziri Anjey Kaspşiklə görüşüb

Azərbaycanda 200 manatlıq yeni əsginas dövriyyəyə buraxılacaq - FOTO
23.05.2018, 18:23

Azərbaycanda 200 manatlıq yeni əsginas dövriyyəyə buraxılacaq - FOTO

ARXİV
SORĞU
Türkiyədə səsvermə hüqüqunuz olsaydı, hansı namizədə səs verərdiniz?
Muharrem İnce (21.0%)
Meral Akşener (12.0%)
Rəcəb Tayyip Ərdoğan (59.3%)
Selahattin Demirtaş (2.25%)
Temel Karamollaoğlu (0.75%)
Doğu Perinçek (4.51%)